ರಿಲೈಯನ್ಸ್ ಮೊಬೈಲ್ ನಲ್ಲಿ ಇದೀಗ ಬಿಸಿಬಿಸಿ ಸುದ್ದಿ
ಮುಂಬೈ, ಜೂ. 17 : ಮೊಬೈಲ್ ಕ್ಷೇತ್ರದಲ್ಲಿ ಕಾಲಿಟ್ಟು ಅಗ್ಗದ ದರದಲ್ಲಿ ಜನಸಾಮಾನ್ಯರಿಗೆ ಮೊಬೈಲ್ ಸೆಟ್ ನೀಡಿದ ಖ್ಯಾತಿಗೆ ಒಳಗಾಗಿದ್ದ ರಿಲೈಯೆನ್ಸ್ ಮೊಬೈಲ್ ಕಂಪನಿ ಇದೀಗ ತನ್ನ ಗ್ರಾಹಕರಿಗೆ ಎಂಎಂಎಸ್ ಮೂಲಕ ಬಿಸಿಬಿಸಿ ಸುದ್ದಿ ತಲುಪಿಸುವ ವ್ಯವಸ್ಥೆ ಆರಂಭಿಸಿದೆ.
ರಾಷ್ಟ್ರೀಯ ಹಿಂದಿ ವಾಹಿನಿ ಆಜ್ ತಕ್ ಜೊತೆ ಹೊಂದಾಣಿಕೆ ಮಾಡಿಕೊಂಡಿರುವ ರಿಲೈಯನ್ಸ್ ನಿತ್ಯ ರಿಲೈಯನ್ಸ್ ಬಳಕೆದಾರರಿಗೆ ನಿತ್ಯದ ಸುದ್ದಿ ಸಮಾಚಾರಗಳನ್ನ ಎಂಎಂಎಸ್ ವಿಡಿಯೋ ಮೂಲಕ ನೀಡಲಿದೆ.
ರಿಲೈಯನ್ಸ್ ಮೊಬೈಲ್ ಆಜ್ ತಕ್ ವಾಹಿನಿಯೊಂದಿಗೆ ಹೊಂದಾಣಿಕೆ ಮಾಡಿಕೊಂಡಿದ್ದು, ರಾಷ್ಟ್ರೀಯ, ಅಂತಾರಾಷ್ಟ್ರೀಯ, ವ್ಯಾಪಾರ, ಕ್ರೀಡೆ, ಮನರಂಜನೆಗಳಿಗೆ ಸಂಬಂಧಿಸಿದ ಸುದ್ದಿಗಳನ್ನು ಎಂಎಂಸಿ ಮೂಲಕ ವಿಡಿಯೋ ಕ್ಲಿಪ್ ಗಳನ್ನು ರಿಲೈಯನ್ಸ್ ಬಳಕೆದಾರರಿಗೆ ಒದಗಿಸಲಿದೆ.
ಈ ಸೇವೆಗೆ ರಿಲೈಯನ್ಸ್ ತಿಂಗಳಿಗೆ ಕೇವಲ 30 ರುಪಾಯಿಗಳನ್ನು ಪಾವತಿ ಮಾಡಿಬೇಕು ಎಂದು ತಿಳಿಸಿದೆ. ರಿಲೈಯನ್ಸ್ ನ ಪ್ರಿಪೇಯ್ಡ್ ಹಾಗೂ ಪೊಸ್ಟ್ ಪೇಯ್ಡ್ ಗ್ರಾಹಕರಿಗೂ ಇದು ಲಭ್ಯ ಎಂದು ಕಂಪನಿ ಮುಖ್ಯಸ್ಥರು ತಿಳಿಸಿದ್ದಾರೆ. ರಿಲೈಯನ್ಸ್ ಬಳಕೆದಾರರಿಗೆ ಮಾತ್ರ ಈ ಸೌಲಭ್ಯ ದೊರೆಯಲಿದೆ.
(ಏಜನ್ಸೀಸ್)