• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಗುಜರಾತ್‌ ದುರಾದೃಷ್ಟ : ಎಚ್ಚರಿಕೆಗೊಂದು ಗಂಟೆ’

By Super
|

ವದೆಹಲಿ : ಸಿದ್ಧತೆ, ಜಾಗೃತಿ ಹಾಗೂ ಅನಾಹುತಗಳ ತಡೆಗಟ್ಟುವಿಕೆ ಕುರಿತಂತೆ ನೀಲಿ ನಕ್ಷೆ ರಚಿಸಬೇಕೆಂಬ ಪಾಠವನ್ನು ಗುಜರಾತ್‌ ದುರಂತ ಕಲಿಸಿದೆ. ಪುನರ್‌ ನಿರ್ಮಾಣ ಕಾರ್ಯದಲ್ಲಾದರೂ ಇದನ್ನು ಪಾಲಿಸಬೇಕು ಎಂದು ನಗರಾಭಿವೃದ್ಧಿ ಮತ್ತು ಬಡತನ ನಿರ್ಮೂಲನೆ ಖಾತೆ ಕೇಂದ್ರ ಸಚಿವ ಜಗ್‌ಮೋಹನ್‌ ಸಲಹೆ ಕೊಟ್ಟಿದ್ದಾರೆ.

ಜನರಲ್ಲಿ ಜಾಗೃತಿಯಿದ್ದು, ಕಟ್ಟಡಗಳ ನಿರ್ಮಾಣದ ಬಗೆಗಿನ ನಗರಸಭೆಯ ಉಪನಿಯಮಗಳನ್ನು ಗಾಳಿಗೆ ತೂರದೇ ಇದ್ದಿದ್ದರೆ ಅಹ್ಮದಾಬಾದ್‌ ಸೇರಿದಂತೆ ಗುಜರಾತ್‌ನ ಬಹುತೇಕ ಭೂಕಂಪ ಪೀಡಿತ ನಗರಗಳಲ್ಲಿ ಇಷ್ಟೊಂದು ಹೆಣಗಳು ಉರುಳುತ್ತಿರಲಿಲ್ಲ ಎಂದು ಸಚಿವರು 'ಗುಜರಾತ್‌ ದುರಾದೃಷ್ಟ : ಎಚ್ಚರಿಕೆಗೊಂದು ಗಂಟೆ" ಎಂಬ ವಿಷಯ ಕುರಿತ ವಿಚಾರ ಸಂಕಿರಣದಲ್ಲಿ ಗುರುವಾರ ಮಾತನಾಡಿದರು. ಮಾತನಾಡಿದರು ಅನ್ನೋದಕ್ಕಿಂತ ಪಾಠ ಮಾಡಿದರು ಎಂಬುದೇ ಸೂಕ್ತ.

ಭುಜ್‌, ಬಚ್ಚಾಉ, ಅಂಜಾರ್‌ ಹಾಗೂ ರಾಪಾರ್‌ ಮೊದಲಾದ ಕಂಪನದ ತುಳಿತಕ್ಕೆ ಪೂರ್ಣ ತುತ್ತಾಗಿರುವ ನಗರಗಳ ಪುನರ್‌ ನಿರ್ಮಾಣದ ರೂಪುರೇಷೆಗಳನ್ನು ವಿವಿಧ ಸಂಘ- ಸಂಸ್ಥೆಗಳ ನೆರವಿನಿಂದ ಕೇಂದ್ರ ಹಾಗೂ ಗುಜರಾತ್‌ ಸರ್ಕಾರ ಸಿದ್ಧಪಡಿಸುತ್ತಿವೆ. ಹೊಸ ತಂತ್ರಜ್ಞಾನದ ನೆರವಿನಿಂದ ಕ್ಷಿಪ್ರ ಪುನರ್‌ ನಿರ್ಮಾಣ ಅಷ್ಟೇ ಅಲ್ಲದೆ ದುರಂತ ನಿರೋಧಕ ಬಹು ಉಪಯೋಗಿ ಕಟ್ಟಗಳನ್ನು ವೈಜ್ಞಾನಿಕವಾಗಿ ನಿರ್ಮಿಸಬೇಕು. ಅದು ಬಿಟ್ಟು ಅದೇ ಹಳೇ ಜಾಗದಲ್ಲಿ ಅವೇ ಕಲ್ಲುಗಳಿಂದ ಕಟ್ಟಡಗಳನ್ನು ಕಟ್ಟಿದಲ್ಲಿ ಪ್ರಯೋಜನವಿಲ್ಲ ಎಂದು ಜಗ್‌ಮೋಹನ್‌ ಎಚ್ಚರಿಕೆ ಕೊಟ್ಟರು.

ಕೇವಲ ಸಲಹೆಗಳನ್ನು ಮಾತ್ರ ನೀಡದೆ, ವಾಸ್ತವದಲ್ಲಿ ಅವುಗಳನ್ನು ಎಂತು ಜಾರಿಗೆ ತರಬೇಕು ಎಂಬುದನ್ನು ವಿವಿಧ ಸ್ಲೈಡ್‌ಗಳಿಂದ ಸಚಿವರು ತೋರಿಸಿದರು. ಭುಜ್‌ ನಗರಿಯನ್ನು ಉದಾಹರಣೆಯಾಗಿ ತೆಗೆದುಕೊಂಡು ಶಾಲಾ ಕಟ್ಟಡ ಎಂತಿರಬೇಕು, ಆಸ್ಪತ್ರೆಗಳು ಹೇಗಿದ್ದರೆ ಚೆನ್ನ, ದುರಂತದ ವೇಳೆ ಯಾವ ಕಟ್ಟಡದಲ್ಲಿ ಜನ ಹೆಚ್ಚು ಸುರಕ್ಷಿತವಾಗಿಬಹುದು, ಅವುಗಳ ನಿರ್ಮಾಣವೆಂತು ಎಂಬಿತ್ಯಾದಿ ವಿಷಯಗಳನ್ನು ಸುಲಿದ ಬಾಳೆಯ ಹಣ್ಣಿನಂದದಿ ವಿವರಿಸಿದರು. ಅಷ್ಟೇ ಅಲ್ಲದೆ ದುರಂತದ ವೇಳೆ ಜನ ಯಾವ ತುರ್ತು ಹೆಜ್ಜೆಗಳನ್ನಿಡಬೇಕು ಎಂಬುದನ್ನು ಮನವರಿಕೆ ಮಾಡಿಸುವ ಸಮಗ್ರ ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಳ್ಳಬೇಕು ಎಂದು ಸಲಹೆ ಕೊಟ್ಟರು. (ಯುಎನ್‌ಐ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Reconstruction at gujrat : how a building should be?

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more