• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹಳೆ ಎಲೆಕ್ಟ್ರಾನಿಕ್ ವಸ್ತುಗಳ ಅಮದಿಗೆ ನಿರ್ಬಂಧ

By Mahesh
|
ನವದೆಹಲಿ, ಮೇ.17: ವಿದೇಶಗಳಿಂದ ದೇಶಕ್ಕೆ ದಾನದ ರೂಪದಲ್ಲಿ ಬರುವ ಕಂಪ್ಯೂಟರ್, ಲ್ಯಾಪ್ ಟಾಪ್ ಮತ್ತು ಇತರ ಎಲೆಕ್ಟ್ರಾನಿಕ್ ಉಪಕರಣಗಳ ಮೇಲೆ ಸರ್ಕಾರ ನಿರ್ಬಂಧ ಹೇರಿದೆ. ಈ ತನಕ ಸರ್ಕಾರಿ ಶಾಲೆಗಳಿಗೆ, ದತ್ತಿ ಆಸ್ಪತ್ರೆಗಳಿಗೆ, ಗ್ರಂಥಾಲಯಗಳಿಗೆ ಮತ್ತು ಇತರ ಸೇವಾ ಸಂಸ್ಥೆಗಳಿಗೆ ಹಳೆಯ ಕಂಪ್ಯೂಟರ್ ಹಾಗೂ ಇತರ ವಸ್ತುಗಳನ್ನು ದಾನ, ಕೊಡುಗೆಯ ರೂಪದಲ್ಲಿ ಆಮದು ಮಾಡಿಕೊಳ್ಳಲು ಅವಕಾಶವಿತ್ತು.

ದೇಶದಲ್ಲಿ ಹೆಚ್ಚುತ್ತಿರುವ ಎಲೆಕ್ಟ್ರಾನಿಕ್ ತ್ಯಾಜ್ಯ(ಇ-ತ್ಯಾಜ್ಯ)ದ ಸಮಸ್ಯೆಯಿಂದ ಹಾಗೂ ಆರೋಗ್ಯದ ಹಿತದೃಷ್ಟಿಯಿಂದ ಸರ್ಕಾರ ಇದೀಗ ಈ ವಸ್ತುಗಳ ಮೇಲೆ ಸಂಪೂರ್ಣ ನಿಷೇಧ ಹೇರಿಲ್ಲವಾದರೂ, ನಿರ್ಬಂಧ ಹೇರಿದೆ. ಈ ಆಮದಿನ ಕುರಿತು ವಿದೇಶಿ ವ್ಯಾಪಾರದ ಪ್ರಧಾನ ನಿರ್ದೇಶನಾಲಯ (DGFT) ನಿರ್ಬಂಧ ಹೇರಿದ್ದು ಪ್ರತಿ ಅಮದನ್ನೂ ಪರಿಶೀಲಿಸಿ ನಂತರ ಅನುಮತಿ ನೀಡಲಿದೆ.

ಒಂದು ಅಂದಾಜಿನ ಪ್ರಕಾರ 2009ರ ಮೊದಲ ಆರು ತಿಂಗಳಿನಲ್ಲಿ ಸುಮಾರು 600 ಟನ್ ಗಳಷ್ಟು ಇ-ತ್ಯಾಜ್ಯ ದೇಶಕ್ಕೆ ದಾನದ ರೂಪದಲ್ಲಿ ಬಂದಿದೆ. ಇದರಲ್ಲಿ ಶೇ.70ರಷ್ಟು ಅಮೆರಿಕಾದಿಂದಲೇ ಬಂದಿದ್ದು ಇದನ್ನು ಶಾಲೆಗಳಿಗೆ ದಾನದ ರೂಪದಲ್ಲಿ ನೀಡಲಾಗಿದೆ. ಸರ್ಕಾರೇತರ ಸಂಸ್ಥೆಗಳ ಪ್ರಕಾರ ಮುಂದುವರಿದ ದೇಶಗಳು ನಿರುಪಯುಕ್ತ ಪದಾಥಗಳನ್ನೂ ಇದರಲ್ಲಿ ಸೇರಿಸಿ ಕಳಿಸುತ್ತಿರುವುದರಿಂದ ಜನರ ಆರೋಗ್ಯಕ್ಕೆ ಧಕ್ಕೆಯಾಗುವ ಸಂಭವವಿದೆ.

ಈ ರೀತಿಯ ತ್ಯಾಜ್ಯ ರೂಪದ ದಾನ ವ್ಯವಸ್ಥೆಗೆ ಕಡಿವಾಣ ಹಾಕಲು ಕೇಂದ್ರ ಪರಿಸರ ಸಚಿವಾಲಯ ಇ- ತ್ಯಾಜ್ಯದ ನಿರ್ವಹಣೆಯ ಕರಡು ಕಾಯ್ದೆ 2010 ನ್ನು ಸಿದ್ಧಪಡಿಸಿದೆ. ಉಪಯೋಗಿಸಿದ ಕಂಪ್ಯೂಟರ್, ಇತರ ಉಪಕರಣಗಳನ್ನು ಈ ರೀತಿ ದಾನದ ಹೆಸರಿನಲ್ಲಿ ತಂದೊಗೆಯುವುದಕ್ಕೆ ತಮ್ಮ ವೈಯಕ್ತಿಕ ವಿರೋಧವಿದೆ.ಇದು ಪರಿಸರಕ್ಕೆ ಮತ್ತು ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರಲಿದೆ ಎಂದು ಇತ್ತೀಚೆಗೆ ರಾಜ್ಯಸಭೆಯಲ್ಲಿ ಪರಿಸರ ಸಚಿವ ಜೈ ರಾಮ್ ರಮೇಶ್ ಅವರು ಹೇಳಿದ್ದರು.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more