ಗಣನಾಯ್ಕ

ಶರಣು ಶರಣುವಯ್ಯ ।
ನಮ್ಮ ಕರುಣದಿಂದಲಿ ಕಾಯೋ ।।

ಎಳ್ಳುಂಡೆ ಜೇನುತುಪ್ಪ ।
ನಮಗೆ ವಿದ್ಯಾವ ಕಲಿಸಯ್ಯ ।।
ಉದ್ದು ಹೋಳಿಗೆ ತುಪ್ಪ ।
ನಿಮ್ಗೆ ತಪ್ಪದೆ ಒಪ್ಪಿಸುವೆ ।।

ಗೊನೆಮೇಗ್ಲ ಬಾಳೆಹಣ್ಣು ।
ನಿಮ್ಗೆ ಕಳಿ ಅಡ್ಕೆ ಚಿಗುರೆಲೆ ।।
ಕೊಂಬೆಮೇಗ್ಲ ನಿಂಬೆಹಣ್ಣು ।
ನಿಮ್ಮೆ ಒಡಗಾಯಿ ಇಡಗಾಯಿ ।।

ಕರ್ಪೂರ ಸಾಂಬ್ರಾಣಿ ।
ನಿಮ್ಗೆ ಮರುಗ ಮಲ್ಲಿಗೆ ಜಾಜಿ ।।
ಹಸುರಂಗ ಕಾಲ್ಗಡಗ ।
ನಿಮ್ಗೆ ಕುಶಲದ ಮೇಲ್ಕಟ್ಟು ।।

ಮೂಷಕ ವಾಹನ ।
ನಮ್ಮ ಶಿವನ ಕುಮಾರನಯ್ಯ ।।
ನಿನ್ಗೆ ಹೆಂಡ್ರಿಲ್ಲ ಮಕ್ಳಿಲ್ಲ ।
ನೀ ಎದ್ದು ಬಾರಯ್ಯ ಸಿದ್ದಿ ।।

ಬಿಲ್ಪತ್ರೆ ವನದಲ್ಲಿ ।
ನಿನ್ನ ಧ್ಯಾನಮಾಡಿ ನೆನ್ದೇವಯ್ಯ ।।
ಕಂಟಕ ಹರ ನೀನು ।
ನಮ್ಗೆ ವರವನು ಪಾಲಿಸಯ್ಯ ।।

ಮುಖಪುಟ / ಸಾಹಿತ್ಯ-ಸಂಸ್ಕೃತಿ