ರಂಗಿನ ಹಬ್ಬ ಹೋಳಿಗೆ ಶುಭ ಹಾರೈಕೆಯ ಓಕುಳಿ ಚೆಲ್ಲಿ...
ನವದೆಹಲಿ, ಮಾರ್ಚ್ 01: ಸಾಮರಸ್ಯದ ದ್ಯೋತಕವಾದ ಹೋಳಿ ಹಬ್ಬ ದೇಶದೆಲ್ಲೆಡೆ ಆಚರಣೆಗೊಳ್ಳುತ್ತಿದೆ. ಕೆಲವೆಡೆ ಇಂದು ಆಚರಣೆಗೊಳ್ಳುತ್ತಿದ್ದರೆ, ಇನ್ನೂ ಕೆಲವೆಡೆ ಹೋಳಿ ಸಂಭ್ರಮ ನಾಳೆಗೆ. ಒಟ್ಟಿನಲ್ಲಿ ಈ ಬಾರಿ ಮಾ.1 ಮತ್ತು 2 ಎರಡು ದಿನವೂ ಹೋಳಿ ಸಂಭ್ರಮ ಮನೆಮಾಡಲಿದೆ.
ಪ್ರತಿವರ್ಷ ಪಾಲ್ಗುಣ ಮಾಸದ ಹುಣ್ಣಿಮೆಯಂದು ಆಚರಣೆಗೊಳ್ಳುವ ಈ ಹಬ್ಬಕ್ಕೆ ದೇಶದಾದ್ಯಂತ ಗಣ್ಯರು ಶುಭ ಕೋರಿದ್ದಾರೆ. ಕಾಮನ ಪ್ರತಿಕೃತಿ ದಹಿಸುವ ಮೂಲಕ ಮನಸ್ಸಿನಲ್ಲಿರುವ ಕಲ್ಮಶಗಳನ್ನೆಲ್ಲ ಸುಟ್ಟು ಸೌಹಾರ್ದತೆಯ ಬಣ್ಣ ಹಚ್ಚುವ ಸಂಕಲ್ಪಕ್ಕೆ ಈ ಹಬ್ಬ ಮುನ್ನುಡಿ ಎನ್ನಿಸಿದೆ.
ಸಂಭ್ರಮದ ರಂಗಿನ ಹಬ್ಬಕ್ಕೆ ಟ್ವಿಟ್ಟರ್ ನಲ್ಲಿ ಹಲವರು ಶುಭಹಾರೈಸಿದ್ದಾರೆ. ಸಾಮಾಜಿಕ ಮಾಧ್ಯಮಗಳ ತುಂಬಾ ಬಣ್ಣಗಳ ಓಕುಳಿ ರಾರಾಜಿಸುತ್ತಿದೆ.
|
ನಿಮ್ಮ ಬದುಕನ್ನು ಬಣ್ಣವಾಗಿಸಲಿ...
ಎಲ್ಲರಿಗೂ ಹೋಳಿ ಹಬ್ಬದ ಶುಭಾಶಯಗಳು. ಹೋಳಿ ಹುಣ್ಣಿಮೆ ನಿಮ್ಮ ಬದುಕನ್ನು ಬಣ್ಣವಾಗಿಸಲಿ. ಎಲ್ಲೆಲ್ಲೂ ನೆಮ್ಮದಿ, ಸಂತೋಷ ಮನೆಮಾಡಲಿ ಎಂದು ಟ್ವೀಟ್ ಮಾಡಿದ್ದಾರೆ ಆಶಿಶ್ ಎಂಬುವವರು.
|
ಪ್ರತಿ ಬಣ್ಣವನ್ನೂ ಸಂಭ್ರಮಿಸಿ...
ಪ್ರತಿ ಬಣ್ಣವನ್ನೂ ಸಂಭ್ರಮಿಸಿ. ಆಅಗ ನೀವು ಬಯಸುತ್ತಿರುವ ಸಂತೋಷ ನಿಮಗೆ ಸಿಕ್ಕುತ್ತದೆ. ದೇವರು ಯಾವಾಗಲೂ ನಿಮ್ಮೊಂದಿಗಿರುತ್ತಾನೆ, ಪ್ರತಿಕ್ಷಣವೂ ಎಂದೊಬ್ಬರು ಹೋಳಿಯ ಶುಭ ಹಾರೈಸಿದ್ದಾರೆ.
|
ಹೋಳಿ ಹಬ್ಬಕ್ಕೆ ಮಿತಿಯಿಲ್ಲ..!
ಹೋಳಿ ಎಂದರೆ ಕೇವಲ ಹಿಂದುಗಳಿಗಷ್ಟೇ ಸೀಮಿತವಲ್ಲ. ಇದು ಎಲ್ಲಾ ಸೀಮಿಯನ್ನೂ ದಾಟಿದ್ದು. ಹೋಳಿಯ ಮೂಲಕ ಎಲ್ಲೆಲ್ಲೂ ಸಾಮರಸ್ಯ ನಿರ್ಮಿಸಲು ಪಣತೊಡೋಣ ಎಂದಿದ್ದಾರೆ ಶಂಕರ್ ದತ್ ಜೋಶಿ.
|
ಪ್ರೀತಿಯ ಬಣ್ಣ
ಎಲ್ಲರಿಗೂ ಹೋಳಿ ಹಬ್ಬದ ಶುಭಾಶಯಗಳು. ಪ್ರೀತಿಯ ಬಣ್ಣಗಳು ಎಲ್ಲೆಲ್ಲೂ ಶಾಂತಿ, ಸಮೃದ್ಧಿ ಮತ್ತು ಸಂತೋಷದ ಸಂದೇಶ ಸಾರಲಿ ಎಂದಿದ್ದಾರೆ ತೇಜಸ್ವಿ ಯಾದವ್.
Click it and Unblock the Notifications
Sign in with Google