ಐವರಿಗೆ ಇನ್ಫೋಸಿಸ್ ವಿಜ್ಞಾನ ಪ್ರಶಸ್ತಿ

ಬೆಂಗಳೂರು, ಡಿ. 1 : ವೈಜ್ಞಾನಿಕ ಸಂಶೋಧನಾ ಕ್ಷೇತ್ರಗಳಲ್ಲಿ ಅತ್ಯುತ್ತಮ ಸಾಧನೆ ಮಾಡಿದವರಿಗೆ ಇನ್ಫೋಸಿಸ್ ವಿಜ್ಞಾನ ಪ್ರತಿಷ್ಠಾನ ನೀಡುವ ಪ್ರಸಕ್ತ ಸಾಲಿನ ಇನ್ಫೋಸಿಸ್ ಪ್ರಶಸ್ತಿಗಳನ್ನು ಪ್ರಕಟಿಸಲಾಗಿದ್ದು, ಬೆಂಗಳೂರಿನ ಕೆ ವಿಜಯರಾಘವನ್ ಸೇರಿದಂತೆ ದೇಶದ ಒಟ್ಟು ಐದು ಮಂದಿ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.

ವಿಜ್ಞಾನ ಪ್ರತಿಷ್ಠಾನದ ಅಧ್ಯಕ್ಷ ಎನ್ ಆರ್ ನಾರಾಯಣಮೂರ್ತಿ ಮತ್ತು ಟ್ರಸ್ಟಿಗಳು ಸೋಮವಾರ ಪ್ರಶಸ್ತಿ ಪುರಷ್ಕೃತ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಜನವರಿ 4 ರಂದು ನವದೆಹಲಿಯಲ್ಲಿ ನಡೆಯುವ ಸಮಾರಂಭದಲ್ಲಿ ಪ್ರಧಾನಿ ಮನಮೋಹನ್ ಸಿಂಗ್ ಅವರು ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಪ್ರತಿಯೊಂದು ವಿಭಾಗದ ಪ್ರಶಸ್ತಿಯು ತಲಾ 50 ಲಕ್ಷ ಬಹುಮಾನ ಒಳಗೊಂಡಿದೆ.

ಪ್ರಶಸ್ತಿ ಪುರಸ್ಕೃತರ ಪಟ್ಟಿ

ಭೌತವಿಜ್ಞಾನ - ಪುಣೆಯ ತನು ಪದ್ಮನಾಭನ್
ಗಣಿತ ವಿಜ್ಞಾನ - ಅಲಹಾಬಾದ್ ನ ಅಶೋಕ್ ಸೆನ್
ಜೀವವಿಜ್ಞಾನ - ಬೆಂಗಳೂರಿನ ಕೆ ವಿಜಯ್ ರಾಘವನ್
ಅರ್ಥಶಾಸ್ತ್ರ - ಅಭಿಜಿತ್ ವಿನಾಯಕ ಬ್ಯಾನರ್ಜಿ
ಚರಿತ್ರೆ - ನವದೆಹಲಿಯ ಉಪಿಂದರ್ ಸಿಂಗ್

(ದಟ್ಸ್ ಕನ್ನಡ ವಾರ್ತೆ)