ಒಕ್ಕಲಿಗರ ಸಂಘದ ಅಧ್ಯಕ್ಷ ಗಾದಿಗೆ ಪ್ರೊ.ವೆಂಕಟಗಿರಿಗೌಡ

ಒಕ್ಕಲಿಗರ ಸಂಘದ ಅಧ್ಯಕ್ಷ ಗಾದಿಗೆ ಪ್ರೊ.ವೆಂಕಟಗಿರಿಗೌಡ
ಚುನಾವಣೆಯಲ್ಲಿ ಕೆಂಚಪ್ಪಗೌಡರ ಬಣದ ಮೇಲುಗೈ

ಕರ್ನಾಟಕ ಒಕ್ಕಲಿಗರ ಸಂಘದ ಅಧ್ಯಕ್ಷರಾಗಿ ಅರ್ಥಶಾಸ್ತ್ರಜ್ಞ ಹಾಗೂ ಮಾಜಿ ಸಂಸದ ಪ್ರೊ.ಕೆ.ವೆಂಕಟಗಿರಿ ಗೌಡ ಆಯ್ಕೆಯಾಗಿದ್ದಾರೆ.

ಸೋಮವಾರ (ಜು.28) ನಡೆದ ಸಂಘದ ಕಾರ್ಯಕಾರಿಣಿ ಸಭೆಯಲ್ಲಿ 19 ನಿರ್ದೇಶಕರ ಬೆಂಬಲದೊಂದಿಗೆ ಪ್ರತಿಸ್ಪರ್ಧಿ ಹಾಗೂ ಈ ಹಿಂದಿನ ಅಧ್ಯಕ್ಷರಾಗಿದ್ದ ಡಾ.ಸಿ.ವಿಠಲ್‌ ಅವರನ್ನು ಹಿಂದಿಕ್ಕಿ, ವೆಂಕಟಗಿರಿ ಗೌಡ ಗಾದಿಗೆ ಚುನಾಯಿತರಾದರು. 35 ನಿರ್ದೇಶಕರ ಪೈಕಿ ವಿಠಲ್‌ ಅವರನ್ನು 16 ನಿರ್ದೇಶಕರು ಬೆಂಬಲಿಸಿದರು.

ಸಂಘದ ಪ್ರಧಾನ ಕಾರ್ಯದರ್ಶಿಯಾಗಿ ಎ.ಮಂಜು, ಉಪಾಧ್ಯಕ್ಷರಾಗಿ ಎಸ್‌.ಟಿ.ನಾರಾಯಣಗೌಡ ಹಾಗೂ ಎಂ.ಆಂಜನಪ್ಪ , ಜಂಟಿ ಕಾರ್ಯದರ್ಶಿಯಾಗಿ ಡಾ.ಹನುಮಂತೇಗೌಡ ಮತ್ತು ಖಜಾಂಚಿಯಾಗಿ ಬಿ.ಎಚ್‌.ಜಗದೀಶ್‌ ಆಯ್ಕೆಯಾಗಿದ್ದಾರೆ.

ಒಟ್ಟಾರೆಯಾಗಿ ಕೆಂಚಪ್ಪಗೌಡರ ಬಣ ಸಂಘದ ಚುನಾವಣೆಯಲ್ಲಿ ಮೇಲುಗೈ ಸಾಧಿಸಿದೆ. ಈ ಬಣ ಬೆಂಬಲ ಕೊಟ್ಟಿದ್ದರಿಂದ ಪ್ರೊ.ವೆಂಕಟಗಿರಿ ಗೌಡ ಅಧ್ಯಕ್ಷರಾದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು