ಆನ್‍ಲೈನ್ ಆಟಗಳ ನಿಷೇಧ, ಸಾವಿರಾರು ಉದ್ಯೋಗಗಳಿಗೆ ಅಪಾಯ

Updated: Monday, September 20, 2021, 18:38 [IST]

1963 ರ ಕರ್ನಾಟಕ ಪೊಲೀಸ್ ಕಾಯ್ದೆಗೆ ತಿದ್ದುಪಡಿ ತರುವ ಉದ್ದೇಶದಿಂದ ಕಳೆದ ವಾರ ಮಂಡಿಸಲಾದ ಮಸೂದೆಯು "ಆಟಗಳು ಎಂದರೆ ಮತ್ತು ಆನ್‍ಲೈನ್ ಆಟಗಳು ಕೂಡಾ ಸೇರಿದ್ದು, ಇದು ಎಲ್ಲ ವಿಧದ ಬಾಜಿ ಕಟ್ಟುವುದು ಅಥವಾ ಬೆಟ್ಟಿಂಗ್‍ಗಳನ್ನು ಒಳಗೊಳ್ಳುತ್ತದೆ. ಇದರಲ್ಲಿ ಆಟದ ಮೊದಲು ಅಥವಾ ನಂತರ ಪಾವತಿಸುವ ಟೋಕನ್‍ಗಳ ರೂಪದ ಹಣ ಸೇರುತ್ತದೆ. ಅಥವಾ ಎಲೆಕ್ಟ್ರಾನಿಕ್ ವಿಧಾನಗಳು ಮತ್ತು ವರ್ಚುವಲ್ ಕರೆನ್ಸಿ, ಯಾವುದೇ ಅವಕಾಶದ ಆಟಕ್ಕೆ ಸಂಬಂಧಿಸಿದಂತೆ ಹಣದ ಎಲೆಕ್ಟ್ರಾನಿಕ್ ವರ್ಗಾವಣೆ ಇದರಲ್ಲಿ ಸೇರುತ್ತದೆ.

ಬಹುಶಃ ದೃಶ್ಯ ಶ್ರವ್ಯ ಗೇಮಿಂಗ್ ಮತ್ತು ಕಾಮಿಕ್ಸ್, ಐಟಿ ಮತ್ತು ಐಟಿಇಎಸ್ ವಲಯಗಳು, ಸಾಫ್ಟ್ ವೇರ್ ಮತ್ತು ಸೇವೆಗಳನ್ನು ರಚಿಸುವ, ಅಭಿವೃದ್ಧಿಪಡಿಸುವ ಮತ್ತು ಗೇಮಿಂಗ್ ನೀಡುವ ಆನ್‍ಲೈನ್ ಜೂಜಿನ ಕಂಪನಿಗಳ ಮೇಲೆ ಪರಿಣಾಮ ಬೀರುವುದಿಲ್ಲ ಅಥವಾ ಕ್ಲಬ್ ಮಾಡಲಾಗುವುದಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸುತ್ತದೆ. ಇದು ಕೆಟ್ಟದ್ದನ್ನು ಮತ್ತು ಕೊಳಕನ್ನು ಒಳಗೊಂಡಂತೆ ಒಳ್ಳೆಯದನ್ನು ಜತೆ ಸೇರಿಸುವುದಕ್ಕೆ ಸಮಾನವಾಗಿರುತ್ತದೆ. ಈ ಹಂತದಲ್ಲಿ, ಈ ಕಂಪನಿಗಳು ಕಾನೂನು ದೃಷ್ಟಿಕೋನಗಳನ್ನು ತೆಗೆದುಕೊಂಡಿದ್ದು, ಅದು ಈ ಉದ್ದೇಶಿತ ತಿದ್ದುಪಡಿಯ ಗುರಿಯಲ್ಲ ಎಂದು ಸ್ಪಷ್ಟವಾಗಿ ಸೂಚಿಸುತ್ತದೆ.

ಇಡೀ ಭಾರತದಲ್ಲೇ ಮೊಟ್ಟಮೊದಲ ಬಾರಿಗೆ 2012 ರಲ್ಲಿ ಎವಿಜಿಸಿ ನೀತಿ ಘೋಷಿಸಿದ ರಾಜ್ಯ ಕರ್ನಾಟಕ. ರಾಜ್ಯವನ್ನು ಲಾಭದಾಯಕ ಹೂಡಿಕೆಯ ತಾಣವಾಗಿ ಉತ್ತೇಜಿಸಲು ಮತ್ತು ಎವಿಜಿಸಿ ವಲಯದಲ್ಲಿ ಸಾಹಸೋದ್ಯಮ ಬಂಡವಾಳವನ್ನು ಆಕರ್ಷಿಸಲು ಈ ನೀತಿಯನ್ನು ಆರಂಭಿಸಲಾಯಿತು. ಇದರ ಪ್ರಮುಖ ಗುರಿಯೆಂದರೆ ವಿದ್ಯಾವಂತ ಯುವಕರಿಗೆ ಉದ್ಯೋಗ ಒದಗಿಸುವುದು ಮತ್ತು ಕೌಶಲ್ಯ ಸಂಪನ್ಮೂಲಗಳ ಬೇಡಿಕೆ ಮತ್ತು ಪೂರೈಕೆಯಲ್ಲಿನ ಅಂತರವನ್ನು ಕಡಿಮೆ ಮಾಡುವುದು. ಭಾರತದ ಶೇಕಡ 22ರಷ್ಟು ಭಾರತೀಯ ಗೇಮ್ ಡೆವಲಪರ್‌ಗಳು ಮತ್ತು ಸೇವಾ ಪೂರೈಕೆದಾರರು ರಾಜ್ಯದಲ್ಲಿ ನೆಲೆಸಿದ್ದಾರೆ. (ಮೂಲ: ನಾಸ್ಕಾಂ ವರದಿ 2015).

ಶಾಸಕಾಂಗ ಕ್ರಿಯೆಯ ಸಂಭಾವ್ಯ ಪರಿಣಾಮ

ದೇಶದ 425 ಸ್ಟುಡಿಯೋಗಳಲ್ಲಿ (300 ಅನಿಮೇಷನ್, 40 ವಿಎಫ್‍ಎಕ್ಸ್ ಮತ್ತು 85 ಆಟದ ಅಭಿವೃದ್ಧಿ), ಶೇಕಡ 11ರಷ್ಟು ಬೆಂಗಳೂರಿನಲ್ಲಿವೆ. ಎಬಿಎಐ ವರದಿಯ ಪ್ರಕಾರ ಸುಮಾರು ಶೇಕಡ 14ರಷ್ಟು ಎವಿಜಿಸಿ ವೃತ್ತಿಪರರು ಬೆಂಗಳೂರಿನಿಂದ ಹೊರಗಿದ್ದಾರೆ. ಈ ಅಂಕಿ ಅಂಶಗಳು ಕರ್ನಾಟಕವು ತನ್ನ ಆನ್‍ಲೈನ್ ಆಟಗಳ ಪರಿಸರ ವ್ಯವಸ್ಥೆಯನ್ನು ಹತ್ತಿರದಿಂದ ನೋಡಬೇಕು ಮತ್ತು ಅಂತಹ ಶಾಸಕಾಂಗ ಕ್ರಿಯೆಯ ಸಂಭಾವ್ಯ ಪರಿಣಾಮಗಳನ್ನು ಸೂಕ್ಷ್ಮವಾಗಿ ಗಮನಿಸಬೇಕು ಎಂದು ಸೂಚಿಸುತ್ತದೆ.

ಪ್ರಸ್ತಾಪಿತ ಮಸೂದೆಯು ಹೂಡಿಕೆದಾರ ಸಮುದಾಯದ ಅಭಿಪ್ರಾಯಗಳನ್ನು ಅಥವಾ ದೇಶದಲ್ಲಿನ ಯುವಕರೊಂದಿಗೆ ಸಕ್ರಿಯ ವ್ಯಾಪಾರ ಕಾರ್ಯಾಚರಣೆಗಳನ್ನು ಹೊಂದಿರುವ ರಾಜ್ಯದ ದೊಡ್ಡ ಕಂಪನಿಗಳ ಅಭಿಪ್ರಾಯಗಳನ್ನು ಗಣನೆಗೆ ತೆಗೆದುಕೊಳ್ಳದಿರುವುದು ಕುತೂಹಲಕಾರಿಯಾಗಿದೆ. ಇಡೀ ದೇಶದಲ್ಲೇ ಕರ್ನಾಟಕ ಅಭಿವೃಧ್ಧಿಪಡಿಸಿರುವ ಪರಿಸರ ವ್ಯವಸ್ಥೆಯ ಕಾರಣದಿಂದ ಯಾವುದೇ ಸಂಭಾವ್ಯ ಸ್ಟಾರ್ಟ್ ಅಪ್‌ಗಳಿಗೆ ಕರ್ನಾಟಕ ಗಮ್ಯತಾಣವಾಗಿದೆ.

ರಾಜ್ಯದಲ್ಲಿ ಹೂಡಿಕೆ ಮುಂದುವರಿಸುತ್ತವೆ

ಆದಾಗ್ಯೂ, ರಾಜ್ಯದಲ್ಲಿ ಈ ಕಂಪನಿಗಳಿಗೆ ನೀಡುತ್ತಿರುವ ಕೊಡುಗೆಗಳನ್ನು ನಿಷೇಧಿಸಿದರು ಕೂಡಾ ರಾಜ್ಯದಲ್ಲಿ ಹೂಡಿಕೆ ಮುಂದುವರಿಸುತ್ತವೆ ಎಂದು ಭಾವಿಸುವುದು ಅತಿ ಮಹತ್ವಾಕಾಂಕ್ಷೆಯಾಗುತ್ತದೆ. ಸುರಕ್ಷಿತವಾದ ಊಹೆಯೆಂದರೆ, ಕರ್ನಾಟಕದಲ್ಲಿನ ನಿಷೇಧವು ಕಂಪನಿಗಳು ಉತ್ತರ ಪ್ರದೇಶ, ಮಹಾರಾಷ್ಟ್ರ, ಆಂಧ್ರಪ್ರದೇಶ, ಗುಜರಾತ್‍ನಂತಹ ರಾಜ್ಯಗಳಿಗೆ ತೆರಳಲು ಪ್ರೋತ್ಸಾಹಿಸುತ್ತದೆ, ಇವು ನೂರಾರು ಸ್ಟಾರ್ಟ್ ಅಪ್‍ಗಳನ್ನು ಸಕ್ರಿಯವಾಗಿ ಓಲೈಸುತ್ತಿವೆ.

ದೇಶೀಯ ಮತ್ತು ವಿದೇಶಿ ಹೂಡಿಕೆ ಕೂಡಾ ಹೆಚ್ಚಾಗಿದೆ

ಭಾರತದಲ್ಲಿ, ಪ್ಲಾಟ್‍ಫಾರ್ಮ್‍ಗಳ ಸಂಖ್ಯೆಯೂ ಹೆಚ್ಚಾದಂತೆ ಈ ವಲಯದಲ್ಲಿ ದೇಶೀಯ ಮತ್ತು ವಿದೇಶಿ ಹೂಡಿಕೆ ಕೂಡಾ ಹೆಚ್ಚಾಗಿದೆ. ಆನ್‍ಲೈನ್ ಗೇಮಿಂಗ್ ಉದ್ಯಮವು ಒಂದು ವರ್ಷದ ಹಿಂದೆ ಇದ್ದ ರೂ. 679 ಕೋಟಿ (97.2 ದಶಲಕ್ಷ ಡಾಲರ್)ಗೆ ಹೋಲಿಸಿದರೆ 2020ರ ವೇಳೆಗೆ ಸುಮಾರು ರೂ. 1200 ಕೋಟಿ (174 ದಶಲಕ್ಷ ಡಾಲರ್) ಆಗಿದೆ ಎಂದು ಟ್ರ್ಯಾಕ್ಸನ್ ಅಂಕಿ ಅಂಶಗಳಿಂದ ತಿಳಿದುಬರುತ್ತದೆ.

80 ಕ್ಕೂ ಹೆಚ್ಚು ತರಬೇತಿ ಸಂಸ್ಥೆಗೆ ಕುತ್ತು

ಈ ವರ್ಷ ನಿಧಿ ಸಂಗ್ರಹವು ಹಿಂದಿನ ದಾಖಲೆಗಳನ್ನು ಮೀರಿಸುವ ನಿರೀಕ್ಷೆಯಿದೆ ಎಂದು ಉದ್ಯಮದ ತಜ್ಞರು ಹೇಳುತ್ತಾರೆ. ಸ್ಟಾರ್ಟ್ ಅಪ್ ಉದ್ಯಮವು ತಂತ್ರಜ್ಞಾನ, ನಾವೀನ್ಯತೆ ಮತ್ತು ನುರಿತ ಸಿಬ್ಬಂದಿಯ ಮೇಲೆ ಅಭಿವೃದ್ಧಿ ಹೊಂದಿದ್ದು, ಕನಿಷ್ಠ ಸರ್ಕಾರದ ಹಸ್ತಕ್ಷೇಪದೊಂದಿಗೆ ರಾಜ್ಯದಲ್ಲಿ ಹೇರಳವಾಗಿ ಅಸ್ತಿತ್ವದಲ್ಲಿದೆ. ಉದ್ಯಮದ ಅಂದಾಜಿನ ಪ್ರಕಾರ, ಕರ್ನಾಟಕವು ಎವಿಜಿಸಿ ಸಂಬಂಧಿತ ತರಬೇತಿಯನ್ನು ನೀಡುವ 80 ಕ್ಕೂ ಹೆಚ್ಚು ತರಬೇತಿ ಸಂಸ್ಥೆಗಳನ್ನು ಹೊಂದಿದೆ.

ಆದ್ದರಿಂದ, ರಾಜ್ಯ ಸರ್ಕಾರವು ಈ ಅಂಶಗಳನ್ನು ಪರಿಗಣನೆಗೆ ತೆಗೆದುಕೊಳ್ಳದೇ ಅಥವಾ ಎವಿಜಿಸಿ, ಐಟಿ ಮತ್ತು ಐಟಿಇಎಸ್ ವಲಯದ ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶಗಳ ಕೊರತೆಯನ್ನು ಉಂಟುಮಾಡುವ ಈ ಉದ್ದೇಶಿತ ತಿದ್ದುಪಡಿಯನ್ನು ಜಾರಿಗೊಳಿಸಲು ಪ್ರಯತ್ನಿಸುವುದು ಅಸಂಭವವಾಗಿದೆ.