ಪ್ರೀತಿಗಾಗಿ ಕುಟುಂಬದ7 ಜನರ ಹತ್ಯೆಗೈದ ಪಾಪಿ

ರೋಹ್ಟಕ್, ಹರ್ಯಾಣ, ಸೆ. 21:ಒಂದೇ ಗೋತ್ರ(ಸಗೋತ್ರ)ದ ಯುವಕ ಯುವತಿಯ ಮದುವೆಗೆ ಮನೆಯವರು, ಗ್ರಾಮಸ್ಥರು ಅಡ್ಡಿ ಮಾಡಿದ್ದು ಸಾವಿನೊಂದಿಗೆ ಪರ್ಯಾವಸನಗೊಂಡಿದೆ. ಸೋನಮ್ ಎಂಬ ಯುವತಿ ಪ್ರೀತಿಗಾಗಿ ಕುಟುಂಬದ 7 ಜನರಿಗೆ ವಿಷಕೊಟ್ಟು ಸಾಯಿಸಿದ ದಾರುಣ ಘಟನೆ ನಡೆದಿದೆ.

ಸಗೋತ್ರದ ಯುವಕ ನವೀನ್ ಹಾಗೂ ಸೋನಮ್ (19)ಅವರನ್ನು ಬಂಧಿಸಲಾಗಿದೆ. ಸೋನಮ್ ಹಾಗೂ ನವೀನ್ ಪರಸ್ಪರ ಪ್ರೀತಿಸುತ್ತಿದ್ದರು. ಆದರೆ ಇಬ್ಬರೂ ಒಂದೇ ಗೋತ್ರದವರಾದ್ದರಿಂದ ಸೋನಮ್ ಕುಟುಂಬದವರು ಇವರ ಮದುವೆಗೆ ಒಪ್ಪಿರಲಿಲ್ಲ. ಇದರಿಂದ ಕ್ರುದ್ಧಳಾದ ಸೋನಮ್ ಸೆ. 14 ರಂದು ತನ್ನ ಹೆತ್ತವರು, ಒಡ ಹುಟ್ಟಿದ ಅಣ್ಣ, ಅಜ್ಜಿ, ಚಿಕ್ಕ ಮಕ್ಕಳು ಮೂವರಿಗೆ ಆಹಾರದಲ್ಲಿ ವಿಷ ಬೆರೆಸಿ ನೀಡಿದ್ದಾಳೆ. ವಿಷಯ ತಡವಾಗಿ ಬೆಳಕಿಗೆ ಬಂದಿದೆ.

ವಿಷವಿಕ್ಕಿದ ನಂತರ ಮತ್ತುಬರುವ ಮಾತ್ರೆಗಳನ್ನು ಸೇವಿಸಿ ನಿದ್ರಾವಸ್ಥೆಗೆ ಜಾರಿದ್ದಳು, ಕುಟುಂಬದ ಹಿರಿಯ ತಕ್ ಧೀರ್ ಸಿಂಗ್ ಮನೆಯಿಂದ ಹೊರಗುಳಿದಿದ್ದರಿಂದ ಬಚಾವಾಗಿದ್ದಾರೆ .ತನ್ನ ತಪ್ಪನ್ನು ಸೋನಮ್ ಒಪ್ಪಿಕೊಂಡಿದ್ದಾಳೆ ಎಂದು ಸ್ಥಳೀಯ ಎಸ್ಪಿ ದಲ್ ಬೀರ್ ಸಿಂಗ್ ಹೇಳಿದ್ದಾರೆ.

(ಏಜೆನ್ಸೀಸ್)