ಕಾಮನ್ ವೆಲ್ತ್ ಕೂಟಕ್ಕೆ ಭಾರಿ ಬಂದೋಬಸ್ತ್

ನವದೆಹಲಿ, ಡಿ. 31 : ಭಯೋತ್ಪಾದಕರಿಗೆ ತಮ್ಮ ಅಥ್ಲೇಟ್ ಗಳಿಗೆ ಜೀವ ಬೆದರಿಕೆ ಭಯವಿದೆ ಎಂಬ ಕಾರಣಕ್ಕೆ ಇಂಗ್ಲೆಂಡ್ 2010 ರಲ್ಲಿ ನವದೆಹಲಿಯಲ್ಲಿ ನಡೆಯಲಿರುವ ಕಾಮನ್ ವೆಲ್ತ್ ಕ್ರೀಡಾಕೂಟದಿಂದ ಹಿಂದೆ ಸರಿಯಲಿದೆ ಎಂಬುದನ್ನು ಕಾಮನ್ ವೆಲ್ತ್ ಕ್ರೀಡಾಕೂಟದ ಮುಖ್ಯಸ್ಥ ಸುರೇಶ್ ಕಲ್ಮಾಡಿ ನಿರಾಕರಿಸಿದ್ದಾರೆ.

ಇಂಗ್ಲೆಂಡ್ ನ ಭದ್ರತಾ ಅಧಿಕಾರಿಗಳು ನವದೆಹಲಿಗೆ ಭೇಟಿ ನೀಡಿ ಭದ್ರತಾ ಪರಿಶೀಲನೆ ನಡೆಸಿದ ನಂತರ ದಿ ಡೈಲಿ ಟೆಲಿಗ್ರಾಫ್ ಪತ್ರಿಕೆಯಲ್ಲಿ ಈ ವರದಿ ಪ್ರಕಟವಾಗಿತ್ತು. ಕಾಮನ್ ವೆಲ್ತ್ ಕ್ರೀಡಾಕೂಟಕ್ಕೆ ಸಾಕಷ್ಟು ಭದ್ರತೆ ಒದಗಿಸಲು ಸರಕಾರ ಕ್ರಮಕೈಗೊಂಡಿದೆ. ಭಯೋತ್ಪಾದನೆ ದಾಳಿಯ ಬಗ್ಗೆ ಯಾರೂ ಆತಂಕಪಡುವ ಅಗತ್ಯವಿಲ್ಲ. ಆಟಗಾರರ ಸಂಪೂರ್ಣ ಜವಾಬ್ದಾರಿಯನ್ನು ತೆಗೆದುಕೊಳ್ಳಲಾಗುವುದು ಎಂದು ಕಲ್ಮಾಡಿ ಭರವಸೆ ನೀಡಿದ್ದಾರೆ.

ಲಂಡನ್ ಪತ್ರಿಕೆಯಲ್ಲಿ ಬಂದಿರುವ ವರದಿ ಸತ್ಯಕ್ಕೆ ದೂರವಾದ ಸಂಗತಿ. ಇಂಗ್ಲೆಂಡ್ ಆಟಗಾರರ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಭಾಗವಹಿಸುತ್ತಾರೆ. ಅದರಲ್ಲಿ ಯಾವುದೇ ಅನುಮಾನ ಬೇಡ ಎಂದು ಕಲ್ಮಾಡಿ ಹೇಳಿದರು. ಇಂತಹ ವರದಿಗಳ ಯಾರೂ ತಲೆಕೆಡಿಸಿಕೊಳ್ಳಬಾರದು ಎಂದು ಅವರು ಸಲಹೆ ಅಭಿಪ್ರಾಯಪಟ್ಟಿದ್ದಾರೆ.