ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ರಕ್ತರಹಿತ ಶಸ್ತ್ರಚಿಕಿತ್ಸೆ ನಮ್ ಬೆಂಗಳೂರಿನಲ್ಲಿ ಮಾತ್ರ ಲಭ್ಯ!
ಬೆಂಗಳೂರು, ಡಿ.8 : ಆಧುನಿಕ ವೈದ್ಯಕೀಯ ವಿಜ್ಞಾನ ಬೆಳೆಯುತ್ತಿದೆ. ರಕ್ತ ರಹಿತ ಶಸ್ತ್ರ ಚಿಕಿತ್ಸೆ ಎಂಬ ಕಲ್ಪನೆ ನಿಜವಾಗಿದ್ದು, ಈ ಶಸ್ತ್ರ ಚಿಕಿತ್ಸಾ ಕೇಂದ್ರ ನಗರದ ಅಫೋಲೊ ಆಸ್ಪತ್ರೆಯಲ್ಲಿ ಆರಂಭಗೊಂಡಿದೆ. ಇದು ಭಾರತದ ಮೊದಲ ರಕ್ತ ರಹಿತ ಶಸ್ತ್ರ ಚಿಕಿತ್ಸಾ ಕೇಂದ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಬನ್ನೇರುಘಟ್ಟ ರಸ್ತೆಯಲ್ಲಿರು ಈ ಆಸ್ಪತ್ರೆಗೆ ರಕ್ತ ರಹಿತ ಶಸ್ತ್ರ ಚಿಕಿತ್ಸೆಗಾಗಿ ನುರಿತ ವೈದ್ಯರ ತಂಡವನ್ನು ಕರೆಸಲಾಗುತ್ತಿದೆ. ಆಧುನಿಕ ಸಾಧನಗಳನ್ನು ಆಸ್ಪತ್ರೆ ಹೊಂದಿದೆ. ರಕ್ತರಹಿತ ಶಸ್ತ್ರ ಚಿಕಿತ್ಸೆಯಿಂದ ಹೆಚ್ಐವಿ ಸೇರಿದಂತೆ ವಿವಿಧ ಸೋಂಕು ಹರಡುವುದಿಲ್ಲ. ಜೊತೆಗೆ ರಕ್ತ ನಷ್ಟವಾಗುವುದಿಲ್ಲ.
ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಆಸ್ಪತ್ರೆಯ ವೈದ್ಯಕೀಯ ಸೇವೆಗಳ ನಿರ್ದೇಶಕ ಡಾ.ಉಮೇಶ್ ಗುಪ್ತಾ ಮಾಹಿತಿ ನೀಡಿದರು. ಡಾ.ಸುಬ್ರಹ್ಮಣ್ಯಂ, ಡಾ.ಗೀತಾ, ಡಾ.ಉಮಾಪತಿ ಈ ಸಂದರ್ಭದಲ್ಲಿ ಹಾಜರಿದ್ದರು.
(ದಟ್ಸ್ ಕನ್ನಡ ವಾರ್ತೆ)
Comments
Story first published: Saturday, December 8, 2007, 15:43 [IST]