ವಿಡಿಯೋ: ಹೆಬ್ಬಾವಿನೊಂದಿಗೆ ಈಜುಕೊಳದಲ್ಲಿ ಮಕ್ಕಳ ಮೋಜು

Published: Thursday, April 7, 2022, 16:52 [IST]

ಇತ್ತೀಚೆಗೆ ವಿಷಕಾರಿ ಪ್ರಾಣಿಗಳನ್ನು ಸಾಕುವ ಪ್ರೌವೃತ್ತಿಯನ್ನು ಮನುಷ್ಯ ರೂಢಿಸಿಕೊಳ್ಳುತ್ತಿದ್ದಾನೆ. ಇದಕ್ಕೆ ಸಾಕ್ಷಿ ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋಗಳು. ಕೆಲ ವಿಡಿಯೋಗಳಲ್ಲಿ ಮನುಷ್ಯ ವಿಷಕಾರಿ ಪ್ರಾಣಿಗಳೊಂದಿಗೆ ಯಾವುದೇ ಭಯ ಆತಂಕವಿಲ್ಲದೇ ಬೆರೆಯುವುದು ನೋಡಗರನ್ನು ಬೆಚ್ಚಿ ಬೀಳಿಸುತ್ತವೆ. ಇತ್ತೀಚೆಗೆ ಅಂತಹದೇ ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.

ಈಜುಕೊಳದಲ್ಲಿ ಸಾಮಾನ್ಯವಾಗಿ ನೆಚ್ಚಿನ ನಾಯಿ ಬೆಕ್ಕುಗಳೊಂದಿಗೆ ಈಜಲು ಅಥವಾ ಅವುಗಳೊಂದಿಗೆ ಆಟವಾಡುವುದನ್ನ ನಾವು ನೋಡಿದ್ದೇವೆ ಕೇಳಿದ್ದೇವೆ. ಆದರೆ ಇಲ್ಲೊಂದು ವಿಡಿಯೋದಲ್ಲಿ ಅಪಾಯಕಾರಿ ಧೈತ್ಯ ಹೆಬ್ಬಾವಿನೊಂದಿಗೆ ಮಕ್ಕಳು ಈಜುಕೊಳದಲ್ಲಿ ಆಟವಾಡುತ್ತಾರೆ. ಈ ಭಯಾನಕ ವಿಡಿಯೋ ಕಂಡು ಜನ ಬೆಚ್ಚಿಬಿದ್ದಿದ್ದಾರೆ.

ಸಣ್ಣ ಹಾವು ನೋಡಿದರೆ ಹತ್ತು ಅಡಿ ದೂರ ನಿಂತುಕೊಂಡು ಇಣುಕಿ ನೋಡುವ ಜನ ನಮ್ಮಲ್ಲಿದ್ದಾರೆ. ಹೀಗಿರುವಾಗ ಈಜುಕೊಳದಲ್ಲಿರುವ ಮಕ್ಕಳ ನಡುವೆ ಇರುವ ಉದ್ದನೆಯ, ಭಾರವಾದ ಹೆಬ್ಬಾವನ್ನು ನೋಡಿ, ಜನರ ಸ್ಥಿತಿ ಏನಾಗಬಹುದು ಎಂದು ಊಹಿಸಿಕೊಳ್ಳಿ. ಹೀಗಿರುವಾಗ ವೈರಲ್ ವಿಡಿಯೋದಲ್ಲಿ ದೈತ್ಯ ಹೆಬ್ಬಾವು ಮಕ್ಕಳೊಂದಿಗೆ ಈಜುಕೊಳದಲ್ಲಿ ಇರುವುದು ಕಂಡುಬಂದಿದೆ. ಇದನ್ನು ನೋಡಿದ ಜನ ನಿಜಕ್ಕೂ ಶಾಕ್ ಆಗಿದ್ದಾರೆ.

ಹೆಬ್ಬಾವಿಗೆ ಸಹನೆಯೋ? ಮಕ್ಕಳಿಗೆ ನಿರ್ಭಯವೋ?

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಹೆಬ್ಬಾವು ಕೆಲವೇ ಸೆಕೆಂಡುಗಳಲ್ಲಿ ಅತ್ಯಂತ ಶಕ್ತಿಶಾಲಿ ವ್ಯಕ್ತಿಯನ್ನು ಕೊಲ್ಲುತ್ತದೆ. ಆಶ್ಚರ್ಯ ಎಂದರೆ ಈಜುಕೊಳದಲ್ಲಿರುವ ಮಕ್ಕಳು ಈ ಹೆಬ್ಬಾವು ಕಂಡು ಕೊಂಚವೂ ಭಯ ಪಡುವುದಿಲ್ಲ. ಅದನ್ನು ಮುಟ್ಟಲು ಹಿಂಜರಿಯುವುದಿಲ್ಲ. ಅದರೊಂದಿಗೆ ಸಹಜವಾಗಿ ವರ್ತಿಸುತ್ತಾರೆ. ಅಷ್ಟೇ ಅಲ್ಲದೇ ಮಕ್ಕಳ ಪೋಷಕರೂ ಮಕ್ಕಳನ್ನು ಧೈರ್ಯವಾಗಿ ಹಾವಿನೊಂದಿಗೆ ಈಜುಕೊಳದಲ್ಲಿ ಬಿಟ್ಟಿರುವುದು ಕಂಡುಬರುತ್ತದೆ. ಅವರೂ ಕೂಡ ಮಕ್ಕಳಿಗೆ ಹೆಬ್ಬಾವಿನೊಂದಿಗೆ ಬೆರೆಯಲು ಮಕ್ಕಳನ್ನು ಪ್ರೇರೇಪಿಸುತ್ತಾರೆ.

ಈ ವಿಡಿಯೋ ಇನ್‌ಸ್ಟಾಗ್ರಾಮ್‌ನಲ್ಲಿ ಹೆಚ್ಚು ವೈರಲ್ ಆಗುತ್ತಿದ್ದು, ಇದರಲ್ಲಿ ಕೆಲವು ಮಕ್ಕಳು ಈಜುವುದರಲ್ಲಿ ಮೋಜು ಮಾಡುತ್ತಿರುವುದನ್ನು ಕಾಣಬಹುದು. ಮಕ್ಕಳ ತಂದೆ-ತಾಯಿಯೂ ಈಜುಕೊಳದ ಸುತ್ತಲೂ ನಿಂತಿದ್ದಾರೆ. ನೀರಿನಲ್ಲಿ ಮಕ್ಕಳ ನಡುವೆ ದೊಡ್ಡ ಹೆಬ್ಬಾವನ್ನು ಭಯಪಡೆದೆ ಹಿಡಿಯಲು ಪ್ರಯತ್ನಿಸುತ್ತಾರೆ. ಅವನ ಬಾಲವನ್ನು ಹಿಡಿಯಲು ಪ್ರಯತ್ನಿಸುತ್ತಾರೆ. ಅದೇ ಸಮಯದಲ್ಲಿ, ಹೆಬ್ಬಾವು ಯಾವುದೇ ಮಗುವಿಗೆ ಹಾನಿಯಾಗದಂತೆ ನೀರಿನಲ್ಲಿ ಮೌನವಾಗಿ ಈಜುವುದನ್ನು ಸಹ ಕಾಣಬಹುದು. ಅನೇಕ ದೇಶಗಳಲ್ಲಿ ಹೆಬ್ಬಾವನ್ನು ಸಾಕುಪ್ರಾಣಿಯಾಗಿ ಇಟ್ಟುಕೊಳ್ಳುವುದು ಮತ್ತು ಅದನ್ನು ಮನೆಯಲ್ಲಿ ಇಡುವುದು ಒಂದು ಫ್ಯಾಷನ್ ಆಗಿದೆ. ವಿಡಿಯೋದಲ್ಲಿ ಕಾಣಿಸಿಕೊಂಡಿರುವ ಹೆಬ್ಬಾವು ಕೂಡ ಯಾರೋ ಒಬ್ಬರ ಸಾಕುಪ್ರಾಣಿಯಾಗಿರುವಂತೆ ತೋರುತ್ತಿದೆ. ಆದರೆ ಈ ವಿಡಿಯೋ ಎಲ್ಲಿಯದ್ದು ಎಂದು ನಿಖರವಾಗಿ ತಿಳಿದುಬಂದಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್ ಆಗಿದೆ.

'ಹಾವಿನೊಂದಿಗೆ ಸರಸ ಬೇಡ' ನೆಟ್ಟಿಗರ ಸಲಹೆ

ಈ ವಿಡಿಯೊವನ್ನು Instagram ನ rhmsuwaidi ID ಯಿಂದ ಪೋಸ್ಟ್ ಮಾಡಲಾಗಿದೆ. ವಿಡಿಯೋ ಕೇವಲ 13 ಸೆಕೆಂಡ್‌ಗಳಾಗಿದ್ದು, ಇದನ್ನು 1,64,000 ಜನರು ವೀಕ್ಷಿಸಿದ್ದಾರೆ. ಮಾತ್ರವಲ್ಲದೆ ಜನರು ಇದನ್ನು ಇಷ್ಟಪಡುತ್ತಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಕೆಲವರು ಇದನ್ನು ನೋಡಿ ಆಶ್ಚರ್ಯಪಟ್ಟರೆ, ಕೆಲವರು ಅದನ್ನು ಆನಂದಿಸುತ್ತಿದ್ದಾರೆ. ಕೆಲವರು ಇದು ಅಪಾಯಕಾರಿ ಎಂದರೆ ಇನ್ನೂ ಕೆಲವರು ಹಾವುಗಳಿಗೂ ಇಷ್ಟೊಂದು ತಾಳ್ಮೆ ಇರುತ್ತಾ ಎಂದು ಆಶ್ಚರ್ಯಪಟ್ಟಿದ್ದಾರೆ. ಕೆಲವರು ಹಾವಿನೊಂದಿಗೆ ಸರಸವಾಡುವುದು ಒಳ್ಳೆದಲ್ಲ ಎಂದು ಸಲಹೆ ನೀಡಿದ್ದಾರೆ.

ಹೆಬ್ಬಾವಿನ ಮೇಲೆ ಕುಳಿತ ಮಗು

ಇತ್ತೀಚಿಗೆ ಒಂದು ದೊಡ್ಡ ಹೆಬ್ಬಾವು ಖಾಲಿ ಜಾಗದಲ್ಲಿ ಮಲಗಿದ್ದು, ಚಿಕ್ಕ ಹುಡುಗಿ ಹೆಬ್ಬಾವಿನ ಮೇಲೆ ಕುಳಿತು ಆಡುತ್ತಿರುವ ವಿಡಿಯೋವೊಂದು ವೈರಲ್ ಆಗಿತ್ತು. ವಿಡಿಯೋದಲ್ಲಿ ಕಾಣುವ ಹುಡುಗಿ ಹೆಬ್ಬಾವಿಗೆ ಕಿಂಚಿತ್ತೂ ಹೆದರುವುದಿಲ್ಲ. ಹೆಬ್ಬಾವು ಕೂಡ ಮಗುವಿಗೆ ಯಾವುದೇ ತೊಂದರೆ ಕೊಡುವುದಿಲ್ಲ. ಅದು ಮೌನವಾಗಿ ನೆಲದ ಮೇಲೆ ಮಲಗಿರುತ್ತದೆ. ವಿಡಿಯೋ ನೋಡಿದರೆ ಬೆಚ್ಚಿ ಬೀಳಿಸುವಂತಿದ್ದು ಹಾಗೆ ಮಾಡುವುದು ಅಪಾಯಕಾರಿ ಎನ್ನಲಾಗುತ್ತದೆ. ಹೆಬ್ಬಾವುಗಳು ಅಪಾಯಕಾರಿ ಪ್ರಾಣಿಗಳು ಕೆಲವೇ ಸೆಕೆಂಡುಗಳಲ್ಲಿ ಯಾರನ್ನಾದರೂ ಕೊಲ್ಲುತ್ತವೆ ಎನ್ನುವುದು ಗಮನದಲ್ಲಿಡಬೇಕು ಎಂದು ತಜ್ಞರು ಹೇಳುತ್ತಾರೆ.