Dangerous Forests: ವಿಶ್ವದ ಭಯಾನಕ ಕಾಡುಗಳು- ಹೃದಯ ದುರ್ಬಲರು ಇಲ್ಲಿಗೆ ಹೋಗಬೇಡಿ..

ಅರಣ್ಯಗಳು ಮಾನವನಿಗೆ ಪ್ರಕೃತಿ ನೀಡಿದ ಕೊಡುಗೆ. ಒಂದು ದೇಶದ ಫಲವತ್ತತೆಯನ್ನು ನಿರ್ಧರಿಸುವಲ್ಲಿ ಅರಣ್ಯಗಳ ಪಾತ್ರ ಬಹಳ ಮುಖ್ಯ. ಆದರೆ ಕಾಡುಗಳು ಎಂದಾಕ್ಷಣ ಹಸಿರು ಗಿಡಗಳಿಂದ ಕೂಡಿರುತ್ತದೆ ಎನ್ನುವ ಕಲ್ಪನೆ ನಮಗಿರುತ್ತದೆ. ಆದರೆ ಕೆಲವು ಕಾಡುಗಳು ನಮಗೆ ತಿಳಿಯದ ಅನೇಕ ರಹಸ್ಯಗಳನ್ನು ಹೊಂದಿವೆ.

ಪ್ರಪಂಚದ ಕೆಲವು ಕಾಡುಗಳು ಪ್ರಕೃತಿಯನ್ನು ಮೀರಿದ ನಿಗೂಢತೆಯನ್ನು ಹೊಂದಿವೆ. ಈ ಕಾಡುಗಳಿಗೆ ಹೋಗಲು ಹೃದಯ ಗಟ್ಟಿಯಾಗಿರಬೇಕು. ಹೃದಯ ದುರ್ಬಲ ಇರುವ ಜನರು ಸಾಮಾನ್ಯವಾಗಿ ಈ ಕಾಡುಗಳಿಗೆ ಭೇಟಿ ನೀಡುವುದೇ ಇಲ್ಲ. ಹಾಗಾದರೆ ವಿಶ್ವದಲ್ಲಿರುವ ಇಂಥಹ ಕಾಡುಗಳ ಬಗ್ಗೆ ಈಗ ತಿಳಿಯೋಣ.

ಅಕಿಗಹರಾ ಅರಣ್ಯ, ಜಪಾನ್ (Aokigahara Forest, Japan)

ಅಕಿಗಹರಾ ಅರಣ್ಯವು ವಿಶ್ವದ ಅತ್ಯಂತ ಕುಖ್ಯಾತ ಭಯಾನಕ ಕಾಡುಗಳಲ್ಲಿ ಒಂದಾಗಿದೆ. ಇದಕ್ಕೆ ಕಾರಣ ಅಲ್ಲಿನ ಹಲವಾರು ಆತ್ಮಹತ್ಯೆಗಳು ಎನ್ನಲಾಗುತ್ತದೆ. ಈ ಭಯಾನಕ ಅರಣ್ಯ ದಟ್ಟವಾದ ಮರಗಳು ಮತ್ತು ವಿಲಕ್ಷಣವಾದ ಮೌನದಿಂದ ಕೂಡಿದೆ. ಇದು ಸಂದರ್ಶಕರನ್ನು ಗಂಭೀರವಾಗಿ ಹೆದರಿಸುವ ಅನೇಕ ಶಕ್ತಿಯಿಂದ ಕೂಡಿದೆ. ಹೀಗಾಗಿ ಈ ಅರಣ್ಯ ವಿಶ್ವದಲ್ಲಿ ಅತ್ಯಂತ ಭಯಾನಕ ಹಾಗೂ ಅಪಾಯಕಾರಿ ಅರಣ್ಯಗಳ ಪಟ್ಟಿಗೆ ಸೇರಿದಲಾಗಿದೆ.

ಹೋಯಾ ಬಾಸಿಯು ಅರಣ್ಯ, ರೊಮೇನಿಯಾ (Hoia Baciu Forest, Romania)

ಟ್ರಾನ್ಸಿಲ್ವೇನಿಯಾದ ಬರ್ಮುಡಾ ಟ್ರಯಾಂಗಲ್ (Transylvania Bermuda Triangle) ಎಂದು ಕರೆಯಲ್ಪಡುವ ಹೋಯಾ ಬಾಸಿಯು (Hoia Baciu Forest) ಅರಣ್ಯ ವಿಶ್ವದ ಭಯಾನಕ ಹಾಗೂ ಅಪಯಕಾರಿ ಅರಣ್ಯಗಳಲ್ಲಿ ಒಂದಾಗಿದೆ. ಇಲ್ಲಿ ಅನ್ಯಲೋಕದ ಅಂತರಿಕ್ಷ ನೌಕೆಗಳು ಆಗಮಿಸುತ್ತವೆ ಎಂದು ಹೇಳಲಾಗುತ್ತದೆ. ಜೊತೆಗೆ ಇಲ್ಲಿ ಅನೇಕರು ಕಣ್ಮರೆಯಾಗಿರುವುದು ಇದೆ. ಅಸಾಮಾನ್ಯ ದೃಶ್ಯಗಳು ಸೇರಿದಂತೆ ಭಯ ಹುಟ್ಟಿಸುವಂತಹ ವಿವಿಧ ಚಟುವಟಿಕೆಗಳಿಗೆ ಈ ಅರಣ್ಯ ಹೆಸರುವಾಸಿಯಾಗಿದೆ. ಹೀಗಾಗಿ ಇಲ್ಲಿಗೆ ಹೋಗಲು ಅಥವಾ ಇಲ್ಲಿನ ಯಾವುದೇ ಸಂಶೋಧನೆಗಳನ್ನು ನಡೆಸಲು ಜನ ಹಿಂಜರಿಯುತ್ತಾರೆ.

ಬಲ್ಲಿಪೋಲಿ ಅರಣ್ಯ, ಉತ್ತರ ಐರ್ಲೆಂಡ್ (Ballyboley Forest, Northern Ireland)

ಉತ್ತರ ಐರ್ಲೆಂಡ್‌ನಲ್ಲಿ ಇರುವ ಬಲ್ಲಿಪೋಲಿ ಅರಣ್ಯವನ್ನು ವಿಶ್ವದ ಅತ್ಯಂತ ಭಯಾನಕ ಅರಣ್ಯಗಳಲ್ಲಿ ಒಂದಾಗಿದೆ. ಇಲ್ಲಿ ಅನೇಕ ಆತ್ಮಗಳು ನೆಲೆಗೊಂಡಿವೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಇದನ್ನು ಆತ್ಮಗಳ ನೆಲೆ ಎಂತಲೂ ಕರೆಯಲಾಗುತ್ತದೆ. ಇಲ್ಲಿ ಬಿಳಿ ಬಣ್ಣದ ಆತ್ಮಗಳು ಅನೇಕರಿಗೆ ಕಾಣಿಸಿಕೊಂಡಿವೆ.

ಈ ಅರಣ್ಯಕ್ಕೆ ಭೇಟಿ ನೀಡಿದವರಿಗೆ ಇದರ ಅನುಭವ ಹಾಗೂ ಭೀತಿ ಹುಟ್ಟಿಸುವಂತಹ ಘಟನೆಗಳು ಇಲ್ಲಿ ನಡೆದಿವೆ. ಬಲ್ಲಿಪೋಲಿ ಅರಣ್ಯದಲ್ಲಿ ಅನೇಕ ಸ್ಥಳೀಯರು ವಿಚಿತ್ರವಾದ ದೀಪಗಳು ಮತ್ತು ದೃಶ್ಯಗಳನ್ನು ನೋಡಿದ್ದಾರೆಂದು ಹೇಳಿಕೊಳ್ಳುತ್ತಾರೆ. ಹೀಗಾಗಿ ಈ ಅರಣ್ಯದ ಆಸುಪಾಸು ಜನ ಸುಳಿಯುವುದಿಲ್ಲ. ಈ ಅರಣ್ಯದ ಹೆಸರು ಕೇಳಲು ಅಥವಾ ಹೇಳಲು ಕೂಡ ಹಿಂಜರಿಯುತ್ತಾರೆ.

ಎಪ್ಪಿಂಗ್ ಫಾರೆಸ್ಟ್, ಇಂಗ್ಲೆಂಡ್ (Epping Forest, England)

ಇಂಗ್ಲೆಂಡ್‌ನ ಅತ್ಯಂತ ಅಪಾಯಕಾರಿ ಕಾಡುಗಳಲ್ಲಿ ಎಪಿಂಗ್ ಫಾರೆಸ್ಟ್ ಒಂದಾಗಿದೆ. ಎಪ್ಪಿಂಗ್ ಫಾರೆಸ್ಟ್ ಆತ್ಮಗಳಿರುವ ಅರಣ್ಯ ಎಂದು ಹೆಸರಾಗಿದೆ. ಇಲ್ಲಿ ಅಂಥಹ ಅನೇಕ ದೃಶ್ಯಗಳು ಕಂಡು ಬಂದಿವೆ. ಜೊತೆಗೆ ಆ ಆತ್ಮಗಳು ಜನರನ್ನು ಆಕರ್ಷಿಸುತ್ತವೆ ಎಂದು ಕೂಡ ಹೇಳಲಾಗಿದೆ. ಹೀಗಾಗಿ ಈ ಅರಣ್ಯ ಪ್ರದೇಶದಲ್ಲಿ ಸ್ಥಳೀಯರು ಓಡಾಡಲು ಹೆದರುತ್ತಾರೆ. ಎಲ್ಲೂ ಕೇಳದ ವಿಚಿತ್ರ ಶಬ್ದಗಳು, ವಿಚಿತ್ರ ದೃಶ್ಯಗಳು ಈ ಅರಣ್ಯದಲ್ಲಿ ಕಂಡು ಬಂದಿವೆ. ಹೀಗಾಗಿ ಈ ಅರಣ್ಯವನ್ನು ದೆವ್ವದ ನೆಲೆ ಎಂದು ಕರೆಯಲಾಗುತ್ತದೆ.

ಬ್ಲಾಕ್ ಫಾರೆಸ್ಟ್, ಜರ್ಮನಿ (Black Forest, Germany)

ಹೆಸರೇ ಹೇಳುವಂತೆ ಇದು ಜರ್ಮಿನಿಯ ಬ್ಲಾಕ್ ಫಾರೆಸ್ಟ್. ಬ್ಲ್ಯಾಕ್ ಫಾರೆಸ್ಟ್ ಜರ್ಮನಿಯ ಅತ್ಯಂತ ಗೀಳುಹಿಡಿದ ಕಾಡುಗಳಲ್ಲಿ ಒಂದಾಗಿದೆ. ಆಕಾಶದೆತ್ತರಕ್ಕೆ ಚಾಚಿಕೊಂಡ ಗಿಡ ಮರಗಳು ಈ ಅರಣ್ಯದಲ್ಲಿ ಸದಾ ಕತ್ತಲೆ ಆವರಿಸುವಂತೆ ಮಾಡಿವೆ. ಸೂರ್ಯನ ಕಿರಣಗಳು ಈ ಕಾಡಿನಲ್ಲಿ ಕಾಣುವುದು ತುಂಬಾ ಅಪರೂಪ. ಈ ವಿಚಿತ್ರ ಸ್ಥಳದಲ್ಲಿ ಬಿಳಿ ಬಟ್ಟೆಯನ್ನು ಧರಿಸಿರುವ ಮಹಿಳೆ ಅನ್ನು ಹೆಚ್ಚಾಗಿ ಕಾಣಬಹುದು ಎಂದು ಅನೇಕ ಜನ ಹೇಳುತ್ತವೆ. ಜೊತೆಗೆ ಇಲ್ಲಿ ನಡೆದ ಅನೇಕ ಘಟನೆಗಳನ್ನು ಜನ ವಿವರಿಸುತ್ತಾರೆ. ಹೀಗಾಗಿ ಈ ಕತ್ತಲ ಅರಣ್ಯಕ್ಕೆ

ಡೆರಿಂಗ್ ವುಡ್ಸ್, ಇಂಗ್ಲೆಂಡ್ (Dering wood, England)

ಸ್ಕ್ರೀಮಿಂಗ್ ವುಡ್ಸ್ ಎಂದೂ ಕರೆಯಲ್ಪಡುವ ಡೆರಿಂಗ್ ವುಡ್ ಅರಣ್ಯವೂ ವಿಶ್ವದ ಭಯಾನಕ ಅರಣ್ಯಗಳಲ್ಲಿ ಒಂದಾಗಿದೆ. ಇಲ್ಲಿ ಅನೇಕ ಆತ್ಮಗಳು ನೆಲೆಗೊಂಡಿವೆ ಎಂದು ಹೇಳಲಾಗುತ್ತದೆ. ವಿಶೇಷವಾಗಿ ರಾತ್ರಿಯಲ್ಲಿ ಇಲ್ಲಿನ ಸ್ಥಳೀಯರು ದೇಹವಿಲ್ಲದ ಕಾಲುಗಳು

ರೋದನೆ, ಅಳಲುಗಳನ್ನು ಕೇಳುತ್ತಾರೆ. ಆತ್ಮಗಳು ಅಳುವುದು ಕೂಗಾಡುವುದು ಕೇಳಿಸುತ್ತವೆ ಎಂದು ಜನ ಹೇಳುತ್ತಾರೆ.

ಬೋರ್ಲಿ ರೆಕ್ಟರಿ ವುಡ್ಸ್, ಇಂಗ್ಲೆಂಡ್ (Borley Rectory Woods, England)

ಇಂಗ್ಲೆಂಡ್‌ನ ಅತ್ಯಂತ ಅಪಾಯಕಾರಿ ಗೀಳುಹಿಡಿದ ಮನೆಯಾದ ಬೋರ್ಲಿ ರೆಕ್ಟರಿ ಬಳಿ ಇರುವ ಬೋರ್ಲಿ ರೆಕ್ಟರಿ ವುಡ್ಸ್ ಅನೇಕ ಶಕ್ತಿಗಳ ಕಥೆಗಳೊಂದಿಗೆ ಹೆಣೆದುಕೊಂಡಿದೆ. ಇಲ್ಲಿ ಕರಾಳ ಭೂತಗಳು ಇವೆ ಎನ್ನಲಾಗುತ್ತದೆ. ಈ ಪ್ರದೇಶ ದುರಂತ ಘಟನೆಗಳಿಗೆ ಸಂಬಂಧಿಸಿದೆ ಎಂದು ಹಲವಾರು ಜನ ಹೇಳುತ್ತಾರೆ. ಹೀಗಾಗಿ ಇಲ್ಲಿಗೆ ಜನ ಹೋಗಲು ಹೆದರುತ್ತಾರೆ.

English summary

Dangerous forests in the world in Kannada.