ವೆಬ್ಸೈಟ್ನಲ್ಲಿ ಮೈಸೂರು ದಸರಾ ಮಾಹಿತಿ ಲಭ್ಯ
ದಸರಾ ಕುರಿತಂತೆ ಮಾಹಿತಿಗಳನ್ನು ತಿಳಿಸುವ ನಿಟ್ಟಿನಲ್ಲಿ ವೆಬ್ಸೈಟ್ನ್ನು ಆರಂಭಿಸಲಾಗಿದೆ. ಇದರಲ್ಲಿ ದಸರಾ ಮಾಹಿತಿಯಲ್ಲದೆ, ರಾಜ ಮಹಾರಾಜರ ಕಾಲದ ಜಂಬೂಸವಾರಿ ಹಾಗೂ ಇತ್ತೀಚೆಗಿನ ದಸರಾದ ಛಾಯಾಚಿತ್ರಗಳು ಹಾಗೂ ವಿಡಿಯೋಗಳನ್ನು ವೆಬ್ಸೈಟ್ನಲ್ಲಿ ಅಳವಡಿಸಲಾಗಿದೆ.
ಮೈಸೂರು ಸುತ್ತಮುತ್ತ ಇರುವ ಜಿಲ್ಲೆಗಳಾದ ಚಾಮರಾಜನಗರ, ಮಂಡ್ಯ, ಕೊಡಗು ಜಿಲ್ಲೆಗಳ ಪ್ರವಾಸಿ ತಾಣಗಳ ಬಗ್ಗೆಯೂ ಮಾಹಿತಿಯನ್ನು ನೀಡಲಾಗಿದೆ. ಮೈಸೂರು ರೇಷ್ಮೆ ಸೀರೆ, ಮೈಸೂರು ಮಲ್ಲಿಗೆ, ಮೈಸೂರು ಪಾಕ್, ಮೈಸೂರು ಚಿಗುರೆಲೆ, ಮೈಸೂರು ಸ್ಯಾಂಡಲ್ ಸೋಪ್, ನಂಜನಗೂಡು ರಸಬಾಳೆ, ಮೈಸೂರು ಪ್ರಾಚೀನ ಕಲೆ, ಕಸೂತಿ ಹಾಗೂ ಪ್ರವಾಸಿ ತಾಣಗಳಿಗೆ ತೆರಳುವ ಮಾರ್ಗಸೂಚಿಯನ್ನು ನೀಡಲಾಗಿದೆ.
ದಸರಾದ ಪ್ರಮುಖ ಆಕರ್ಷಣೆಯಾದ ಜಂಬೂ ಸವಾರಿ ಅರಮನೆಯಿಂದ ಹೊರಟು ಬನ್ನಿಮಂಟಪ ತಲುಪುವವರೆಗಿನ ಮಾರ್ಗವನ್ನು ಕೂಡ ವಿಶಿಷ್ಟವಾಗಿ ತೋರಿಸಲಾಗಿದೆ. ಇನ್ನು ದಸರಾ ಉದ್ಘಾಟನೆ ಬಳಿಕ ಜಂಬೂ ಸವಾರಿವರೆಗೆ ಪ್ರತಿದಿನ ನಡೆಯುವ ಕಾರ್ಯಕ್ರಮಗಳ ಬಗ್ಗೆಯೂ ವಿವರಗಳನ್ನು ನೀಡಲಾಗಿದೆ. ದಸರಾ ಕ್ವಿಜ್, ದಸರಾ ಇ-ಟಿಕೆಟ್ಗಳ ಬಗ್ಗೆಯೂ ಮಾಹಿತಿಯನ್ನು ನೀಡಲಾಗಿದೆ.
ಈ ವೆಬ್ಸೈಟ್ನ್ನು ಮೈಸೂರಿನ ಇಂಜಿನಿಯರಿಂಗ್ ಕಾಲೇಜು ಹಾಗೂ ದಸರಾ ತಾಂತ್ರಿಕ ಸ್ವಯಂ ಸೇವಾ ತಂಡಗಳ ಸಹಕಾರದೊಂದಿಗೆ ರೂಪಿಸಲಾಗಿದ್ದು ಕನ್ನಡ ಹಾಗೂ ಆಂಗ್ಲ ಭಾಷೆಯಲ್ಲಿದೆ. ಈ ವೆಬ್ಸೈಟ್ಗೆ ಉಸ್ತುವಾರಿ ಸಚಿವ ಎಸ್.ಎ.ರಾಮ್ದಾಸ್ ಚಾಲನೆ ನೀಡಿದ್ದಾರೆ. ಆದರೆ, ಸದ್ಯಕ್ಕೆ www.mysoredasara.co.in ವೆಬ್ ಸೈಟ್ ತೆರೆದುಕೊಳ್ಳುತ್ತಿಲ್ಲ.
Click it and Unblock the Notifications
Sign in with Google