ಸೀರೆಯೆಂದರೆ ಒಂದಿಷ್ಟು ಗಜಗಳ ಲೆಕ್ಕ ಮಾತ್ರವೇನು?

ಸೀರೆಯೆಂದರೆ ಒಂದಿಷ್ಟು ಗಜಗಳ ಲೆಕ್ಕ ಮಾತ್ರವೇನು?

ಹರಿವ ನದಿ ಪಾತ್ರವದು ಒಟ್ಟು ಮಾಡಿ ಭೂಮ್ಯಾಕಾಶವನು;

ಸೀರೆಯೆಂದರೆ;

ಕಣ್ಗಾಳಿ ಸುಳಿಗಾಳಿ ತೀಡಿ ತೆಗೆವ ಸೆರಗು
ಹಾಲ್ದುಟಿಯ ಹನಿ ಒರೆಸಿ ನೋಟವಾದ ಮೆರುಗು
ಹೊರುವ, ನೀಡುವ ಅವಳತನಕ್ಕೆ ಸಾಕ್ಷಿ ಹೇಳುವ ನೆರಿಗೆಗಳ ಸಾಲು
ಅವನದರಂತೆ ಅದಕ್ಕಿಲ್ಲ ಛ್ಛೇದಗೊಂಡ ಕೈಕಾಲು

ಸೀರೆಯೆಂದರೆ;
ಪಾದಕ್ಕೆರೆಗಿದವರ ತಲೆಕಾಯ್ವ ಪಾವಲಿ, ನೆನಪಿನ ತುದಿ ಗಂಟು
ಅದಕುಂಟು ಅಜ್ಜಿಯ ಅಕ್ಕರೆಯ ಸಕ್ಕರೆ ನೆಂಟು
ಮರಿಯೊಡೆದು ಕನ್ನಡಿಯಲ್ಲಿ ಅಮ್ಮನಾಗುವ ಒನಪು
ಸುತ್ತಿ ಸುತ್ತಿಯೂ ಕಗ್ಗಂಟಾಗದೆ ಉಳಿವ ಒಡಪು

English summary

Saree means not just the cloth Indian women adore, it is the symbol of womanhood. It symbolizes love, sentiments, affection, mother, sorrow, happiness. Saree is notheing but biography of woman. A Kannada poem by Anjali Ramanna.