ಶುರುವಾದರೆ ಸೋಮವಾರ, ಎಲ್ಲರ ಮುಖಗಳು ಭಾರ

*ಫಣಿಶ್ರೀ, ಸಿಲ್ವರ್‌ ಸ್ಪ್ರಿಂಗ್‌, ಮೇರಿಲ್ಯಾಂಡ್‌

ಯಾಂತ್ರಿಕತೆಯೆ ಇಲ್ಲಿನ ಬದುಕು
ವಿರಾಮಿಸಲಿಲ್ಲಿ ವಾರಾಂತ್ಯಕೆ ಕಾಯಬೇಕು!

ಶುರುವಾದರೆ ಸೋಮವಾರ
ಇಲ್ಲಿ ಎಲ್ಲರ ಮುಖಗಳು ಭಾರ

ನಿಟ್ಟುಸಿರಲೇ ಬಂತು ಮಂಗಳವಾರ
ಹೇಳುತಲಿ ವಾರಾಂತ್ಯವಿದೆ ಬಹಳ ದೂರ

ನಟ್ಟ ನಡುವಿನ ಈ ಬುಧವಾರ
ಕಾಯುವಿಕೆಯ ಮಾಡಿಹುದು ಕೊಂಚ ಹಗುರ

ತಂದಿತು ಗೆಲುವು ಗುರವಾರದಲ್ಲಿ
ವಾರಾಂತ್ಯವಿದೆ ಇನ್ನೊಂದು ದಿನದ ಅಂತರದಲ್ಲಿ

ಬಂದಿತೊ ಕಡೆಗೆ ಕಾಯ್ದ ಶುಕ್ರವಾರ
ಅಂದು ಸಂಜೆಗಿಳಿವುದು ಕೆಲಸದ ಚಿಂತೆಯ ಭಾರ

ಆಯಿತೊ ಕಾಯುವಿಕೆಯ ಅಂತ್ಯ
ಬಂದಾಗ ಮೋಜಿನ ವಾರಾಂತ್ಯ

ಮುಖಪುಟ / ಸಾಹಿತ್ಯ ಸೊಗಡು