Fact check: ರಾಮನೂರಿನಲ್ಲಿ ಭ್ರಷ್ಟಾಚಾರ: ನಿರ್ಮಾಣಗೊಂಡ 6 ತಿಂಗಳಲ್ಲೇ ಕುಸಿದ ಗೋಡೆ- ಬಿಜೆಪಿ ವಿರುದ್ಧ ಕಾಂಗ್ರೆಸ್ ಆರೋಪ

ಸಣ್ಣ ಮಳೆಗೆ ಅಯೋಧ್ಯೆ ರೈಲು ನಿಲ್ದಾಣದ ಗೋಡೆ ಕುಸಿದಿದೆ ಎಂಬ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಡಿಸೆಂಬರ್ 30 ರಂದು ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಿದ ಅಯೋಧ್ಯೆ ರೈಲು ನಿಲ್ದಾಣದ ಗೋಡೆ ಕುಸಿದಿದೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಕಾಂಗ್ರೆಸ್ ಪಕ್ಷವೂ ಬಿಜೆಪಿ ಮೇಲೆ ಭ್ರಷ್ಟಾಚಾರದ ಆರೋಪ ಮಾಡಿದೆ.

ಅಯೋಧ್ಯೆ ರೈಲು ನಿಲ್ದಾಣದ 20 ಮೀಟರ್ ಉದ್ದದ ಗಡಿ ಗೋಡೆ ಕುಸಿದಿದೆ. 6 ತಿಂಗಳ ಹಿಂದೆಯಷ್ಟೇ ಈ ನಿಲ್ದಾಣವನ್ನು ನರೇಂದ್ರ ಮೋದಿ ಉದ್ಘಾಟಿಸಿದ್ದರು. ಈ ಕುಸಿದು ಬಿದ್ದಿರುವ ಗಡಿ ಗೋಡೆ ಬಿಜೆಪಿಯ ಭ್ರಷ್ಟಾಚಾರವನ್ನು ಬಯಲು ಮಾಡುತ್ತಿದೆ. ವಾಸ್ತವ ಸತ್ಯ ಬಯಲಾಗಿದೆ. ಈ ಗೋಡೆಯ ಗುಣಮಟ್ಟ ಹಾಗೂ ಇದರ ನಿರ್ಮಾಣಕ್ಕಾಗಿ ಬಿಜೆಪಿ ಹಣವನ್ನು ಕೊಳ್ಳೆ ಹೊಡೆದು ಕಳಪೆ ಮಟ್ಟದ ಗೋಡೆ ನಿರ್ಮಾಣ ಮಾಡಿದೆ ಎಂದು ಕಾಂಗ್ರೆಸ್ ಆರೋಪ ಮಾಡಿದೆ.

ಹೌದು.. ಗೋಡೆ ಕುಸಿದಿರುವ ಬೆನ್ನಲ್ಲೇ ಅಯೋಧ್ಯೆಯಲ್ಲಿ ಬಿಜೆಪಿ ಭ್ರಷ್ಟಾಚಾರ ನಡೆಸುತ್ತಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಕಾಂಗ್ರೆಸ್ ಅಧಿಕೃತ ವೆಬ್‌ಸೈಟ್‌ನಲ್ಲಿ ಈ ಬಗ್ಗೆ ಪೋಸ್ಟ್ ಮಾಡಿದ್ದು, "ಪ್ರಭುರಾಮನ ಅಯೋಧ್ಯೆಯಲ್ಲಿಯೂ ಬಿಜೆಪಿ ಭ್ರಷ್ಟಾಚಾರ ನಡೆಸಿದೆ. ಅಯೋಧ್ಯೆ ರೈಲು ನಿಲ್ದಾಣದ 20 ಮೀಟರ್ ಉದ್ದದ ಗಡಿ ಗೋಡೆ ಕುಸಿದಿದೆ. ಈ ನಿಲ್ದಾಣವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು 6 ತಿಂಗಳ ಹಿಂದೆಯಷ್ಟೇ ಉದ್ಘಾಟಿಸಿದ್ದರು. ಈ ಕುಸಿದ ಗಡಿರೇಖೆ ಗೋಡೆ ಬಿಜೆಪಿಯ ಭ್ರಷ್ಟಾಚಾರವನ್ನು ಬಯಲು ಮಾಡುತ್ತಿದೆ. ಬಿಜೆಪಿಯ ಭ್ರಷ್ಟಾಚಾರ ಆಡಳಿತದಲ್ಲಿ ಗುಣಮಟ್ಟ ಮತ್ತು ಗ್ಯಾರಂಟಿ ನಿರೀಕ್ಷಿಸಬೇಡಿ' ಎಂದು ಕಾಂಗ್ರೆಸ್ ಟ್ವೀಟ್ ಮಾಡಿದೆ.

BJP ने प्रभु राम की अयोध्या में भी भ्रष्टाचार कर दिया।

अयोध्या रेलवे स्टेशन का 20 मीटर लंबा बाउंड्री वॉल ढह गया है। इस स्टेशन का उद्घाटन नरेंद्र मोदी ने सिर्फ 6 महीने पहले किया था।

ये टूटा हुआ बाउंड्री वॉल BJP के भ्रष्टाचार की पोल खोल रहा है।

साफ है- BJP के 'भ्रष्टाचार मॉडल'… pic.twitter.com/yU2lS4DxEl

— Congress (@INCIndia) June 23, 2024

ಅದೃಷ್ಟವಶಾತ್ ಗೋಡೆ ಕುಸಿತದಿಂದ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಸ್ಥಳದಲ್ಲಿ ವಾಹನಗಳೂ ಇರಲಿಲ್ಲ ಎಂದು ತಿಳಿದು ಬಂದಿದೆ. ಆದರೆ ವೈರಲ್ ಆಗಿರುವ ವಿಡಿಯೋ ಹಿಂದಿರುವ ಸತ್ಯಾಸತ್ಯತೆಯನ್ನು ಬಯಲು ಮಾಡಲಾಗಿದೆ. ಪಿಐಬಿ ಫ್ಯಾಕ್ಟ್ ಚೆಕ್ ಪ್ರಕಾರ ವೈರಲ್ ವಿಡಿಯೋದಲ್ಲಿ ಗೋಡೆ ಕುಸಿದಿರುವುದು ನಿಜವಾದರೂ ಅದು ಇತ್ತೀಚೆಗೆ ಉದ್ಘಾಟನೆ ಮಾಡಿದ ಗೋಡೆಯಲ್ಲ.

ಪಿಐಬಿ ಫ್ಯಾಕ್ಟ್ ಚೆಕ್ ಪ್ರಕಾರ, ವೀಡಿಯೊದಲ್ಲಿ ತೋರಿಸಿರುವ ಗಡಿ ಗೋಡೆಯು ಹಳೆಯ ನಿಲ್ದಾಣದ ಗೋಡೆಯಾಗಿದೆ. ಇಲ್ಲಿನ ಗೋಡೆ ಕೂಡ ಹಳೆಯದಾಗಿದೆ. ಇದು ಇತ್ತೀಚೆಗೆ ಉದ್ಘಾಟನೆಯಾದ ಗೋಡೆ ಅಲ್ಲ ಎಂದು ಪಿಐಬಿ ಫ್ಯಾಕ್ಟ್ ಚೆಕ್ ಮಾಹಿತಿ ಹಂಚಿಕೊಂಡಿದೆ.

A video claims that boundary wall of recently inaugurated new Ayodhya Dham railway station has collapsed#PIBFactCheck

✔️ The boundary wall shown in video was part of old station

✔️The wall collapsed due to excavation work by a private person & water logging in a private area pic.twitter.com/cXSaKFCRZx

— PIB Fact Check (@PIBFactCheck) June 23, 2024

ವ್ಯಕ್ತಿಯೊಬ್ಬರು ಗೋಡೆಯ ಬಳಿ ನೆಲವನ್ನು ಅಗೆದಿದ್ದಾರೆ. ಅಲ್ಲಿ ನೀರು ಹೊಕ್ಕ ಪರಿಣಾಮ ಗೋಡೆ ಕುಸಿದಿದೆ ಎಂದು ಫಾಸ್ಟ್ ಚೆಕ್ ತಿಳಿಸಿದೆ. ಕಳೆದ ವರ್ಷ ಪ್ರಧಾನಿ ನರೇಂದ್ರ ಮೋದಿ ಅವರು ರಾಮಮಂದಿರದ ಶಂಕುಸ್ಥಾಪನೆ ಕಾರ್ಯಕ್ರಮಕ್ಕೂ ಮುನ್ನ ಅಯೋಧ್ಯೆ ರೈಲು ನಿಲ್ದಾಣವನ್ನು ಉದ್ಘಾಟಿಸಿದ್ದರು. ನಿಲ್ದಾಣದ ಮೂರು ಅಂತಸ್ತಿನ ಕಟ್ಟಡವು ಲಿಫ್ಟ್, ಎಸ್ಕಲೇಟರ್, ಫುಡ್ ಪ್ಲಾಜಾ, ಪೂಜಾ ಸಾಮಗ್ರಿಗಳ ಅಂಗಡಿಗಳು, ಕ್ಲೋಕ್‌ರೂಮ್ ಮತ್ತು ಶಿಶುಪಾಲನಾ ಕೊಠಡಿಯಂತಹ ಸೌಲಭ್ಯಗಳನ್ನು ಹೊಂದಿದೆ. ಆದರೆ ಮೋದಿ ಅವರು ಉದ್ಘಾಟನೆ ಮಾಡಿದ ರೈಲು ನಿಲ್ದಾಣದ ಗೋಡೆಗೂ ವೈರಲ್ ವಿಡಿಯೋದಲ್ಲಿರುವ ಕುಸಿದ ಗೋಡೆ ಬೇರೆ ಬೇರೆಯಾಗಿದೆ.