ಮಂಗಳದಿಂದ ಸೂರ್ಯಗ್ರಹಣ: ಪುಟ್ಟ ಚಂದ್ರ ಹಾದುಹೋಗುವ ಅಪರೂಪದ ವಿಡಿಯೋ
ನವದೆಹಲಿ, ಏ. 21: ಮಂಗಳ ಗ್ರಹದಿಂದ ಕಾಣುವ ಸೂರ್ಯಗ್ರಹಣ (Solar Eclipse from Mars) ಮತ್ತೊಂದು ದೃಶ್ಯ ಇದೀಗ ಲಭಿಸಿದೆ. ನಾಸಾದ ಪರ್ಸಿವಿಯರೆನ್ಸ್ ಮಾರ್ಸ್ ರೋವರ್ ನೌಕೆ (Perseverance Mars Rover) ಮಂಗಳ ಗ್ರಹದಿಂದ ಸೂರ್ಯಗ್ರಹಣದ ದೃಶ್ಯವನ್ನು ಸೆರೆಹಿಡಿದು ಭೂಮಿಗೆ ಕಳುಹಿಸಿದೆ. ಹಿಂದೆ ಹಲವಾರು ವರ್ಷಗಳಿಂದ ನಾಸಾದ ಗಗನನೌಕೆಗಳು ಸೂರ್ಯಗ್ರಹಣದ ದೃಶ್ಯಗಳನ್ನ ಕ್ಯಾಪ್ಚರ್ ಮಾಡಿ ಕಳುಹಿಸಿರುವುದುಂಟು. ಅದರೆ, ಪರ್ಸಿವಿಯರೆನ್ಸ್ ರೋವರ್ ಕಳುಹಿಸಿರುವ ಈ ಲೇಟೆಸ್ಟ್ ವಿಡಿಯೋ ಬಹಳ ಅಮೋಘವಾಗಿದೆ. ಅತ್ಯಾಧುನಿಕ ಮತ್ತು ಅತ್ಯುತ್ತಮ ಗುಣಮಟ್ಟದ ಹೈ ರೆಸಲ್ಯೂಷನ್ ಇರುವ ವಿಡಿಯೋ ಇದಾಗಿದ್ದು, ನೋಡಲು ರಮಣೀಯವಾಗಿದೆ.
ಏನಿದು ಮಂಗಳ ಗ್ರಹದಲ್ಲಿ ಸೂರ್ಯಗ್ರಹಣ:
ಭೂಮಿಯಲ್ಲಿ ಸೂರ್ಯಗ್ರಹಣ ಆದಾಗ ಸೂರ್ಯ ಮತ್ತು ಭೂಮಿ ಮಧ್ಯೆ ಚಂದ್ರ ಹಾದು ಹೋಗುತ್ತದೆ. ಆಗ ಸೂರ್ಯ ಒಂದಷ್ಟು ಕಾಲ ಮರೆಯಾದಂತೆ ಕಾಣುತ್ತದೆ. ಅದೇ ರೀತಿ ಮಂಗಳ ಗ್ರಹದಲ್ಲಿ ನಿಂತಾಗಲೂ ಅಲ್ಲಿ ಆಗಾಗ ಸೂರ್ಯಗ್ರಹಣ ಆಗುತ್ತಿರುತ್ತದೆ. ಮಂಗಳಕ್ಕೆ ಎರಡು ಚಂದ್ರ (ಉಪಗ್ರಹ) ಇದೆ. ಫೋಬೋಸ್ (Phobos) ಮತ್ತು ಡೇಮೋಸ್ (Deivos). ಇದೀಗ ಮಂಗಳ ಗ್ರಹ ಮತ್ತು ಸೂರ್ಯನ ಮಧ್ಯೆ ಪೋಬೋಸ್ ಚಂದ್ರ ಹಾದುಹೋದ ದೃಶ್ಯವನ್ನು ಮಂಗಳ ಗ್ರಹದಿಂದ ನಾಸಾದ ಗಗನನೌಕೆಯ ಕ್ಯಾಮೆರಾ ಸೆರೆಹಿಡಿದಿದೆ.
ಈ ಗ್ರಹಣ 40 ಸೆಕೆಂಡ್ ಕಾಲ ಇದೆ. ಭೂಮಿಯಲ್ಲಿ ನಡೆಯುವ ಸೂರ್ಯಗ್ರಹದ ಕಾಲಕ್ಕಿಂತ ಇದು ಬಹಳ ಕಡಿಮೆ. ಇದಕ್ಕೆ ಕಾರಣ ಮಂಗಳನ ಚಂದ್ರ ಫೋಬೋಸ್ ಭೂಮಿಯ ಚಂದ್ರನಿಗಿಂತ 157 ಪಟ್ಟು ಚಿಕ್ಕದಾಗಿರುವುದು. ಇನ್ನು, ಮಂಗಳನ ಇನ್ನೊಂದು ಉಪಗ್ರಹ ಅಥವಾ ಚಂದ್ರ ಡೇಮೋಸ್ ಇನ್ನೂ ಚಿಕ್ಕದಿದೆ.
ನಾಸಾದ ಪರ್ಸಿವಿಯರೆನ್ಸ್ ಮಾರ್ಸ್ ರೋವರ್ ನೌಕೆ ಕಳುಹಿಸಿರುವ ವಿಡಿಯೋದಲ್ಲಿ ಸೂರ್ಯನ ಮೇಲೆ ಆಲೂಗಡ್ಡೆಯ ನೆರಳು ಹಾದುಹೋದಂತೆ ಕಾಣಿಸುತ್ತದೆ. ಅದಕ್ಕೆ ಕಾರಣ ಫೋಬೋಸ್ನ ಆಕಾರ. ಇದು ಹೆಚ್ಚೂಕಡಿಮೆ ಆಲೂಗಡ್ಡೆಯ ಆಕಾರದಲ್ಲಿ ಇದೆ.
ನಾಸಾ ನೌಕೆಯ ಅದ್ಭುತ ಕ್ಯಾಮೆರಾ:
2004ರಿಂದಲೇ ನಾಸಾದ ಬೇರೆ ಬೇರೆ ನೌಕೆಗಳು ಮಂಗಳ ಗ್ರಹದಿಂದ ಕಾಣಿಸುವ ವಿವಿಧ ದೃಶ್ಯ ಮತ್ತು ಫೋಟೋಗಳನ್ನ ಭೂಮಿಗೆ ಕಳುಹಿಸುತ್ತಲೇ ಬಂದಿದೆ. ಆಗ ಸ್ಪಿರಿಟ್ (Spirit) ಮತ್ತು ಆಪೋರ್ಚೂನಿಟಿ (Opportunity) ಎಂಬ ರೋವರ್ಗಳು ಫೋಬೋಸ್ನಿಂದ ಆದ ಸೂರ್ಯಗ್ರಹಣದ ಫೋಟೋಗಳನ್ನ ಕಳುಹಿಸಿದ್ದವು.
ಈಗ ವಿಡಿಯೋ ಕಳುಹಿಸಿರುವ ಪರ್ಸಿವಿಯರೆನ್ಸ್ ರೋವರ್ ಕಳೆದ ವರ್ಷ (2021) ಫೆಬ್ರವರಿಯಲ್ಲಿ ಮಂಗಳ ಗ್ರಹ ತಲುಪಿದೆ. ಈ ನೌಕೆಯಲ್ಲಿ ಮಾಸ್ಟ್ಕ್ಯಾಮ್-ಝಡ್ (MastCam-Z) ಎಂಬ ಹೊಸ ತಲೆಮಾರಿನ ಕ್ಯಾಮೆರಾ ವ್ಯವಸ್ಥೆ ಹೊಂದಿದೆ. ಹೀಗಾಗಿ ಇದು ಸೆರೆಹಿಡಿಯುವ ದೃಶ್ಯಗಳು ಬಹಳ ಹೈ ರೆಸಲ್ಯೂಷನ್ನಿಂದ ಕೂಡಿರುತ್ತವೆ.
Truly fascinating. I zoomed in with my Mastcam-Z camera on a Phobos solar eclipse. This detailed video can help scientists on my team better understand the Martian moon’s orbit and how its gravity affects the interior of Mars, including its crust & mantle. https://t.co/jVdJ4UwhDx pic.twitter.com/q45HwKwLIS
— NASA's Perseverance Mars Rover (@NASAPersevere) April 20, 2022
ಮಂಗಳನ ಮೇಲೆ ಫೋಬೋಸ್ ಪ್ರಭಾವ:
ಫೋಬೋಸ್ನ ಗುರುತ್ವ ಶಕ್ತಿಯಿಂದ ಮಂಗಳ ಗ್ರಹದ ಒಳಗಿನ ರಚನೆಯಲ್ಲಿ ಒಂದಷ್ಟು ವಿಕಾರ ಆಗುತ್ತಿರುತ್ತದೆ. ಹಾಗೆಯೇ, ಫೋಬೋಸ್ನ ಕಕ್ಷೆ ಕೂಡ ನಿಧಾನವಾಗಿ ಬದಲಾಗುತ್ತಾ ಹೋಗುತ್ತಿರುತ್ತದೆ.
ಫೋಬೋಸ್ ಆತ್ಮಹತ್ಯೆ ಹಾದಿ:
ಸದ್ಯ ನಾಸಾದವರು ಪತ್ತೆ ಹಚ್ಚಿರುವ ಒಂದು ಅಂಶ ಎಂದರೆ ಮಂಗಳನ ಎರಡು ಉಪಗ್ರಹಗಳಲ್ಲಿ ಒಂದಾಗಿರುವ ಫೋಬೋಸ್ ಆತ್ಮಹತ್ಯೆಯ ಹಾದಿಯಲ್ಲಿದೆಯಂತೆ. ಫೋಬೋಸ್ನ ಕಕ್ಷೆ (Orbit) ಬದಲಾಗುತ್ತಿದ್ದು ಅದು ಮಂಗಳ ಗ್ರಹಕ್ಕೆ ಸಮೀಪ ಹೋಗುತ್ತಿದೆ. ಮುಂದೊಂದು ಕಾಲದಲ್ಲಿ ಮಂಗಳ ಗ್ರಹಕ್ಕೆ ಫೋಬೋಸ್ ಅಪ್ಪಳಿಸುವುದು ಖಚಿತ. ಆದರೆ, ಸದ್ಯದಲ್ಲಿ ಅಲ್ಲ, ಕೋಟ್ಯಂತರ ವರ್ಷಗಳ ಬಳಿ ನಡೆಯುವ ಮಹಾಘಟನೆ ಇದು.
ಹಾಗೆಯೇ, ಫೋಬೋಸ್ ಮಂಗಳ ಗ್ರಹಕ್ಕೆ ಸಮೀಪ ಹೋಗುತ್ತಿರುವ ಸಂಗತಿಯನ್ನ ಹಲವು ವರ್ಷಗಳ ಅಧ್ಯಯನದಿಂದ ನಾಸಾ ಕಂಡುಕೊಂಡಿದೆ. ಎರಡು ದಶಕಗಳಿಂದ ಸೂರ್ಯಗ್ರಹಣಗಳನ್ನ ಅಧ್ಯಯನ ನಡೆಸಿರುವ ನಾಸಾಗೆ ಫೋಬೋಸ್ ಮುಂದಿನ ಭವಿಷ್ಯ ಏನಿರಬಹುದು ಎಂದು ನಿಖರವಾಗಿ ಅಂದಾಜಿಸಲು ಸಾಧ್ಯವಾಗುವ ಹಲವು ಸುಳಿವುಗಳು ಸಿಕ್ಕಿವೆ ಎಂದು ಹೇಳಲಾಗುತ್ತಿದೆ.
ನಾಸಾದ ಪರ್ಸಿವಿಯರೆನ್ಸ್ ರೋವರ್ ನೌಕೆಯ ಬೇರೆ ಉದ್ದೇಶಗಳು:
ಪರ್ಸಿವಿಯರೆನ್ಸ್ ರೋವರ್ ನೌಕೆ ಮಂಗಳ ಗ್ರಹದ ಅಧ್ಯಯನಕ್ಕೆ ಬದ್ಧವಾಗಿದೆ. ಅಲ್ಲಿ ಪ್ರಾಚೀನವಾಗಿರುವ ಸೂಕ್ಷ್ಮಾಣು ಜೀವಿಗಳು (Ancient Microbial Life) ಅಸ್ತಿತ್ವದಲ್ಲಿದ್ದವೇ ಅಥವಾ ಈಗ ಇವೆಯೇ ಎಂಬುದನ್ನು ತಿಳಿದುಕೊಳ್ಳುವ ಪ್ರಯತ್ನ ಮಾಡುತ್ತಿದೆ.
(ಒನ್ಇಂಡಿಯಾ ಸುದ್ದಿ)
-
Suryakumar Yadav: ಮೀಟರ್ ಇದ್ರೆ ಮೈದಾನದಲ್ಲಿ ಅಭಿಮಾನಿಗಳ ಬಾಯಿ ಮುಚ್ಚಿಸಿ: ಮಿಚೆಲ್ ಸ್ಯಾಂಟ್ನರ್ಗೆ ಸೂರ್ಯ ಸವಾಲು -
Karnataka Weather: ಕರ್ನಾಟಕದಲ್ಲಿ ಹೆಚ್ಚಿದ ಬಿಸಿಲ ಧಗೆ: ಬಳ್ಳಾರಿಯಲ್ಲಿ ಗರಿಷ್ಠ ತಾಪಮಾನ ದಾಖಲು, ಬೀದರ್ನಲ್ಲಿ ಚಳಿ -
"ಬೆಂಗಳೂರು ಮಲಯಾಳಿಗರ ಹಬ್" ಎಂದ ಕೇರಳಿಗರು, ವೈರಲ್ ವಿಡಿಯೋ ನೋಡಿ ಕಣ್ಣು ಕೆಂಪಾಗಿಸಿದ ಕನ್ನಡಿಗರು -
Bengaluru Expenses: ಬೆಂಗಳೂರು ಎಷ್ಟು ದುಬಾರಿ, ಅಮೆಜಾನ್ ಉದ್ಯೋಗಿ ಹಂಚಿಕೊಂಡ ವಾರಾಂತ್ಯದ ವೆಚ್ಚದ ವಿಡಿಯೋ ವೈರಲ್ -
Gold Rate: ಸತತ ಇಳಿಕೆಯ ನಂತರ ಚಿನ್ನದ ಬೆಲೆ ಮತ್ತೆ ಏರಿಕೆ: ಬೆಂಗಳೂರಿನಲ್ಲಿ ಇಂದಿನ ಚಿನ್ನ-ಬೆಳ್ಳಿ ದರ ವಿವರ ಇಲ್ಲಿದೆ ನೋಡಿ -
Vijay Divorce: ನನ್ನ ಸಮಸ್ಯೆಗಳ ಬಗ್ಗೆ ನೀವು ತಲೆಕೆಡಿಸಿಕೊಳ್ಳಬೇಡಿ: ಡಿವೋರ್ಸ್ ಬಗ್ಗೆ ಕೊನೆಗೂ ಮೌನ ಮುರಿದ ನಟ ದಳಪತಿ ವಿಜಯ್ -
Horoscope March 8: ಈ ರಾಶಿಯವರಿಗೆ ಉದ್ಯೋಗದಲ್ಲಿ ಒಳಿತು, ಹೂಡಿಕೆಗಳಿಂದ ಲಾಭ, ದಿನ ಭವಿಷ್ಯ -
Kamal Haasan: ನಿಮ್ಮ ಕೆಲಸ ಎಷ್ಟಿದೆಯೋ ಅಷ್ಟು ನೋಡಿಕೊಳ್ಳಿ; ಭಾರತ ಸಾರ್ವಭೌಮ ರಾಷ್ಟ್ರ: ಟ್ರಂಪ್ಗೆ ಕಮಲ್ ಹಾಸನ್ ತಿರುಗೇಟು -
ಚಿಕ್ಕಬಳ್ಳಾಪುರದ ಜಿಲ್ಲೆಯ ಸತ್ಯಸಾಯಿ ಗ್ರಾಮಕ್ಕೆ ನಟ ರಿಷಬ್ ಶೆಟ್ಟಿ ಭೇಟಿ: ಮಾನವೀಯ ಕಾರ್ಯಗಳಿಗೆ ಶ್ಲಾಘನೆ -
Kiccha Sudeep: ಸುದೀಪ್ ನಂ 1 ಅಂತ ಗೂಗಲ್ನಲ್ಲಿ ಬರುತ್ತಾ, ನಟ ಆದ್ರೆ ತಲೆ ಮೇಲೆ ಕೊಂಬು ಇದ್ಯಾ: ಡಾಗ್ ಸತೀಶ್, ವೈರಲ್ ವಿಡಿಯೋ -
IMD Weather Forecast: ಭಾರತ vs ನ್ಯೂಜಿಲೆಂಡ್ ಟಿ20 ವಿಶ್ವಕಪ್ ಫೈನಲ್: ಅಹಮದಾಬಾದ್ನಲ್ಲಿ ಹವಾಮಾನ ಹೇಗಿದೆ, ಮಳೆ ಭೀತಿ ಇದೆಯೇ -
Jaggery: ಬೆಲ್ಲದಲ್ಲಿ ಕಲಬೆರಕೆಯ ಕೆಮಿಕಲ್, ಬಣ್ಣ, ಸಕ್ಕರೆ ಮಿಶ್ರಣ: ಪರಿಶೀಲನೆ ಮಾಡುವ ಸರಳ ವಿಧಾನಗಳು
Click it and Unblock the Notifications
Sign in with Google