ಕುಂಬ್ಳೆ ಸ್ಪಿನ್‌ ಸುಳಿಗೆ ಇಂಗ್ಲೆಂಡ್‌ ಬಲಿ; ಭಾರತಕ್ಕೆ 10 ವಿಕೆಟ್‌ ಜಯ

ಮೊಹಾಲಿ : ಅನಿಲ್‌ ಕುಂಬ್ಳೆ ಅವರ ಮಾರಕ ಸ್ಪಿನ್‌ ಸುಳಿಯಲ್ಲಿ ಇಂಗ್ಲೆಂಡ್‌ ಸಿಲುಕುವುದರೊಂದಿಗೆ, ಇನ್ನೂ ಒಂದೂವರೆ ದಿನದ ಆಟ ಉಳಿದಿರುವಂತೆಯೇ ಗುರುವಾರ ಇಲ್ಲಿ ಮುಕ್ತಾಯವಾದ ಇಂಗ್ಲೆಂಡ್‌ ವಿರುದ್ಧದ ಟೆಸ್ಟ್‌ನಲ್ಲಿ ಭಾರತ 10 ವಿಕೆಟ್‌ಗಳ ಜಯ ಸಾಧಿಸಿತು.

ಭಾರತ ಗಳಿಸಿದ್ದ 231 ರನ್‌ಗಳ ಮೊದಲ ಇನಿಂಗ್ಸ್‌ ಮುನ್ನಡೆಯನ್ನು ಅಳಿಸಿಹಾಕಲು ಇಂಗ್ಲೆಂಡ್‌ ಯಶಸ್ವಿಯಾದರೂ ಅಂತಿಮವಾಗಿ ಭಾರತಕ್ಕೆ ಒಡ್ಡಲು ಸಾಧ್ಯವಾದದ್ದು 5 ರನ್‌ಗಳ ಗುರಿ ಮಾತ್ರ. ಈ ಗುರಿಯನ್ನು ಭಾರತ ವಿಕೆಟ್‌ ನಷ್ಟವಿಲ್ಲದೆ ಸಾಧಿಸಿತು. ಇತ್ತೀಚೆಗಿನ ದಕ್ಷಿಣ ಆಫ್ರಿಕಾ ಸರಣಿಯಲ್ಲಿ ಸೋತು ಸುಣ್ಣವಾಗಿದ್ದ ಭಾರತ ತಂಡಕ್ಕೆ ಈ ಗೆಲುವು ಹೊಸ ಹುಮ್ಮಸ್ಸು ತುಂಬಿದೆ.

ಬುಧವಾರ ಆಟದ ಕೊನೆಗೆ ವಿಕೆಟ್‌ ನಷ್ಟವಿಲ್ಲದೆ 34 ರನ್‌ ಗಳಿಸಿದ್ದ ಇಂಗ್ಲೆಂಡ್‌ ಗುರುವಾರ ಬೆಳಗ್ಗೆ ಆತ್ಮ ವಿಶ್ವಾಸದಿಂದ ಆಟ ಪ್ರಾರಂಭಿಸಿದರೂ, ಮೊದಲ ವಿಕೆಟ್‌ ಪತನದ ನಂತರ ನಿಯಮಿತವಾಗಿ ವಿಕೆಟ್‌ಗಳು ಬೀಳುತ್ತಲೇ ಹೋದವು. ಭಾರತದ ಪರವಾಗಿ ಅನಿಲ್‌ ಕುಂಬ್ಳೆ 6, ಹರ್ಭಜನ್‌ ಸಿಂಗ್‌ 2 ಹಾಗೂ ಯಾಹಾನ 2 ವಿಕೆಟ್‌ ಪಡೆದರು. 62 ರನ್‌ ಹೊಡೆದ ಥೋರ್ಪ್‌ ಇಂಗ್ಲೆಂಡ್‌ ಪರ ಯಶಸ್ವಿ ಬ್ಯಾಟ್ಸ್‌ಮನ್‌ ಎನಿಸಿದರು. ಒಟ್ಟು 8 ವಿಕೆಟ್‌ ಪಡೆದು, ಉತ್ತಮ ಬ್ಯಾಟಿಂಗ್‌ ಪ್ರದರ್ಶಿಸಿದ ಕುಂಬ್ಳೆ ಪಂದ್ಯ ಪುರುಷೋತ್ತಮ ಎನಿಸಿದರು.

ಸಂಕ್ಷಿಪ್ತ ಸ್ಕೋರ್‌ :
ಇಂಗ್ಲೆಂಡ್‌- 238 ಹಾಗೂ 235
ಭಾರತ - 469 ಹಾಗೂ ವಿಕೆಟ್‌ ನಷ್ಟವಿಲ್ಲದೆ 05

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...