ಸಂಜೀ ಮಳೀ

• ಪಿ.ಜಿ. ರಘುನಾಥ್‌, ಬೆಂಗಳೂರು.
  [email protected]

ಸಾಕಪ್ಪಾ ಸಾಕ್ರೀ ಈ ಮಳೀರಾಯ್ನ್‌ ಸಹವಾಸ

ನಮ್ಕ್‌ಡೀ ಬಾನಾಮತೀನಿಂದಾದರೂ ತಪ್ಪಿಸ್‌ಬೋದ್‌

ಸಂಜಿ ಐದಾತೂಂದ್ರೆ ಜಗ್ಗಿ ಸುರ್ಯೋ ಈ

ಬೆಂಗ್ಳೂರ್ನ್‌ ಆಫೀಸ್‌ ಮಳೀ ಕೈಯಿಂದ್‌

ತಪ್ಪ್‌ಸೋದು ಭಾರಿ ತ್ರಾಣಾ ಆಗೈತ್ರೀ !

ಮಳೀಗ್ಯಾಕ್‌ ಈ ಪಾಟಿ ಪ್ರೀತೀನೋ ಕಾಣಿ
ಬೆಂಗ್ಳೂರ್ನ್‌ ಮಂದೀ ಮ್ಯಾಗೆ !
ಬ್ಯಾಡಾ ಅಂದ್ರೂ ಜಗ್ಗಿ ಜಗ್ಗಿ ಸುರೀತೈತಿ
ದುಮ್‌ದುಮುಕಿ ನಗಿಸ್ತೈತಿ
ಜಿದ್ದಾ ಜಿದ್ದಿ ಸೆಡ್ಡ್‌ ಹೊಡ್ದ್‌ ಅಳಿಸ್ತೈತಿ !

ಈ ಮಳೀರಾಯ್ನ್‌ ಪ್ರೀತಿನೋ ನಮ್‌
ಧರ್ಮಪ್ಪನ್‌ ಪ್ರೀತಿಯಂಗ್ರೀ, ಅವ ತನ್‌ಕಡೀ
ಮಂದೀ, ತನ್ನೂರ್ನ್‌ ಮರೆತ್ರೂ ಆ ದೇವಪ್ಪನ
ಈ ಬೆಂಗ್ಳೂರ್ನ ಮರಿಯಾಂಗಿಲ್ಲ ನೋಡ್ರೀ !

ಈ ಮಳಿಯೂ ಅವ್ನ ಹಾದಿಯೇ ಹಿಡಿದೈತ್ರೀ
ಬಾಳೇ ಸುರಿದು ಬೆಂಗ್ಳೂರು ಗಟಾರ ಸೇರಿದ್ರೂ
ನಾ ಬಿಡಂಗಿಲ್ಲ ಅನ್ನುತ್ರೀ,
ಬೀದರ್‌ದಾಗೋ ಗುಲ್ಬರ್ಗಾ ಕಡೀನೋ ಸುರಿದ್ರೆ
ಬತ್ತಿರೋ ಬಾಳ ಬೆಳಗ್ತೈತಿ ಅಂದ್ರೂ
ಕೇಳಂಗಿಲ್ಲ ನೋಡ್ರೀ ಈ ಹಾಳ್‌ ಮಳೀ !

ತೆಗೀರೀ ಈ ಬೆಂಗ್ಳೂರ್‌ ಜನ
ಬಾಳ ಶಾಣೆ ಇದ್ದಾರ್‌ ಬಿಡ್ರೀ !
ನಮ್‌ ಧರ್ಮ್‌ಪ್ಪ್‌ನ್‌ ಮರುಳ್‌ ಮಾಡ್ದಂಗೆ
ಈ ಮಳೀನೂ ಬಿಟ್ಟಿಲ್ಲ ನೋಡ್ರೀ !
ನಿಮ್ಮ ಕಡೀ ಯಾರಾದ್ರೂ ಇದ್ರೆ
ಬೇಗ ಬನ್ರಲಾ ಬಿಡಿಸೋಣ್‌
ಧರ್ಮ್‌ಪ್ಪ್‌ನ್‌ ಮೋಡಿ ಮಳೀರಾಯ್ನ್‌ ಬೇಡಿ !!

ಮುಖಪುಟ / ಸಾಹಿತ್ಯ-ಸಂಸ್ಕೃತಿ