ಟಿವಿ ನೋಡದಂತೆ ಲಷ್ಕರ್ ಫರ್ಮಾನು

ನವದೆಹಲಿ, ಆ. 18 : ಟಿವಿ ನೋಡುವುದು ಇಸ್ಲಾಂ ಧರ್ಮಕ್ಕೆ ವಿರುದ್ದವಾಗಿರುವುದರಿಂದ, ಜಮ್ಮು ಮತ್ತು ಕಾಶ್ಮೀರದಲ್ಲಿ ಈ ಕೂಡಲೇ ಟಿವಿ ನೋಡುವುದನ್ನು ನಿಲ್ಲಸಬೇಕೆಂದು ಉಗ್ರಗಾಮಿ ಸಂಘಟನೆ ಲಷ್ಕರ್-ಇ-ತೋಯ್ಬಾ ಫರ್ಮಾನು ಹೊರಡಿಸಿದೆ. ನಮ್ಮ ಫರ್ಮಾನು ವಿರುದ್ದ ನಡೆದುಕೊಂಡರೆ ಏನಾಗುತ್ತದೆ ಎಂದು ನೋಡಬೇಕಾದರೆ ಬನಿಹಾಲ್ ಪ್ರದೇಶದ ನಿವಾಸಿ ಗುಲಾಂನಬಿ ಅವರ ಪರಿಸ್ಥಿತಿ ನೋಡಿ ಎಂದು ಎಚ್ಚರಿಸಿದೆ.

ತಾಲಿಬಾನ್ ಶೈಲಿಯಲ್ಲೇ ದಾಳಿ ಮಾಡಿದ ಲಷ್ಕರ್ ಉಗ್ರರು ಇನ್ನು ಮುಂದೆ ಯಾರೂ ಟಿವಿ ನೋಡುವ ಧೈರ್ಯ ಮಾಡಲಾರರು ಎಂಬುದನ್ನು ಖಚಿತ ಪಡಿಸಿಕೊಂಡಿದ್ದಾರೆ. ಟಿವಿಯು ಎಲ್ಲಾ ಸಮಸ್ಯೆಗಳ ಕೇಂದ್ರವಾಗಿದ್ದು, ಗ್ರಾಮಸ್ಥರ ಮನಸ್ಸಿನಲ್ಲಿ ಕೆಟ್ಟ ಆಲೋಚನೆಗಳನ್ನು ತುರುಕಲು ಇದುವೇ ಮೂಲ ಕಾರಣ ಎಂಬುದಾಗಿ ಹೊಸದಾಗಿ ನೀಡಲಾಗಿರುವ ಫರ್ಮಾನಿನಲ್ಲಿ ತಿಳಿಸಿದ್ದಾರೆ. ಹಿಂಸಾಚಾರ ನಡೆಸುವುದರ ಮೂಲಕ ಮಸೀದಿಯ ಆವರಣದ ಗೋಡೆಯಲ್ಲಿ ಲಷ್ಕರ್ ಉಗ್ರರು ಭಿತ್ತಿಚಿತ್ರ ಹಂಚಿದ್ದು ಟಿವಿ ನೋಡದಂತೆ ಎಚ್ಚರಿಕೆ ನೀಡಿದ್ದಾರೆಂದು ಗ್ರಾಮಸ್ಥರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

(ಏಜನ್ಸೀಸ್)