Mahashivratri 2024: ಮಹಾದೇವನ ಆಶೀರ್ವಾದ ಪಡೆಯಬೇಕಾ? ಶಿವನ ಮೆಚ್ಚಿನ ನೈವೇದ್ಯ ಅರ್ಪಿಸಿ..
ಹಿಂದೂ ಧರ್ಮದ ಪ್ರಮುಖ ಹಬ್ಬಗಳಲ್ಲಿ ಮಹಾಶಿವರಾತ್ರಿ ಒಂದು. ಇದನ್ನು ಭಾರತ ಮತ್ತು ಪ್ರಪಂಚದ ಅನೇಕ ಭಾಗಗಳಲ್ಲಿ ಬಹಳ ಉತ್ಸಾಹ ಮತ್ತು ಭಕ್ತಿಯಿಂದ ಆಚರಿಸಲಾಗುತ್ತದೆ. ಈ ಮಂಗಳಕರ ದಿನವನ್ನು ಹಿಂದೂ ಧರ್ಮದಲ್ಲಿ ಸರ್ವೋಚ್ಚ ದೇವರು ಎಂದು ಪೂಜಿಸುವ ಶಿವ ದೇವನಿಗೆ ಸಮರ್ಪಿಸಲಾಗಿದೆ.
ಈ ವರ್ಷ ಮಹಾ ಶಿವರಾತ್ರಿಯನ್ನು 8 ಮಾರ್ಚ್ 2024 ರಂದು ಆಚರಿಸಲಾಗುತ್ತದೆ. ಈ ಹಬ್ಬಕ್ಕೆ ಸಂಬಂಧಿಸಿದ ಅನೇಕ ಆಚರಣೆಗಳು ಇವೆ. ಈ ದಿನ ಶಿವನನ್ನು ಮೆಚ್ಚಿಸಲು ಅನೇಕ ರೀತಿಯ ಕಾರ್ಯ ಕ್ರಮಗಳನ್ನು ಮಾಡಲಾಗುತ್ತದೆ. ಇದಲ್ಲದೆ ಶಿವನ ನೆಚ್ಚಿನ ನೈವೇದ್ಯಗಳನ್ನು ಸಹ ತಯಾರಿಸಲಾಗುತ್ತದೆ.
ಹಿಂದೂ ಧರ್ಮದಲ್ಲಿ ಶಿವ ದೇವನನ್ನು ಬಹುಬೇಗ ಮೆಚ್ಚಿಸಬಹುದಾದ ದೇವತೆಗಳಲ್ಲಿ ಒಬ್ಬನೆಂದು ಪರಿಗಣಿಸಲಾಗಿದೆ. ಮಹಾದೇವನು ನಿಜವಾದ ಹೃದಯದಿಂದ ನೀರನ್ನೇ ಅರ್ಪಿಸಿದರು ಅದರಿಂದ ಸಂತುಷ್ಟನಾಗುತ್ತಾನೆ ಎಂದು ನಂಬಲಾಗಿದೆ. ಆದರೆ ಆತನ ವಿಶೇಷ ಆಶೀರ್ವಾದವನ್ನು ಪಡೆಯಲು ಕೆಲವು ಆಹಾರ ಪದಾರ್ಥಗಳನ್ನು ನೀಡಬಹುದು. ಹಾಗಾದರೆ ಶಿವ ನೆಚ್ಚಿನ ಖಾದ್ಯಗಳು ಯಾವವು ಎಂದು ತಿಳಿಯೊಣ.
ಶಿವನ ಮೆಚ್ಚಿನ ಆಹಾರ ಪದಾರ್ಥಗಳಿವು...
1. ಹಣ್ಣುಗಳು
ಶಿವನಿಗೆ ಹಣ್ಣುಗಳು ಮತ್ತು ಒಣ ಹಣ್ಣುಗಳು ಅಂದರೆ ತುಂಬಾ ಇಷ್ಟ. ವಿಶೇಷವಾಗಿ ಬಾಳೆಹಣ್ಣುಗಳು ಇಷ್ಟವಾಗುತ್ತವೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಪೂಜೆ ವೇಳೆ ಶಿವನಿಗೆ ವಿವಿಧ ಹಣ್ಣುಗಳೊಂದಿಗೆ ಬಾಳೆಹಣ್ಣು ಇಟ್ಟು ಪೂಜಿಸಲಾಗುತ್ತದೆ. ಅಲ್ಲದೆ ಹಾಲಿನಲ್ಲಿ ಬಾಳೆಯನ್ನು ಬೆರೆಸಿ ನೈವೇದ್ಯ ಮಾಡಿ ಜೊತೆಗೆ ಪ್ರಸಾದವಾಗಿ ವಿತರಿಸಲಾಗುತ್ತದೆ.
2. ಹಾಲು
ಹಾಲನ್ನು ಶಿವನ ನೆಚ್ಚಿನ ನೈವೇದ್ಯವೆಂದು ಪರಿಗಣಿಸಲಾಗಿದೆ. ಹೀಗಾಗಿ ಪೂಜೆಯ ಸಮಯದಲ್ಲಿ ಇದನ್ನು ಹೆಚ್ಚಾಗಿ ಶಿವಲಿಂಗಕ್ಕೆ ಅರ್ಪಿಸಲಾಗುತ್ತದೆ. ವಿಶೇಷ ದಿನಗಳಲ್ಲಿ ಪ್ರತಿನಿತ್ಯ ಶಿವನಿಗೆ ಹಾಲಿನ ಅಭಿಷೇಕ ಮಾಡಲಾಗುತ್ತದೆ. ಜೊತೆಗೆ ಹಾಲಿನಿಂದ ಸಿಹಿ ತಿನಿಸನ್ನು ತಯಾರಿಸಿ ಶಿವನಿಗೆ ನೈವೇದ್ಯ ಮಾಡಲಾಗುತ್ತದೆ. ಬಳಿಕ ಇದನ್ನು ಪ್ರಸಾದವಾಗಿ ವಿತರಿಸಲಾಗುತ್ತದೆ. ಇದು ಶಿವನ ಪ್ರೀತಿಗೆ ಪಾತ್ರರಾಗಲು ಸುಲಭ ಮಾರ್ಗವಾಗಿದೆ.
3. ಜೇನುತುಪ್ಪ
ಜೇನುತುಪ್ಪವು ಶಿವನ ನೆಚ್ಚಿನ ನೈವೇದ್ಯವಾಗಿದೆ. ಅತನಿಗೆ ಸಮರ್ಪಿತವಾದ ವಿವಿಧ ಆಚರಣೆಗಳು ಮತ್ತು ಸಮಾರಂಭಗಳಲ್ಲಿ ಇದನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಜೇನುತುಪ್ಪವನ್ನು ಬಳಸದೆ ಶಿವ ಪೂಜೆ ಯಾವುದೇ ದೇವಸ್ಥಾನಗಳಲ್ಲಿ ಮಾಡಲಾಗುವುದಿಲ್ಲ. ವಿಶೇಷವಾಗಿ ವಿಶೇಷ ದಿನಗಳಲ್ಲಿ ಜೇನು ಅರ್ಪಸಿಯೇ ಶಿವನ ಪೂಜೆ ಮಾಡಲಾಗುತ್ತದೆ.
4. ಮೊಸರು
ಮೊಸರನ್ನು ಹಿಂದೂ ಧರ್ಮದಲ್ಲಿ ದೈವಿಕ ಆಹಾರವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಹೆಚ್ಚಾಗಿ ಶಿವನಿಗೆ ಅರ್ಪಿಸಲಾಗುತ್ತದೆ. ಇದನ್ನು ವಿವಿಧ ಆಚರಣೆಗಳು ಮತ್ತು ಸಮಾರಂಭಗಳಲ್ಲಿಯೂ ಬಳಸಲಾಗುತ್ತದೆ. ಮೊಸರಿನೊಂದಿಗೆ ಹಣ್ಣು ಅಥವಾ ಸಕ್ಕರೆ ಹಾಕಿ ಪ್ರಸಾದವಾಗಿ ವಿತರಿಸಲಾಗುತ್ತದೆ.
5. ಬಿಲ್ವಪತ್ರೆ
ಶಿವನು ಸೇಬಿನ ಎಲೆಗಳು ಮತ್ತು ಹಣ್ಣುಗಳನ್ನು ಪ್ರೀತಿಸುತ್ತಾನೆ ಎಂದು ನಂಬಲಾಗುತ್ತದೆ. ಧಾರ್ಮಿಕ ಗ್ರಂಥಗಳಲ್ಲಿ ಶಿವನನ್ನು ಎಷ್ಟು ಉಲ್ಲೇಖಿಸಲಾಗಿದೆಯೋ, ಬಿಲ್ವಪತ್ರೆ ಮರದ ಮಹತ್ವವನ್ನೂ ಅಷ್ಟೇ ಉಲ್ಲೇಖಿಸಲಾಗಿದೆ. ಮಾತಾ ಪಾರ್ವತಿ ಮತ್ತು ಭಗವಾನ್ ಶಿವ(Bhagavaan Shiv) ಸೇರಿದಂತೆ ಅನೇಕ ದೇವರು,ದೇವತೆಗಳು ಈ ಮರದಲ್ಲಿ ವಾಸಿಸುತ್ತಾರೆ ಎಂದು ಹೇಳಲಾಗುತ್ತೆ. ಹೀಗಾಗಿ ಪೂಜಾ ಸಮಯದಲ್ಲಿ ಇದನ್ನು ಬಳಕೆ ಮಾಡಲಾಗುತ್ತದೆ.
6. ಗಿಡಮೂಲಿಕೆಗಳು
ಶಿವನನ್ನು ಸಾಮಾನ್ಯವಾಗಿ ರುದ್ರಾಕ್ಷಿಯ ಜಪಮಾಲೆ ಮತ್ತು ಬಿಲ್ವ (ಬೇಲ್) ಮರದ ಎಲೆಗಳನ್ನು ಧರಿಸಿರುವಂತೆ ಚಿತ್ರಿಸಲಾಗಿದೆ. ಹೀಗಾಗಿ ರುದ್ರಾಕ್ಷಿಯ ಜಪಮಾಲೆಯಿಂದ ಶಿವ ಧ್ಯಾನವನ್ನು ಮಾಡುವುದು ಮಂತ್ರ ಪಠಿಸುವುದು ಕಂಡು ಬರುತ್ತದೆ. ಜೊತೆಗೆ ಶಿವನ ಪೂಜೆ ವೇಳೆ ಬಿಲ್ವಪತ್ರೆಯನ್ನು ಅರ್ಪಿಸಲಾಗುತ್ತದೆ.
(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿಯನ್ನು ಒದಗಿಸುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ.)
Click it and Unblock the Notifications
Sign in with Google