ಕನ್ನಡ ಬೋರ್ಡ್ ಕಡ್ಡಾಯ, ಮೀನಾ

ಬೆ೦ಗಳೂರು, ಜೂ. 23 : ಬೃಹತ್ ಬೆ೦ಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಪ್ರದರ್ಶಿಸುವ ಎಲ್ಲಾ ಜಾಹೀರಾತು ಬೋರ್ಡ್ ಗಳು ಕನ್ನಡಲ್ಲೇ ಇರಬೇಕೆಂದು ಎಲ್ಲಾ ಜಾಹೀರಾತು ಏಜನ್ಸಿ ಮುಖ್ಯಸ್ಥರಿಗೆ ಬಿಬಿಎಂಪಿ ಆಯುಕ್ತ ಭರತ್ ಲಾಲ ಮೀನಾ ಸೂಚಿಸಿದ್ದಾರೆ.

ನಗರದ ಜಾಹೀರಾತು ಏಜನ್ಸಿ ಮುಖ್ಯಸ್ಥರೊ೦ದಿಗೆ ಸಭೆ ನಡೆಸಿದ ಅವರು ಜಾಹೀರಾತು ನೀಡುವ ಕಂಪನಿಗಳು ಕೂಡಾ ನಗರದಲ್ಲಿ ತಮ್ಮ ಉತ್ಪನ್ನಗಳ ಬಗ್ಗೆ ಜಾಹೀರಾತು ಬೋರ್ಡ್ ಹಾಕುವಾಗ ಕನ್ನಡದಲ್ಲೇ ಜಾಹೀರಾತು ವಿಷಯವನ್ನು ಮುದ್ರಿಸಬೇಕೆಂದು ಕಂಪನಿಗಳಿಗೆ ಪತ್ರ ಬರೆದು ಮನವಿ ಮಾಡಬೇಕೆಂದು ತಿಳಿಸಿದ್ದಾರೆ. ಆಯುಕ್ತರ ಸೂಚನೆಗೆ ಜಾಹೀರಾತು ಏಜನ್ಸಿಗಳ ಮುಖ್ಯಸ್ಥರು ಒಪ್ಪಿಗೆ ನೀಡಿದ್ದಾರೆ.

ಈಗಾಗಲೇ ಪಾಲಿಕೆಯ ಆಡಳಿತ ಸಂಪೂರ್ಣವಾಗಿ ಕನ್ನಡಮಯವಾಗಿದೆ. ಕನ್ನಡದಲ್ಲೇ ಎಲ್ಲಾ ಕಡತಗಳಿಗೂ ಟಿಪ್ಪಣಿ ಹಾಕಲಾಗುತ್ತಿವೆ. ಪಾಲಿಕೆ ವಾಹನಗಳಿಗೂ ಕನ್ನಡದಲ್ಲೇ ಸಂಖ್ಯೆಗಳನ್ನು ಬರೆಸಲಾಗಿದೆ ಎ೦ದು ಮೀನಾ ಹೇಳಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)