ಸಾಫ್ಟ್ ವೇರ್ ರಫ್ತು: ಕರ್ನಾಟಕ ಫಸ್ಟ್,ಮಹಾರಾಷ್ಟ್ರ ನೆಕ್ಸ್ಟ್

ಬೆಂಗಳೂರು, ಡಿ.13 : ಸಾಫ್ಟ್ ವೇರ್ ರಫ್ತಿನಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ. ಶೇ.54ರಷ್ಟು ರಫ್ತು ಪ್ರಮಾಣವನ್ನು ಹೊಂದಿರುವ ಕರ್ನಾಟಕ, ಎಂದಿನಂತೆ ಮೊದಲ ಸ್ಥಾನವನ್ನು ಉಳಿಸಿಕೊಂಡಿದೆ ಎಂದು ಎಲೆಕ್ಟ್ರಾನಿಕ್ಸ್ ಮತ್ತು ಕಂಪ್ಯೂಟರ್ ಸಾಫ್ಟ್ ವೇರ್ ರಫ್ತು ಮಂಡಳಿಯ ಕಾರ್ಯ ನಿರ್ವಾಹಕ ನಿರ್ದೇಶಕ ಡಿ.ಕೆ.ಸರೀನ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ದೇಶದ ಒಟ್ಟು ರಫ್ತು ಪ್ರಮಾಣ ರೂ.48,700ಕೋಟಿ. ರಫ್ತಿನಲ್ಲಿ ದಕ್ಷಿಣ ಭಾರತದ್ದೇ ಸಿಂಹಪಾಲು. ಇಲ್ಲಿನ ಶೇ.61ರಷ್ಟು ರಫ್ತಿನಲ್ಲಿ ಕರ್ನಾಟಕದ ಕೊಡುಗೆ ಶೇ.54ರಷ್ಟಿದೆ. ಕಳೆದ ವರ್ಷಗಳಿಗೆ ಹೋಲಿಸಿದರೆ, ಕರ್ನಾಟಕದ ಸಾಧನೆ ತುಸು ಕುಸಿದಿದೆ. ಆದರೂ ನಂ.1ಸ್ಥಾನವನ್ನು ಉಳಿಸಿಕೊಂಡಿದೆ. ಮಹಾರಾಷ್ಟ್ರ ಎರಡನೇ ಸ್ಥಾನಕ್ಕೆ ನೆಗೆದಿದ್ದು, ತಮಿಳುನಾಡು ಮತ್ತು ಕರ್ನಾಟಕ ತುಸು ಹಿಂದೆ ಸರಿದಿವೆ.

(ದಟ್ಸ್ ಕನ್ನಡ ವಾರ್ತೆ)