Vastu Tips: ಸಂಜೆ 6ರ ನಂತರ ಕಸ ಗುಡಿಸುವುದರಿಂದ ಆಗುವ ಪರಿಣಾಮಗಳು
ವಾಸ್ತು ಶಾಸ್ತ್ರದ ಪ್ರಕಾರ, ಕಸಬರಿಗೆ ಕೇವಲ ಸ್ವಚ್ಛತೆಯ ಸಾಧನವಲ್ಲ; ಅದನ್ನು ಮಹಾಲಕ್ಷ್ಮಿಯ ಪ್ರತಿರೂಪವೆಂದು ಪರಿಗಣಿಸಲಾಗುತ್ತದೆ. ಮನೆಯ ಆರ್ಥಿಕ ಅಭಿವೃದ್ಧಿ ಮತ್ತು ನೆಮ್ಮದಿಯು ನಾವು ಕಸಬರಿಗೆಯನ್ನು ಬಳಸುವ ರೀತಿಯ ಮೇಲೆ ಅವಲಂಬಿತವಾಗಿರುತ್ತದೆ ಎಂಬ ನಂಬಿಕೆಯಿದೆ.
ಸಂಜೆ ವೇಳೆ ಕಸ ಗುಡಿಸಬಾರದು ಯಾಕೆ
ಸಂಜೆ ಲಕ್ಷ್ಮಿ ವೇಳೆ ಆಗಮನದ ಸಮಯದಲ್ಲಿ ಅಂದರೆ ಸಮಯ ಸಂಜೆ 6 ಗಂಟೆಯ ನಂತರ ಲಕ್ಷ್ಮಿ ದೇವಿಯು ಮನೆಗೆ ಪ್ರವೇಶಿಸುತ್ತಾಳೆ ಎಂಬ ನಂಬಿಕೆ ಇದೆ. ಸಮಯದಲ್ಲಿ ಕಸ ಗುಡಿಸುವುದು ದೇವಿಯನ್ನು ಅವಮಾನಿಸಿದಂತೆ ಮತ್ತು ಮನೆಯ ಸೌಭಾಗ್ಯವನ್ನು ಹೊರಹಾಕಿದಂತೆ ಎಂದು ತಜ್ಞರು ಹೇಳುತ್ತಾರೆ.
ಪರಿಹಾರ: ಒಂದು ವೇಳೆ ಅನಿವಾರ್ಯವಾಗಿ ಸಂಜೆ ಕಸವನ್ನು ಗುಡಿಸಲೇಬೇಕಾದ ಪರಿಸ್ಥಿತಿ ಬಂದರೆ, ಆ ಕಸವನ್ನು ತಕ್ಷಣ ಮನೆಯಿಂದ ಹೊರಗೆ ಎಸೆಯಬಾರದು. ಅದನ್ನು ಮನೆಯ ಒಂದು ಮೂಲೆಯಲ್ಲಿ ಸಂಗ್ರಹಿಸಿಟ್ಟು, ಮರುದಿನ ಬೆಳಿಗ್ಗೆ ವಿಲೇವಾರಿ ಮಾಡುವುದು ಒಳ್ಳೆಯದು.
ಕಸಬರಿಗೆಯನ್ನು ಇಡಬೇಕಾದ ಸರಿಯಾದ ದಿಕ್ಕು
ದಿಕ್ಕುಗಳು: ಕಸಬರಿಗೆಯನ್ನು ಯಾವಾಗಲೂ ಮನೆಯ ಪಶ್ಚಿಮ ಅಥವಾ ನೈಋತ್ಯ ದಿಕ್ಕಿನಲ್ಲಿ ಇಡುವುದು ಅತ್ಯಂತ ಮಂಗಳಕರ ಎಂದು ತಜ್ಞರ ಅಭಿಪ್ರಾಯವಾಗಿದೆ.
ಕಸಬರಿಗೆ ನಿಲ್ಲಿಸಬಾರದು
ಕಸಬರಿಗೆಯನ್ನು ಮನೆಯ ಮೂಲೆಯಲ್ಲಿ ನಿಲ್ಲಿಸುವುದಾಗಲಿ ಅಥವಾ ಬಾಗಿಲಿನ ಹಿಂದೆ ಹಾಕುವುದಾಗಲಿ ಮಾಡಬಾರದು, ಕಸಬರಿಗೆಯನ್ನು ಮಲಗಿಸಿ ಇಡುವುದು ಒಳ್ಳೆಯದು.
ಹೊರಗಿನವರಿಗೆ ಕಣ್ಣಿಗೆ ಕಾಣುವಂತೆ ಇಡಬಾರದು
ಕಸಬರಿಗೆಯನ್ನು ಮನೆಯವರಿಗೆ ಮತ್ತು ಹೊರಗಿನಿಂದ ಬರುವವರಿಗೆ ತಕ್ಷಣಕ್ಕೆ ಕಣ್ಣಿಗೆ ಕಾಣುವಂತೆ ಇಡಬಾರದು. ಮುಖ್ಯವಾಗಿ ಮನೆಯ ಮುಖ್ಯ ದ್ವಾರದ ಎದುರು ಇದನ್ನು ಇಡುವುದು ಅಶುಭ.
ಪಾಲಿಸಬೇಕಾದ ಮುಖ್ಯ ನಿಯಮಗಳು
ಕಸಬರಿಗೆಯ ಮೇಲೆ ಕಾಲು ಇಡುವುದು ಅಥವಾ ತುಳಿಯುವುದು ಮಹಾಲಕ್ಷ್ಮಿಗೆ ಮಾಡುವ ಅಪಮಾನವೆಂದು ಭಾವಿಸಲಾಗುತ್ತದೆ.
ಶೌಚಾಲಯದ ಹತ್ತಿರ ಅಥವಾ ಕಸದ ಬುಟ್ಟಿಯ ತೀರಾ ಹತ್ತಿರ ಕಸಬರಿಗೆಯನ್ನು ಇಡಬಾರದು, ಇದು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ.
ಸ್ಥಳ ಬದಲಾವಣೆ: ಹಳೆಯ ಅಥವಾ ಮುರಿದುಹೋದ ಕಸಬರಿಗೆಯನ್ನು ಮನೆಯಲ್ಲಿ ಇಟ್ಟುಕೊಳ್ಳಬಾರದು. ಶನಿವಾರದಂದು ಹಳೆಯ ಕಸಬರಿಗೆಯನ್ನು ತೆಗೆದು ಹೊಸದನ್ನು ಬಳಸುವುದು ಅಪಶಕುನ ಎಂದು ಹೇಳುತ್ತಾರೆ.
ವಾಸ್ತು ಶಾಸ್ತ್ರದ ಈ ನಿಯಮಗಳು ನಂಬಿಕೆ ಮತ್ತು ಸಂಪ್ರದಾಯದ ಭಾಗವಾಗಿವೆ. ಇವುಗಳನ್ನು ಪಾಲಿಸುವುದು ಮನೆಯಲ್ಲಿ ಶಿಸ್ತು ಮತ್ತು ಸಕಾರಾತ್ಮಕ ಶಕ್ತಿಯ ವಾತಾವರಣವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.
Click it and Unblock the Notifications
Sign in with Google