ಮನೆಯಲ್ಲೇ ಮೆಣಸಿನಕಾಯಿ ಗಿಡ ಬೆಳೆಸೋದು ಇಷ್ಟೊಂದು ಸುಲಭನಾ? ಇಲ್ಲಿದೆ ಸಿಂಪಲ್ ಟಿಪ್ಸ್
ಇತ್ತಿಚಿನ ದಿನಗಳಲ್ಲಿ ಚಿಕ್ಕ ಜಾಗದಲ್ಲಿಯೇ ತೋಟಗಾರಿಕೆ ಮಾಡುವ ಆಸಕ್ತಿ ಹೆಚ್ಚುತ್ತಿದೆ. ಮನೆಯಲ್ಲಿ ಸ್ವಂತವಾಗಿ ಆಹಾರ ಬೆಳೆಸುವ ಆಸಕ್ತಿ ಹೆಚ್ಚಾಗುತ್ತಿದೆ. ವಿಶೇಷವಾಗಿ ಬಾಲ್ಕನಿಯ ಜಾಗದಲ್ಲಿ ಕೆಂಪು ಮೆಣಸಿನಕಾಯಿ ಬೆಳೆಯುವುದು ಈಗ ಅನೇಕ ಮನೆಗಳಲ್ಲಿ ಜನಪ್ರಿಯವಾಗುತ್ತಿದೆ. ದೊಡ್ಡ ತೋಟ, ವಿಶೇಷ ಸಾಧನಗಳು ಅಥವಾ ತೋಟಗಾರಿಕೆ ಅನುಭವ ಇಲ್ಲದಿದ್ದರೂ ಕೂಡ ಒಂದೇ ಕುಂಡದಲ್ಲಿ ತಿಂಗಳುಗಳ ಕಾಲ ತಾಜಾ ಮೆಣಸಿನಕಾಯಿ ಬೆಳೆಯಬಹುದು.
ಮೆಣಸಿನಕಾಯಿ ಸಸ್ಯವು ಕಡಿಮೆ ಜಾಗದಲ್ಲಿಯೇ ಚೆನ್ನಾಗಿ ಬೆಳೆಯುವ ಕಾರಣದಿಂದ ಆರಂಭಿಕ ತೋಟಗಾರರಿಗೆ ಅತ್ಯಂತ ಸೂಕ್ತವಾಗಿದೆ. ಸ್ವಲ್ಪ ಕಾಳಜಿ ನೀಡಿದರೆ ಸಾಕು ಇದನ್ನು ಸುಲಭವಾಗಿ ಬೆಳೆಸಬಹುದು ಮತ್ತು ನಿರಂತರವಾಗಿ ಫಲ ನೀಡುತ್ತದೆ. ಸೂರ್ಯನ ಬೆಳಕು ತುಂಬಾ ಮುಖ್ಯ ಮೆಣಸಿನಕಾಯಿ ಸಸ್ಯಕ್ಕೆ ದಿನಕ್ಕೆ ಕನಿಷ್ಠ 5 ರಿಂದ 7 ಗಂಟೆಗಳ ನೇರವಾದ ಸೂರ್ಯನ ಬೆಳಕು ಬೇಕು. ಬೆಳಕು ಸರಿಯಾಗಿ ಸಿಗುವ ಜಾಗವನ್ನು ಆಯ್ಕೆ ಮಾಡಿದರೆ ಮೆಣಸಿನಕಾಯಿ ಸಸ್ಯವು ಚೆನ್ನಾಗಿ ಬೆಳೆಯುತ್ತದೆ.
ಸರಿಯಾದ ಕುಂಡಲಿ ಆಯ್ಕೆ ಮುಖ್ಯ
ಕನಿಷ್ಠ 12 ರಿಂದ 16 ಇಂಚು ಆಳ ಹಾಗೂ ಅಗಲ ಇರುವ ಕುಂಡಲಿಗಳನ್ನು ಬಳಸುವುದು ಉತ್ತಮ. ಇದರಿಂದ ಬೇರುಗಳಿಗೆ ಸಾಕಷ್ಟು ಜಾಗ ಸಿಗುತ್ತದೆ. ಮಣ್ಣಿಗೆ ಪೋಟಿಂಗ್ ಸಾಯಿಲ್, ಕಾಂಪೋಸ್ಟ್ ಮತ್ತು ವರ್ಮಿಕುಲೈಟ್ ಮಿಶ್ರಣ ಬಳಸಿದರೆ ಬೆಳವಣಿಗೆಯು ಉತ್ತಮವಾಗುತ್ತದೆ.
ಬೀಜಗಳನ್ನು ಸರಿಯಾಗಿ ನೆಟ್ಟುಕೊಳ್ಳಿ
ಬೀಜಗಳನ್ನು ಅತಿ ಆಳಕ್ಕೆ ಹಾಕಬಾರದು. ಮೇಲ್ಮೈಗೆ ಹತ್ತಿರವಾಗಿ ಬಿತ್ತುವುದು ಉತ್ತಮ. ಒಂದೇ ಕುಂಡಲಿಯಲ್ಲಿ ಹಲವಾರು ಬೀಜಗಳನ್ನು ಹಾಕಿದರು ಸ್ವಲ್ಪ ಅಂತರ ಕಾಪಾಡಬೇಕು. ಇಲ್ಲವಾದರೆ ಮೊದಲು ಬೀಜಗಳನ್ನು ಒಂದು ಸಣ್ಣ ಟ್ರೇನಲ್ಲಿ ಬಿತ್ತಿ, ತೇವಾಂಶ ಇರುವ ಮಣ್ಣಿನಲ್ಲಿ ಇಡಿ. ಸುಮಾರು 2 ವಾರಗಳಲ್ಲಿ ಮೊಳಕೆ ಬರುತ್ತದೆ. ಎಲೆಗಳು ಬೆಳೆಯುತ್ತಿದ್ದಂತೆ ದೊಡ್ಡ ಕುಂಡಲಿಗೆ ಸ್ಥಳಾಂತರಿಸಬಹುದು.
ನಿಯಮಿತವಾಗಿ ನೀರನ್ನು ಹಾಕುವುದು
ಮಣ್ಣು ಒಣಗಿದಾಗ ಮಾತ್ರ ನೀರು ಹಾಕಬೇಕು, ಹೆಚ್ಚು ನೀರನ್ನು ಹಾಕಿದರೆ ಬೇರುಗಳು ಕೊಳೆಯುವ ಸಾಧ್ಯತೆ ಇರುತ್ತದೆ, ಆದ್ದರಿಂದ ಬೆಳಿಗ್ಗೆ ಒಂದು ಸಾರಿ ನೀರು ಹಾಕುವುದು ಒಳ್ಳೆಯದು.
ಪೋಷಕಾಂಶ ನೀಡುವುದು ಮುಖ್ಯ
ಪ್ರತಿ 2-3 ವಾರಗಳಿಗೊಮ್ಮೆ ಕಾಂಪೋಸ್ಟ್ ಅಥವಾ ಸಾವಯವ ಗೊಬ್ಬರ ನೀಡುವುದರಿಂದ ಸಸ್ಯ ಆರೋಗ್ಯಕರವಾಗಿ ಬೆಳೆಯುತ್ತದೆ ಮತ್ತು ಹೆಚ್ಚು ಫಲ ನೀಡುತ್ತದೆ.
ಕೀಟಗಳ ಮೇಲೆ ಗಮನ ಇರಲಿ
ಇಲೆಗಳಲ್ಲಿ ಕೀಟಗಳ ಲಕ್ಷಣಗಳು ಕಂಡುಬಂದರೆ ತಕ್ಷಣ ಕ್ರಮ ಕೈಗೊಳ್ಳಬೇಕು. ಆರಂಭದಲ್ಲೇ ನಿಯಂತ್ರಿಸಿದರೆ ಸಸ್ಯವನ್ನು ರಕ್ಷಿಸಬಹುದು.
ಕೊಯ್ಲು ಸಮಯ
ಮೆಣಸಿನಕಾಯಿ ಮೊದಲು ಹಸಿರಾಗಿ ಬೆಳೆಯುತ್ತದೆ. ನಂತರ ಅದು ಸಂಪೂರ್ಣವಾಗಿ ಕೆಂಪಾಗುತ್ತದೆ. ಈ ಹಂತದಲ್ಲಿ ಕೊಯ್ಲು ಮಾಡಿದರೆ ಉತ್ತಮ ಗುಣಮಟ್ಟ ಸಿಗುತ್ತದೆ. ಸರಿಯಾದ ಕಾಳಜಿ, ಸಮಯೋಚಿತ ನೀರು ಮತ್ತು ಸ್ವಲ್ಪ ಸಹನೆಯಿಂದ ಬಾಲ್ಕನಿಯಲ್ಲಿಯೇ ಸುಂದರವಾದ ಕೆಂಪು ಮೆಣಸಿನಕಾಯಿ ಬೆಳೆಯನ್ನು ಸುಲಭವಾಗಿ ಪಡೆಯಬಹುದು.
ಮೆಣಸಿನಕಾಯಿ ಸಸ್ಯವು ಬೆಳೆದಂತೆ ಅದರ ಕೊಂಬೆಗಳು ಮತ್ತು ಹಣ್ಣುಗಳ ತೂಕ ಹೆಚ್ಚಾಗಬಹುದು. ಇಂತಹ ಸಂದರ್ಭಗಳಲ್ಲಿ ಸಸ್ಯವು ಬಾಗುವ ಅಥವಾ ಮುರಿಯುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಸಣ್ಣ ಕಡ್ಡಿ ಅಥವಾ ಸ್ಟಿಕ್ನ ಸಹಾಯದಿಂದ ಸಸ್ಯಕ್ಕೆ ಸಹಾಯವಾಗುವಂತೆ ನೀಡುವುದು ಉತ್ತಮ.
Click it and Unblock the Notifications
Sign in with Google