ಎಂಡೋಸಲ್ಫಾನ್ ನಿಷೇಧ ಕೇಂದ್ರಕ್ಕೆ ಬಿಟ್ಟದ್ದು

ಪುತ್ತೂರು, ಮಾ. 1 : ಎಂಡೋಸಲ್ಫಾನ್ ನಿಷೇಧ ಮಾಡೋದು, ಬಿಡೋದು ಕೇಂದ್ರ ಸರಕಾರದ ವಿವೇಚನೆಗೆ ಬಿಟ್ಟದ್ದು. ಆದರೆ, ರಾಜ್ಯದಲ್ಲಿ ಅದರ ದುರ್ಬಳಕೆ ಬಗ್ಗೆ ನನ್ನ ಸರಕಾರ ನಿಗಾ ಇಡುವುದಂತೂ ನಿಜ ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ಹೇಳಿದರು.

ಬೆಳ್ತಂಗಡಿ ತಾಲ್ಲೂಕಿನ ಹೋಬಳಿ ಕೇಂದ್ರ ಕೊಕ್ಕಡಕ್ಕೆ ಮೊದಲ ಬಾರಿ ಭೇಟಿ ನೀಡಿದ ಅವರು, 231 ಕುಟುಂಬಗಳ ಮಂದಿಗೆ ತಲಾ 50 ಸಾವಿರ ರುಪಾಯಿ ಪರಿಹಾರ ಧನ, ವಿಕಲಚೇತನರಾದವರಿಗೆ 400 ರಿಂದ ಸಾವಿರ ರುಪಾಯಿ ತನಕ ಮಾಸಾಶನವನ್ನು ಅವರು ವಿತರಿಸಿದರು. ಎಂಡೋಸಲ್ಫಾನ್ ಗೇರು ತೋಟಗಳಿಗೆ ಹತ್ತಿಪ್ಪತ್ತು ವರ್ಷ ಬೇಕಾಬಿಟ್ಟಿ ಸಿಂಪರಣೆ ಮಾಡಿದ್ದರಿಂದ ಕೊಕ್ಕಡ ಮತ್ತು ಸುತ್ತಮುತ್ತಲಿನ 231 ಮಂದಿ ವಿಕಲಚೇತರರಾಗಿದ್ದಾರೆ.