Ravi Basrur: 35 ಲಕ್ಷದ ವಾಚ್ ಗಿಫ್ಟ್ ಕೊಟ್ಟ ತೆಲುಗು ನಟ: 2 ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದನ್ನು ನೆನೆದ ರವಿ ಬಸ್ರೂರ್
ಕೆಜಿಎಫ್ನ "ಸಲಾಂ ರಾಕಿ ಭಾಯ್" ಎನ್ನುವ ಹಾಡಿನ ಮೂಲಕ ದೇಶದಾದ್ಯಂತ ಸಿನಿಪ್ರಿಯರನ್ನು ಹುಚ್ಚೆದ್ದು ಕುಣಿಸಿದ್ದ ಸಂಗೀತದ ಮಾಂತ್ರಿಕ ರವಿ ಬಸ್ರೂರ್ ಈಗ ಅತ್ಯಂತ ಬೇಡಿಕೆಯಲ್ಲಿರುವ ಸಂಗೀತ ನಿರ್ದೇಶಕ. ಇದಕ್ಕೆ ಸಾಕ್ಷಿ ಎನ್ನುವಂತೆ ರವಿ ಬಸ್ರೂರ್ ಅವರ ಪ್ರತಿಭೆ ಮೆಚ್ಚಿ ಟಾಲಿವುಡ್ ನಟ ವಿಶ್ವಕ್ ಸೇನ್ ಬರೋಬ್ಬರಿ 35 ಲಕ್ಷ ಬೆಲೆ ಬಾಳುವ ದುಬಾರಿ ರೋಲೆಕ್ಸ್ ವಾಚ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ವೇಳೆ ತಮ್ಮ ವೃತ್ತಿಜೀವನಕ್ಕೂ ಮುನ್ನ ಬದುಕಿನಲ್ಲಿ ಕಂಡಿದ್ದ ಏಳುಬೀಳುಗಳ ಬಗ್ಗೆ ಬಸ್ರೂರ್ ಹೇಳಿಕೊಂಡಿದ್ದಾರೆ. ಎರಡು ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದ ವಿಚಾರವನ್ನೂ ಭಾವುಕವಾಗಿ ಬಿಚ್ಚಿಟ್ಟಿದ್ದಾರೆ.
ತೆಲುಗು ಚಿತ್ರ "ಕಲ್ಟ್" ಟೀಸರ್ ಬಿಡುಗಡೆ ಸಮಾರಂಭದಲ್ಲಿ ರವಿ ಬಸ್ರೂರ್ ಅವರನ್ನು ವಿಶೇಷವಾಗಿ ಸನ್ಮಾನಿಸಲಾಯಿತು. ಈ ವೇಳೆ ನಟ-ನಿರ್ದೇಶಕ ವಿಶ್ವಕ್ ಸೇನ್ ಅಚ್ಚರಿಯಾಗಿ ರೋಲೆಕ್ಸ್ ಗಡಿಯಾರವನ್ನು ಉಡುಗೊರೆಯಾಗಿ ನೀಡಿ ಗೌರವಿಸಿದರು. ಈ ಅನಿರೀಕ್ಷಿತ ಸನ್ಮಾನದಿಂದ ರವಿ ಬಸ್ರೂರ್ ಭಾವುಕರಾಗಿ ಕಣ್ಣೀರು ತಡೆಯಲಾರದೆ ನೋವುಗಳನ್ನು ಹೇಳಿಕೊಂಡಿದ್ದಾರೆ.
"ಇದು ಕೇವಲ ಗಡಿಯಾರವಲ್ಲ, ಇದು ಸಂಗೀತಗಾರರ ಆತ್ಮಕ್ಕೆ ದೊರೆತ ಗೌರವ" ಎಂದು ಮಾತನಾಡಿದ ರವಿ, ತಮ್ಮ 25 ವರ್ಷದ ಸಂಗೀತ ಪಯಣವನ್ನು ನೆನಪಿಸಿಕೊಂಡರು. "ನಾನು ಯಾವಾಗಲೂ ಒಳ್ಳೆಯ ಜನರಿಗೆ ಒಳ್ಳೆಯ ಸಂಗೀತ ನೀಡಲು ಪ್ರಯತ್ನಿಸಿದ್ದೇನೆ. ಇಂದು ಅವರು ನನ್ನ ಆತ್ಮವನ್ನು ಗುರುತಿಸಿದ್ದಾರೆ" ಎಂದು ಧನ್ಯವಾದ ತಿಳಿಸಿದ್ದಾರೆ.
"18ನೇ ವಯಸ್ಸಿನಲ್ಲಿ ಆತ್ಮಹತ್ಯೆ ಯತ್ನ"
"18ನೇ ವಯಸ್ಸಿನಲ್ಲೇ ನಾನು ಎರಡು ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದೆ. ಈ ಜೀವನ ಬೇಡವೆಂದುಕೊಂಡಿದ್ದೆ. ಆದರೆ ಎರಡೂ ಬಾರಿ ನಾನು ಉಳಿಯುವಂತಾಯಿತು" ಎಂದು ರವಿ ಆ ಸಂಕಷ್ಟದ ದಿನಗಳನ್ನು ನೆನೆದಿದ್ದಾರೆ. "ಎರಡನೇ ಬಾರಿ ನನ್ನನ್ನು ಉಳಿಸಿದ ವ್ಯಕ್ತಿ ನನ್ನ ಸಂಗೀತವನ್ನು ಕೇಳಿ, ನನಗೆ ಒಂದು ಕೀಬೋರ್ಡ್ ಕೊಟ್ಟರು. ಜೊತೆಗೆ ₹35,000 ಸಹ ನೀಡಿದರು. ಆ ದಿನದಿಂದಲೇ ನನ್ನ ಜೀವನ ಬದಲಾಯಿತು. ನನ್ನ ಪ್ರಾಣ ಉಳಿಸಿದ ಆ ವ್ಯಕ್ತಿಯ ಹೆಸರೇ 'ರವಿ'. ಅದಕ್ಕಾಗಿ ನನ್ನ ಹೆಸರನ್ನು 'ರವಿ' ಎಂದು ಬದಲಿಸಿಕೊಂಡೆ" ಎಂದೂ ಹೇಳಿದ್ದಾರೆ.
ಆ ತಿರುವು ಅವರ ಬದುಕನ್ನೇ ಬದಲಿಸಿತು. ನಂತರ ಅವರು ಕೆಜಿಎಫ್, ಕೆಜಿಎಫ್-2, ಸಲಾರ್, ಕಬ್ಜ ಮುಂತಾದ ಬ್ಲಾಕ್ಬಸ್ಟರ್ ಸಿನಿಮಾಗಳಿಗೆ ಸಂಗೀತ ನೀಡಿದರು. ಇನ್ನು ವಿಶ್ವಕ್ ಸೇನ್ ಕುರಿತು ಮಾತನಾಡಿದ ರವಿ, "ನನ್ನ ಜೀವ ಉಳಿಸಿದ ಆ ವ್ಯಕ್ತಿಯ ನಂತರ, ನನ್ನ ಪಯಣವನ್ನು ಮತ್ತು ಆತ್ಮವನ್ನು ಗುರುತಿಸಿದವರು ವಿಶ್ವಕ್ ಸೇನ್. ನಾನು ಅವರಿಗೆ ಜೀವನಪೂರ್ತಿ ಋಣಿಯಾಗಿರುತ್ತೇನೆ" ಎಂದು ಕೃತಜ್ಞತೆ ಸಲ್ಲಿಸಿದರು. 'ಕಲ್ಟ್' ಸಿನಿಮಾದಲ್ಲಿ ವಿಶ್ವಕ್ ಸೇನ್ ಜೊತೆಗೆ ಗಾಯತ್ರಿ ಭಾರದ್ವಾಜ್ ನಟಿಸುತ್ತಿದ್ದಾರೆ. ಈ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ರಿಲೀಸ್ ದಿನಾಂಕ ಇನ್ನಷ್ಟೇ ಘೋಷಣೆಯಾಗಬೇಕಿದೆ.
Mass Ka Das #VishwakSen has gifted a Rolex watch to Music Director #RaviBasrur as a token of appreciation for his composition in #CULT ❤️🔥 pic.twitter.com/BaaSghQExb
— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) February 21, 2026
ಟಾಕ್ಸಿಕ್ನಲ್ಲೂ ಬಸ್ರೂರ್ ಮೋಡಿ
ಸದ್ಯ ರವಿ ಬಸ್ರೂರು ಅವರು ಯಶ್ ಅಭಿನಯದ ಬಹುನಿರೀಕ್ಷಿತ ಟಾಕ್ಸಿಕ್ ಸಿನಿಮಾಗೂ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ. ಯಶ್ ಅಭಿನಯದ ಈ ಚಿತ್ರವನ್ನು ಗೀತು ಮೋಹನ್ದಾಸ್ ನಿರ್ದೇಶಿಸುತ್ತಿದ್ದಾರೆ. ಚಿತ್ರದಲ್ಲಿ ಕಿಯಾರಾ ಅಡ್ವಾಣಿ, ನಯನತಾರಾ, ಹುಮಾ ಕುರೇಶಿ, ತಾರಾ ಸುತಾರಿಯಾ ಮತ್ತು ರುಕ್ಮಿಣಿ ವಸಂತ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಸಂಗೀತದ ಮೂಲಕ ಎಲ್ಲರನ್ನೂ ತಿರುಗಿ ನೋಡುವಂತೆ ಮಾಡಿರುವ ಬಸ್ರೂರ್ ಅವರು ಕತ್ತಲಿನಿಂದ ಬೆಳಕಿನತ್ತ ಸಾಗಿದ ಪಯಣ ಇಂದು ಅನೇಕರಿಗೆ ಪ್ರೇರಣೆಯಾಗಿದೆ.
-
SSLC ಸಮಾಜ ವಿಜ್ಞಾನ ಪರೀಕ್ಷೆ ವಿಶ್ಲೇಷಣೆ: ಪ್ರಶ್ನೆಪತ್ರಿಕೆ ಹೇಗಿತ್ತು? ವಿದ್ಯಾರ್ಥಿಗಳ ಪ್ರತಿಕ್ರಿಯೆ ಏನು? -
ಉಬರ್ ಕ್ಯಾಬ್ ಬುಕ್ ಮಾಡಿದಷ್ಟೇ ಸುಲಭವಾಗಿ ತೆಂಗಿನಕಾಯಿ ಕೀಳುವವರನ್ನು ಕರೆಯಿರಿ: ಆನಂದ್ ಮಹೀಂದ್ರಾ ಹಂಚಿಕೊಂಡ Video Viral -
SSLC ಪರೀಕ್ಷೆ-1ರಲ್ಲಿ ಅಂಕ ಕಡಿಮೆಯಾಗಿದೆಯೇ? ಚಿಂತೆ ಬಿಡಿ, ಮೇ 18ರಿಂದ ನಡೆಯುವ ಪರೀಕ್ಷೆ-2ಕ್ಕೆ ಸಜ್ಜಾಗಿ -
Bengaluru: ಪಬ್ನಲ್ಲಿ 150 ರೂ. ಕೊಟ್ಟು ಆರ್ಡರ್ ಮಾಡಿದ್ರೆ ಬಂದಿದ್ದು ಬರೀ ಹಪ್ಪಳ-ಸಂಡಿಗೆ: ದಂಗಾದ ಗ್ರಾಹಕ -
ಇಂಡೋನೇಷ್ಯಾದಲ್ಲಿ 7.4 ತೀವ್ರತೆಯ ಪ್ರಬಲ ಭೂಕಂಪ: ಏಷ್ಯಾ ರಾಷ್ಟ್ರಗಳಲ್ಲಿ ಸುನಾಮಿ ಆತಂಕ, ಭಾರತದ ಮೇಲಾಗುವ ಪರಿಣಾಮವೇನು? -
Bengaluru House Rent: ಬೆಂಗಳೂರಿನ ಪ್ರೈಮ್ ಏರಿಯಾದಲ್ಲೂ ನಾನ್ವೆಜ್ ಪ್ರಿಯರಿಗೆ ಮನೆ ಸಿಗ್ತಿಲ್ಲ, ಸೋಷಿಯಲ್ ಮೀಡಿಯಾ ಚರ್ಚೆ -
Prakash Raj: ನಾಸ್ತಿಕನಾದರೂ ತಾಯಿಯ ನಂಬಿಕೆಗೆ ಗೌರವ ಕೊಟ್ಟು; ಕ್ರೈಸ್ತ ಧರ್ಮದ ಸಂಪ್ರದಾಯ ಪಾಲನೆ: ನಟ ಪ್ರಕಾಶ್ ರಾಜ್ -
Education: CBSE 9 ಮತ್ತು 10ನೇ ತರಗತಿಯ ಹೊಸ ಪಠ್ಯಕ್ರಮ ಇಂದು ಬಿಡುಗಡೆ -
ಮುಂದಿನ 2 ರಿಂದ 3 ವಾರಗಳಲ್ಲಿ ಇರಾನ್ ಮೇಲೆ ಅತ್ಯಂತ ಭೀಕರ ದಾಳಿ: ಟ್ರಂಪ್ ಎಚ್ಚರಿಕೆ -
ವಿದ್ಯಾರ್ಥಿಗಳ ಮೊಬೈಲ್ ಗೀಳಿಗೆ ಬ್ರೇಕ್: ಹೊಸ 'ಡಿಜಿಟಲ್ ನೀತಿ' ಪ್ರಕಟಿಸಿದ ಆರೋಗ್ಯ ಇಲಾಖೆ -
Raghav Chadha: ಸಂಸದ ರಾಘವ್ ಚಡ್ಡಾಗೆ ಶಾಕ್ ಕೊಟ್ಟ ಎಎಪಿ, ಬಿಜೆಪಿ ಸೇರಲಿದ್ದಾರೆಯೇ ಸ್ಟಾರ್ ರಾಜಕಾರಣಿ -
Nuwan Thushara: ಆರ್ಸಿಬಿಗಾಗಿ ಶ್ರೀಲಂಕಾ ಕ್ರಿಕೆಟ್ ಮಂಡಳಿಯ ವಿರುದ್ಧವೇ ತಿರುಗಿ ಬಿದ್ದ ಸ್ಟಾರ್ ಆಟಗಾರ ನುವಾನ್ ತುಷಾರ
Click it and Unblock the Notifications
Sign in with Google