• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

Budh Gochar August 2022: ಕನ್ಯಾರಾಶಿಯಲ್ಲಿ ಬುಧ ಸಂಕ್ರಮಣ: ಯಾರಿಗೆ ಶುಭ? ಅಶುಭ?

|
Google Oneindia Kannada News

ಕನ್ಯಾ ರಾಶಿಯಲ್ಲಿ ಬುಧ ಸಂಕ್ರಮಣ ಆಗಸ್ಟ್ 21ರಂದು ನಡೆಯಲಿದೆ. ಈ ವೇಳೆ ಬುಧವು ತನ್ನ ಸ್ಥಾನವನ್ನು ಬದಲಾಯಿಸುತ್ತದೆ. ಕನ್ಯಾ ರಾಶಿಯಲ್ಲಿ ಸಾಗುವ ಬುಧ ಎಲ್ಲಾ ರಾಶಿಚಕ್ರ ಚಿಹ್ನೆಗಳ ಮೇಲೆ ಪ್ರಭಾವವನ್ನು ಬೀರುತ್ತದೆ. ಸೌರವ್ಯೂಹದ ಅತ್ಯಂತ ಚಿಕ್ಕ ಗ್ರಹವಾದ ಬುಧವನ್ನು ವೈದಿಕ ಜ್ಯೋತಿಷ್ಯದಲ್ಲಿ ಆಕಾಶದ "ರಾಜಕುಮಾರ" ಎಂದು ಕರೆಯಲಾಗುತ್ತದೆ.

ಇದು ಮಾತು, ವ್ಯಾಪಾರ ಸೂಚಕ ಗ್ರಹವಾಗಿದೆ. ಆದ್ದರಿಂದ ಇದರ ಸಾಗಣೆಯು ಆರ್ಥಿಕ ಬೆಳವಣಿಗೆಯ ಮೇಲೆ ಪ್ರಭಾವವನ್ನು ಬೀರುತ್ತದೆ. ಈ ಗ್ರಹ ಸಂಚಾರ ನೋಟ, ಬುದ್ಧಿ, ಹಾಸ್ಯ ಮತ್ತು ಮೆದುಳಿನ ಶಕ್ತಿಯನ್ನು ನೀಡುತ್ತದೆ. ಇದು ಉತ್ತಮವಾಗಿದ್ದಾಗ ಒಬ್ಬ ವ್ಯಕ್ತಿಯು ಉತ್ತಮ ತಾರ್ಕಿಕ ಶಕ್ತಿಯಿಂದ ಆಶೀರ್ವದಿಸಲ್ಪಡುತ್ತಾನೆ ಮತ್ತು ಸಂವಹನದ ಮೇಲೆ ಬಲವಾದ ಹಿಡಿತವನ್ನು ಹೊಂದಿರುತ್ತಾನೆ. ಜೊತೆಗೆ ಜನರನ್ನು ಮನವೊಲಿಸುವಲ್ಲಿ ಉತ್ತಮರಾಗಿರುತ್ತಾನೆ. ಇದು ಬ್ಯಾಂಕಿಂಗ್ ಕ್ಷೇತ್ರ, ಅಕೌಂಟೆನ್ಸಿ, ಮಾರ್ಕೆಟಿಂಗ್, ಕಂಪ್ಯೂಟರ್, ನಟನೆ, ಸ್ಟ್ಯಾಂಡ್ ಅಪ್ ಹಾಸ್ಯ ಮತ್ತು ಸಂಗೀತವನ್ನು ಪ್ರತಿನಿಧಿಸುತ್ತದೆ. ಈ ಗ್ರಹ ದುರ್ಬಲವಾಗಿದ್ದರೆ ದ್ವಾದಶಿ ರಾಶಿಗಳ ಮೇಲೆ ಗಂಭೀರ ಪರಿಣಾಮ ಬೀರಬಹುದು. 12 ರಾಶಿಚಕ್ರ ಚಿಹ್ನೆಗಳಿಗೆ ಈ ಸಂಚಾರ ಯಾವ ಪ್ರಭಾವವನ್ನು ಬೀರುತ್ತದೆ ಎಂಬುದನ್ನು ನೋಡೋಣ.

ಕನ್ಯಾರಾಶಿಯಲ್ಲಿ ಬುಧ ಸಂಕ್ರಮಣ: ದಿನಾಂಕ ಮತ್ತು ಸಮಯ

ವೈದಿಕ ಜ್ಯೋತಿಷ್ಯದ ಪ್ರಕಾರ, ಹನ್ನೆರಡು ರಾಶಿಚಕ್ರದ ಚಿಹ್ನೆಗಳಲ್ಲಿ ಬುಧ ಗ್ರಹವು ಮಿಥುನ ಮತ್ತು ಕನ್ಯಾರಾಶಿ ಎಂಬ ಎರಡು ಮನೆಗಳ ಅಧಿಪತಿಯನ್ನು ಹೊಂದಿದೆ. ಈಗ 21 ಆಗಸ್ಟ್ 2022 ರಂದು, ಭಾನುವಾರ ಮಧ್ಯರಾತ್ರಿ 01:55 ಕ್ಕೆ ರಾಜಕುಮಾರ(ಬುಧ ಗ್ರಹ) ಕನ್ಯಾರಾಶಿಯಲ್ಲಿ ಸಾಗುತ್ತಿದ್ದಾನೆ. ಕನ್ಯಾರಾಶಿ ರಾಶಿಚಕ್ರದ ವೃತ್ತದ ಆರನೇ ಚಿಹ್ನೆಯಾಗಿದೆ. ಇದು ದ್ವಂದ್ವ ಸ್ವಭಾವ ಮತ್ತು ಸ್ತ್ರೀ ಸೂಚಕ ರಾಶಿಯಾಗಿದೆ. ಇದು ಕನ್ಯೆಯ ಸಂಕೇತವನ್ನು ಪ್ರತಿನಿಧಿಸುತ್ತದೆ.

ಮೇಷ: ಅನಾರೋಗ್ಯದಿಂದ ಮುಕ್ತಿ

ಮೇಷ: ಅನಾರೋಗ್ಯದಿಂದ ಮುಕ್ತಿ

ಕನ್ಯಾರಾಶಿಯಲ್ಲಿ ಬುಧ ಸಂಕ್ರಮಣ ಮೇಷ ರಾಶಿಯವರಿಗೆ ಆರೋಗ್ಯದ ದೃಷ್ಟಿಯಿಂದ ಉತ್ತಮ ಫಲಿತಾಂಶವನ್ನು ನೀಡುತ್ತದೆ. ದೀರ್ಘಕಾಲದವರೆಗೆ ಯಾವುದೇ ಕಾಯಿಲೆಯಿಂದ ಬಳಲುತ್ತಿದ್ದರೆ ಗುಣಮುಖರಾಗುತ್ತೀರಿ. ಸರಿಯಾದ ಚಿಕಿತ್ಸೆಯನ್ನು ಪಡೆದುಕೊಳ್ಳುತ್ತೀರಿ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವ ವಿದ್ಯಾರ್ಥಿಗಳು ಯಶಸ್ವಿಯಾಗುತ್ತಾರೆ. ನೀವು ನಿಮ್ಮ ಪರೀಕ್ಷೆಗಳನ್ನು ಡಿಸ್ಟಿಂಕ್ಷನ್‌ನಲ್ಲಿ ಪಾಸಾಗಬಹುದು.

ಹೊಸ ವ್ಯಾಪಾರ ಆರಂಭಿಸುವವರಿಗೆ ಕುಟುಂಬದಿಂದ ಬೆಂಬಲ ಸಿಗಲಿದೆ. ಅಂದುಕೊಂಡ ಕಾರ್ಯಗಳು ಸುಲಭವಾಗಿ ನೆರವೇರಲಿವೆ. ಹೊಸ ಉದ್ಯೋಗಾವಕಾಶಗಳು ಹರಿದು ಬರಬಹುದು. ನಿಮ್ಮ ಕುಟುಂಬ ಮತ್ತು ವ್ಯವಹಾರದಲ್ಲಿ ಯಾವುದೇ ಹೊರಗಿನವರು ಹಸ್ತಕ್ಷೇಪ ಮಾಡಲು ಬಿಡಬೇಡಿ. ಇಲ್ಲದಿದ್ದರೆ ತಪ್ಪು ತಿಳುವಳಿಕೆ ಉಂಟಾಗುತ್ತದೆ.

ವೃಷಭ: ಕೆಲಸದಲ್ಲಿ ಪ್ರಶಂಸೆ

ವೃಷಭ: ಕೆಲಸದಲ್ಲಿ ಪ್ರಶಂಸೆ

ವೃಷಭ ರಾಶಿಯವರಿಗೆ ಈ ಸಮಯ ಅಧ್ಯಯನದ ವಿಚಾರದಲ್ಲಿ ಶುಭ ತಂದುಕೊಡಲಿದೆ. ವಿಶೇಷವಾಗಿ ಸಮೂಹ ಸಂವಹನ, ಬರವಣಿಗೆ ಮತ್ತು ಯಾವುದೇ ಭಾಷಾ ಕೋರ್ಸ್‌ ಕಲಿಕೆಯಲ್ಲಿ ಈ ಅವಧಿ ಸಹಾಯ ಮಾಡುತ್ತದೆ. ಪ್ರೇಮ ಪಕ್ಷಿಗಳು ಈ ಸಮಯ ಉತ್ತಮವಾಗಿದೆ. ಕುಟುಂಬದಲ್ಲಿ ಪ್ರೇಮ ಪ್ರಸ್ತಾಪ ಮಾಡಲು ಈ ದಿನ ಉತ್ತಮವಾಗಿದೆ. ಅವಿವಾಹಿತರಿಗೆ ಕಂಕಣ ಭಾಗ್ಯ ಕೂಡಿ ಬರಲಿದೆ.

ನಿಮ್ಮ ಮಕ್ಕಳ ಒಡನಾಟವನ್ನು ಆನಂದಿಸುವ ಮತ್ತು ಬಂಧವನ್ನು ಬಲಪಡಿಸಲು ಇದು ಉತ್ತಮ ದಿನವಾಗಿದೆ. ಅವರೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯುವ ಸಮಯ ಇದು. ಈ ಅವಧಿಯು ಹಣಕಾಸಿನ ವಿಷಯದಲ್ಲಿಯೂ ಉತ್ತಮವಾಗಿರುತ್ತದೆ. ಹಿಂದಿನ ಎಲ್ಲಾ ಕಠಿಣ ಪರಿಶ್ರಮದ ಸವಲತ್ತುಗಳನ್ನು ಪಡೆಯುತ್ತೀರಿ. ನೀವು ನಿಮ್ಮ ಕೆಲಸದ ಸ್ಥಳದಲ್ಲಿ ಪ್ರಶಂಸೆಗೆ ಒಳಗಾಗುತ್ತೀರಿ. ಒಟ್ಟಾರೆಯಾಗಿ ಈ ಸಮಯವು ವೃಷಭ ರಾಶಿಯವರಿಗೆ ಅನುಕೂಲಕರವಾಗಿರುತ್ತದೆ.

ಮಿಥುನ: ಬಾಂಧವ್ಯದಲ್ಲಿ ಬಲ ಹೆಚ್ಚಳ

ಮಿಥುನ: ಬಾಂಧವ್ಯದಲ್ಲಿ ಬಲ ಹೆಚ್ಚಳ

ಮಿಥುನ ರಾಶಿಯವರಿಗೆ ಬುಧದ ಈ ಸಾಗಣೆಯು ಮನೆಯಲ್ಲಿ ಸಂತೋಷವನ್ನು ತರುತ್ತದೆ. ಮಿಥುನ ರಾಶಿಯವರಿಗೆ ಆಸ್ತಿ ಅಥವಾ ಯಾವುದೇ ವಾಹನವನ್ನು ಖರೀದಿಸಲು ಇದು ತುಂಬಾ ಒಳ್ಳೆಯ ಸಮಯ. ಇದು ರಿಯಲ್ ಎಸ್ಟೇಟ್ ಡೆವಲಪರ್ ಮತ್ತು ಏಜೆಂಟರಿಗೆ ಉತ್ತಮ ಸಮಯವಾಗಿದೆ. ನೀವು ನಿಮ್ಮ ತಾಯಿಯ ಬೆಂಬಲವನ್ನು ಪಡೆಯುತ್ತೀರಿ ಮತ್ತು ಅವರೊಂದಿಗೆ ಗುಣಮಟ್ಟದ ಸಮಯವನ್ನು ಆನಂದಿಸುತ್ತೀರಿ ಮತ್ತು ನಿಮ್ಮ ಬಾಂಧವ್ಯ ಬಲಪಡುತ್ತದೆ. ಕೆಲವು ಹೊಸ ಕೌಶಲ್ಯದ ಕಲಿಕೆ ನಿಮ್ಮ ದಾರಿಯಲ್ಲಿ ಬರಬಹುದು.

ಮಕ್ಕಳಿಗೆ ತಮ್ಮ ಸಮಸ್ಯೆಗಳನ್ನು ಪರಿಹರಿಸಲು ಸಹಾಯ ಮಾಡಿ, ಆ ಮೂಲಕ ಅವರ ಸುರಕ್ಷತೆಯ ಪ್ರಜ್ಞೆಯನ್ನು ಹೆಚ್ಚಿಸಿ. ಮನೆಯ ಹಿರಿಯ ವ್ಯಕ್ತಿಯ ಅನಾರೋಗ್ಯದ ಕಾರಣದಿಂದಾಗಿ, ನಿಮ್ಮ ಅನೇಕ ಪ್ರಮುಖ ಕೆಲಸಗಳು ಸ್ಥಗಿತಗೊಳ್ಳಬಹುದು. ವ್ಯಾಪಾರ ಕಾರ್ಯಗಳಲ್ಲಿ ನಿಷ್ಕಾಳಜಿತನ ತೋರದಿರುವಂತೆ ಸಲಹೆ ನೀಡಲಾಗುತ್ತದೆ. ಕೆಲಸದಲ್ಲಿ ಶ್ರದ್ಧೆ ಮತ್ತು ಶ್ರಮವಿದ್ದರೆ ನಿಮಗೆ ಉತ್ತಮ ಫಲಿತಾಂಶ ಕೈತಪ್ಪುವುದಿಲ್ಲ. ಅದೃಷ್ಟ ನಿಮ್ಮ ಕೈ ಹಿಡಿಯಲಿದೆ.

ಕಟಕ: ಬರವಣಿಗೆಯ ಕ್ಷೇತ್ರದವರಿಗೆ ಉತ್ತಮ ಅವಧಿ

ಕಟಕ: ಬರವಣಿಗೆಯ ಕ್ಷೇತ್ರದವರಿಗೆ ಉತ್ತಮ ಅವಧಿ

ಈ ಸಮಯದಲ್ಲಿ ನೀವು ತೀರ್ಥಯಾತ್ರೆಗೆ ಹೋಗಲು ಯೋಚನೆ ಮಾಡಬಹುದು. ಯಾವುದೇ ಕೆಲಸಗಳಲ್ಲಿ ಕರ್ಕ ರಾಶಿಯವರು ತಮ್ಮ ಒಡಹುಟ್ಟಿದವರಿಂದ ಉತ್ತಮ ಬೆಂಬಲವನ್ನು ಪಡೆಯುತ್ತಾರೆ. ಆಪ್ತ ಸ್ನೇಹಿತರೊಂದಿಗೆ ಉತ್ತಮ ಸಮಯವನ್ನು ಕಳೆಯಬಹುದು. ಈ ಅವಧಿಯು ಬರವಣಿಗೆಯ ಕ್ಷೇತ್ರದ ಜನರಿಗೆ ಒಳ್ಳೆಯದು. ಲೇಖಕ, ಮಾಧ್ಯಮದ ವ್ಯಕ್ತಿ, ನಟ, ನಿರ್ದೇಶಕ ಅಥವಾ ಆಂಕರ್‌ಗಳಿಗೆ ಈ ಸಮಯ ಉತ್ತಮವಾಗಿದೆ. ಸಮಾಲೋಚನೆಯ ಉದ್ಯೋಗದಲ್ಲಿರುವವರೊಂದಿಗೆ ಇದು ಸಹಾಯಕಾರಕ ಅವಧಿಯಾಗಿದೆ. ನಿಮ್ಮ ಸಂವಹನದಲ್ಲಿ ನೀವು ತುಂಬಾ ಆತ್ಮವಿಶ್ವಾಸ ಮತ್ತು ಪ್ರಭಾವಶಾಲಿಯಾಗಿರುತ್ತೀರಿ. ನಿಮ್ಮ ತಂದೆಯೊಂದಿಗೆ ಸಂವಹನವು ಉತ್ತಮವಾಗಿರುತ್ತದೆ ಮತ್ತು ಅವರು ನಿಮ್ಮ ಒಳ್ಳೆಯ ಕೆಲಸವನ್ನು ಮೆಚ್ಚುತ್ತಾರೆ.

ಹಣಕಾಸಿನ ವಿಷಯಗಳಿಗೆ ಸಂಬಂಧಿಸಿದಂತೆ ಯಾವುದೇ ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳುವುದು ಸಕಾರಾತ್ಮಕ ಫಲಿತಾಂಶಗಳನ್ನು ನೀಡುತ್ತದೆ. ಅಲ್ಲದೆ, ನಿಮ್ಮ ಯಾವುದೇ ಯೋಜನೆಯನ್ನು ಪ್ರಾರಂಭಿಸುವ ಮೂಲಕ, ಮನಸ್ಸಿನಲ್ಲಿ ಸಂತೋಷ ಮತ್ತು ಉತ್ಸಾಹದ ಸಂವಹನ ಇರುತ್ತದೆ. ನಿಮ್ಮ ಭಾವನಾತ್ಮಕ ಸ್ವಭಾವವನ್ನು ನಿಯಂತ್ರಿಸಿ, ಇಲ್ಲದಿದ್ದರೆ ಯಾರಾದರೂ ನಿಮ್ಮ ಭಾವನಾತ್ಮಕತೆ ಮತ್ತು ಉದಾರತೆಯ ತಪ್ಪು ಲಾಭವನ್ನು ಪಡೆಯಬಹುದು.

ಸಿಂಹ: ಹಣಕಾಸು ಕ್ಷೇತ್ರದಲ್ಲಿ ವೃದ್ಧಿ

ಸಿಂಹ: ಹಣಕಾಸು ಕ್ಷೇತ್ರದಲ್ಲಿ ವೃದ್ಧಿ

ಬುಧವು ಕನ್ಯಾರಾಶಿಯಲ್ಲಿ ಸಾಗುವುದರಿಂದ ಸಿಂಹ ರಾಶಿಯವರ ಮಾತು ಮತ್ತು ಸಂವಹನ ಕೌಶಲ್ಯಗಳು ತುಂಬಾ ಪ್ರಭಾವಶಾಲಿಯಾಗುತ್ತವೆ. ಆದ್ದರಿಂದ ಸಂವಹನ ಮಾಡುವಾಗ ನೀವು ಹೆಚ್ಚು ಜಾಗೃತರಾಗಿರಲು ಸಲಹೆ ನೀಡಲಾಗುತ್ತದೆ. ಏಕೆಂದರೆ ಈ ಅವಧಿಯಲ್ಲಿ ನಿಮ್ಮ ಮಾತು ಇತರರು ಅಹಂಕಾರ ಎಂದು ಭಾವಿಸುವಂತಾಗಬಹುದು. ಹಣಕಾಸು ಕ್ಷೇತ್ರದಲ್ಲಿ ಕೆಲಸ ಮಾಡುವ ಜನರಿಗೆ ಇದು ಉತ್ತಮ ಸಮಯವಾಗಿದೆ. ಏಕೆಂದರೆ ನೀವು ಅನೇಕ ನವೀನ ಆಲೋಚನೆಗಳನ್ನು ಹೊಂದಿರುತ್ತೀರಿ. ನಿಮ್ಮ ಕುಟುಂಬದಿಂದ ಯಾವುದೇ ಹೊಸ ಕೆಲಸಗಳಿಗೆ ನೀವು ಬೆಂಬಲವನ್ನು ಪಡೆಯುತ್ತೀರಿ.

ನಿಮ್ಮ ಸಂಗಾತಿಯೊಂದಿಗೆ ಉತ್ತಮ ದಿನವನ್ನು ಆನಂದಿಸುತ್ತೀರಿ. ನಿಮ್ಮ ಜಂಟಿ ಆಸ್ತಿಗಳು ಸಹ ಈ ಸಾಗಣೆಯ ಸಮಯದಲ್ಲಿ ಬೆಳೆಯುತ್ತವೆ. ಕೆಲಸದಲ್ಲಿ ಸಹಕಾರ ಇರುತ್ತದೆ. ನಿಮ್ಮನ್ನು ಅರ್ಥ ಮಾಡಿಕೊಳ್ಳುವ ಜನರೊಂದಿಗೆ ನೀವು ಹೆಚ್ಚು ಆತ್ಮೀಯತೆಯನ್ನು ಬೆಳೆಸಿಕೊಳ್ಳುತ್ತೀರಿ. ಕನ್ಯಾರಾಶಿಯಲ್ಲಿ ಬುಧ ಸಂಚಾರವು ಸಿಂಹ ರಾಶಿಯವರಿಗೆ ಜ್ಯೋತಿಷ್ಯದ ಕಡೆಗೆ ಒಲವು ಹೊಂದಿರುವ ಅದರ ಕಲಿಕೆಗೆ ಸಹಾಯ ಮಾಡುತ್ತದೆ.

ಕನ್ಯಾ: ಆರೋಗ್ಯ ಪ್ರಾಪ್ತಿ

ಕನ್ಯಾ: ಆರೋಗ್ಯ ಪ್ರಾಪ್ತಿ

ಬುಧವು ಒಬ್ಬ ವ್ಯಕ್ತಿಯನ್ನು ಅತ್ಯಂತ ಬುದ್ಧಿವಂತನನ್ನಾಗಿ ಮಾಡುವ ಶಕ್ತಿಯನ್ನು ಹೊಂದಿದೆ. ವ್ಯಾಪಾರದಲ್ಲಿ ಬುದ್ಧಿವಂತ ವ್ಯಕ್ತಿತ್ವದ ಮಾಲೀಕನನ್ನಾಗಿ ಮಾಡುತ್ತದೆ. ವ್ಯಾಪಾರ ಕ್ಷೇತ್ರದಲ್ಲಿರುವ ಕನ್ಯಾ ರಾಶಿಯವರಿಗೆ ಇದು ಅಗತ್ಯವಾಗಿರುತ್ತದೆ. ಇದು ಅವರ ವೃತ್ತಿಪರ ಜೀವನಕ್ಕೆ ಬಹಳ ಉತ್ತಮ ಸಮಯವಾಗಿದೆ. ಬುಧ ಅವರಿಗೆ ದಶಮ ಅಧಿಪತಿಯೂ ಸಹ ಆಗಿದೆ. ಆದ್ದರಿಂದ ಡೇಟಾ ವಿಜ್ಞಾನಿಗಳು, ರಫ್ತು-ಆಮದುದಾರರು, ಸಮಾಲೋಚಕರು, ಬ್ಯಾಂಕರ್‌ಗಳು, ವೈದ್ಯಕೀಯ ವೃತ್ತಿಪರರಿಗೆ ಇದು ಉತ್ತಮ ಸಮಯ. ನಿಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಪಾಲುದಾರಿಕೆಯನ್ನು ಸುಧಾರಿಸುತ್ತದೆ ಮತ್ತು ನೀವುಇದಕ್ಕೆ ಕುಟುಂಬದ ಬೆಂಬಲವನ್ನು ಪಡೆಯುತ್ತೀರಿ.

ಬುಧ ಗ್ರಹವು ಆರೋಗ್ಯ ಸೂಚಕ ಗ್ರಹವಾಗಿರುವುದರಿಂದ ನಿಮ್ಮ ಆರೋಗ್ಯ ಮತ್ತು ಫಿಟ್‌ನೆಸ್ ಅನ್ನು ಬಲಪಡಿಸಿಕೊಳ್ಳಲು ಇದು ಉತ್ತಮ ಸಮಯವಾಗಿದೆ. ಶಕ್ತಿಯನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುವ ಸಮಯ ಇದು. ಆದ್ದರಿಂದ ನಿಮ್ಮ ದೇಹದ ಮೇಲೆ ಸಮಯವನ್ನು ಹೂಡಿಕೆ ಮಾಡಲು ಸೂಚಿಸಲಾಗುತ್ತದೆ. ಏಕೆಂದರೆ ಅದು ಧನಾತ್ಮಕ ಫಲಿತಾಂಶಗಳನ್ನು ನೀಡುತ್ತದೆ.

ತುಲಾ: ಖರ್ಚು ಅಧಿಕ

ತುಲಾ: ಖರ್ಚು ಅಧಿಕ

ತುಲಾ ರಾಶಿಯವರಿಗೆ ಹನ್ನೆರಡನೇ ಮತ್ತು ಒಂಬತ್ತನೇ ಮನೆಗಳ ಅಧಿಪತ್ಯವನ್ನು ಬುಧ ಹೊಂದಿದ್ದು ಹನ್ನೆರಡನೇ ಮನೆಯಲ್ಲಿ ಈ ಸಂಕ್ರಮಣ ನಡೆಯುತ್ತಿದೆ. ಹನ್ನೆರಡನೇ ಮನೆಯು ವಿದೇಶಿ ಭೂಮಿ, ಪ್ರತ್ಯೇಕ ಮನೆಗಳು, ಆಸ್ಪತ್ರೆಗಳು, ವೆಚ್ಚಗಳು, MNC ಗಳಂತಹ ವಿದೇಶಿ ಕಂಪನಿಗಳು ಇತ್ಯಾದಿಗಳನ್ನು ಪ್ರತಿನಿಧಿಸುತ್ತದೆ. ಬುಧನು ವಿದೇಶಿ ಭೂಮಿ ಮತ್ತು ವೆಚ್ಚದ ಹನ್ನೆರಡನೇ ಮನೆಯಲ್ಲಿ ಸಂಚಾರ ಮಾಡುತ್ತಿರುವುದರಿಂದ ಖರೀದಿ ವಿಚಾರದಲ್ಲಿ ನೀವು ಹಣವನ್ನು ಖರ್ಚು ಮಾಡುವ ಸಾಧ್ಯತೆಗಳಿವೆ.

ಇದು ದೀರ್ಘ ಪ್ರಯಾಣವನ್ನು ತೋರಿಸುತ್ತದೆ. ಹೀಗಾಗಿ ವಿದೇಶ ಪ್ರಯಾಣದ ಸಾಧ್ಯತೆಗಳು ಕಂಡುಬರುತ್ತವೆ. MNC ಗಳೊಂದಿಗೆ ಕೆಲಸ ಮಾಡುತ್ತಿರುವ ಅಥವಾ ಆಮದು / ರಫ್ತು ವ್ಯವಹಾರಗಳಲ್ಲಿ ಇರುವ ತುಲಾ ಸ್ಥಳೀಯರು ಉತ್ತಮ ಹಂತವನ್ನು ಆನಂದಿಸುತ್ತಾರೆ. ಈ ಸಮಯದಲ್ಲಿ ಆರೋಗ್ಯದ ಕಡೆಗೆ ಗಮನ ಹರಿಸಬೇಕು. ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು. ಸಮತೋಲಿತ ಆಹಾರವನ್ನು ಸೇವಿಸುವುದು ಉತ್ತಮ. ಹನ್ನೆರಡನೇ ಮನೆಯು ವೆಚ್ಚಗಳು ಮತ್ತು ನಷ್ಟಗಳ ಮನೆಯಾಗಿದೆ ಆದ್ದರಿಂದ ಈ ಸಾಗಣೆಯು ನಿಮ್ಮ ವೆಚ್ಚಗಳು ಅಥವಾ ನಷ್ಟಗಳನ್ನು ಹೆಚ್ಚಿಸಬಹುದು ಆದ್ದರಿಂದ ಅದನ್ನು ತಪ್ಪಿಸಲು ಜಾಗರೂಕರಾಗಿರಿ.

ವೃಶ್ಚಿಕ: ಸಾಮಾಜಿಕ ಸ್ಥಾನಮಾನ ಹೆಚ್ಚಳ

ವೃಶ್ಚಿಕ: ಸಾಮಾಜಿಕ ಸ್ಥಾನಮಾನ ಹೆಚ್ಚಳ

ಈ ಸಂಚಾರ ವೃಶ್ಚಿಕ ರಾಶಿಯ ಸ್ಥಳೀಯರಿಗೆ ಆರ್ಥಿಕ ಲಾಭವನ್ನು ನೀಡುತ್ತದೆ. ಸಾಮಾಜಿಕ ಸ್ಥಾನಮಾನವನ್ನು ಹೆಚ್ಚಿಸುತ್ತದೆ. ಆಸೆಗಳು ಈಡೇರುತ್ತವೆ. ವೃಶ್ಚಿಕ ರಾಶಿಯವರು ತಮ್ಮ ಕೆಲಸಗಳಿಗೆ ಅಧಿಕ ಬೆಂಬಲವನ್ನು ಪಡೆಯುತ್ತಾರೆ. ವೃತ್ತಿ ಮತ್ತು ವ್ಯವಹಾರದಲ್ಲಿ ಕಳೆದ ಒಂದು ವರ್ಷದಲ್ಲಿ ಮಾಡಿದ ಎಲ್ಲಾ ಶ್ರಮದ ಫಲವು ಈಗ ಆನಂದಿಸಲ್ಪಡುತ್ತದೆ. ವಿದ್ಯಾರ್ಥಿಗಳಿಗೆ ವಿಶೇಷವಾಗಿ ಸಮೂಹ ಸಂವಹನ, ಬರವಣಿಗೆ ಮತ್ತು ಯಾವುದೇ ಭಾಷಾ ಕೋರ್ಸ್‌ನಲ್ಲಿ ಉತ್ತಮ ಸಮಯವಾಗಿರುತ್ತದೆ.

ಈ ಸಮಯದಲ್ಲಿ ನಿಮ್ಮ ಆಲೋಚನೆಗಳನ್ನು ಪ್ರಾಯೋಗಿಕವಾಗಿ ಇರಿಸಿ. ಸದ್ಯಕ್ಕೆ ಯಾವುದೇ ರೀತಿಯ ವದಂತಿಗಳಿಗೆ ಗಮನ ಕೊಡಬೇಡಿ. ಕೆಲವರು ಅಸೂಯೆಯಿಂದ ನಿಮ್ಮ ತೊಂದರೆಗಳನ್ನು ಹೆಚ್ಚಿಸಬಹುದು. ನೆರೆಹೊರೆಯವರೊಂದಿಗೆ ವಾಗ್ವಾದದಂತಹ ಪರಿಸ್ಥಿತಿ ಬರಬಹುದು. ಮಾರ್ಕೆಟಿಂಗ್ ಸಂಬಂಧಿತ ಕಾರ್ಯಗಳಲ್ಲಿ ಹೆಚ್ಚಿನ ಸಮಯವನ್ನು ಕಳೆಯಿರಿ. ಒಟ್ಟಿನಲ್ಲಿ ವೃಶ್ಚಿಕ ರಾಶಿಯವರಿಗೆ ಇದು ಉತ್ತಮ ಸಮಯ.

ಧನು: ಆತ್ಮವಿಶ್ವಾಸ ಹೆಚ್ಚಳ

ಧನು: ಆತ್ಮವಿಶ್ವಾಸ ಹೆಚ್ಚಳ

ನಿಮ್ಮ ವೃತ್ತಿಪರ ಜೀವನದಲ್ಲಿ ನೀವು ಉತ್ತಮ ಪ್ರಯೋಜನಗಳನ್ನು ಪಡೆಯುತ್ತೀರಿ. ರಾಜಕೀಯ, ತಂತ್ರಜ್ಞಾನ ಮತ್ತು ಸಂವಹನ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುವವರಿಗೆ ಇದು ಅತ್ಯುತ್ತಮ ಸಮಯವಾಗಿದೆ. ನೀವು ಹೊಸ ಅವಕಾಶಗಳನ್ನು ಪಡೆಯುತ್ತೀರಿ. ವೃತ್ತಿಯಲ್ಲಿ ಹೊಸ ಧನಾತ್ಮಕ ಬದಲಾವಣೆ ಆಗಬಹುದು. ನಿಮ್ಮದೇ ಆದ ಹೊಸ ಕೆಲಸವನ್ನು ನೀವು ಪ್ರಾರಂಭಿಸಬಹುದು. ಮನೆಯಲ್ಲಿ ಸಂತೋಷ ನೆಲೆಸಲಿದೆ. ನಿಮ್ಮ ತಾಯಿಯ ಬೆಂಬಲವನ್ನು ಪಡೆಯುತ್ತೀರಿ. ಮನೆಯ ವಾತಾವರಣವು ಉತ್ತಮವಾಗಿರುತ್ತದೆ. ಧನು ರಾಶಿಯವರಿಗೆ ವೃತ್ತಿ ವಿಷಯಕ್ಕೆ ಉತ್ತಮ ಸಮಯವಾಗಿದೆ. ಈ ಸಮಯವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಿ.

ನಿಮ್ಮೊಳಗೆ ವಿಭಿನ್ನವಾದ ಆತ್ಮವಿಶ್ವಾಸವನ್ನು ಅನುಭವಿಸುವಿರಿ. ದಿನದಲ್ಲಿಯೇ ಪ್ರಮುಖ ಕಾರ್ಯಗಳ ಯೋಜನೆಗಳನ್ನು ಮಾಡಿ. ಮಕ್ಕಳ ಬಗ್ಗೆ ಒಳ್ಳೆಯ ಸುದ್ದಿ ಸಿಗುವುದರಿಂದ ಮನಸ್ಸಿಗೆ ಸಂತೋಷವಾಗುತ್ತದೆ. ಕೆಲವೊಮ್ಮೆ ಅತಿಯಾದ ಸ್ವಾರ್ಥದ ಭಾವನೆಯು ಸ್ನೇಹಿತರೊಂದಿಗಿನ ಸಂಬಂಧವನ್ನು ಹಾಳುಮಾಡುತ್ತದೆ. ಕಾಲಾನಂತರದಲ್ಲಿ ನೀವು ನಿಮ್ಮ ನಡವಳಿಕೆಯನ್ನು ಬದಲಾಯಿಸುತ್ತೀರಿ.

ಮಕರ: ತೀರ್ಥಯಾತ್ರೆಗೆ ಉತ್ತಮ ಸಮಯ

ಮಕರ: ತೀರ್ಥಯಾತ್ರೆಗೆ ಉತ್ತಮ ಸಮಯ

ಮಕರ ರಾಶಿಯವರಿಗೆ ಈ ಸಮಯ ಅದೃಷ್ಟವನ್ನು ತಂದುಕೊಡುತ್ತದೆ. ತತ್ವಜ್ಞಾನಿಗಳು, ಸಲಹೆಗಾರರು, ಮಾರ್ಗದರ್ಶಕರು, ಶಿಕ್ಷಕರಿಗೆ ಇದು ತುಂಬಾ ಒಳ್ಳೆಯ ಸಮಯವಾಗಿದೆ. ಈ ಸಮಯದಲ್ಲಿ ಅವರು ಸುಲಭವಾಗಿ ಇತರರ ಮೇಲೆ ಪ್ರಭಾವ ಬೀರಬಹುದು. ಉನ್ನತ ಶಿಕ್ಷಣಕ್ಕಾಗಿ ಯೋಜಿಸುತ್ತಿರುವ ವಿದ್ಯಾರ್ಥಿಗಳು ಕೊಂಚ ಕಷ್ಟಪಡಬೇಕಾಗಬಹುದು. ಮಕರ ರಾಶಿಯವರು ತಮ್ಮ ತಂದೆ, ಗುರು, ಮಾರ್ಗದರ್ಶಕರ ಬೆಂಬಲವನ್ನು ಪಡೆಯುತ್ತಾರೆ. ದೂರದ ಪ್ರಯಾಣ ಮತ್ತು ತೀರ್ಥಯಾತ್ರೆಗೆ ಇದು ಉತ್ತಮ ಸಮಯ. ನೀವು ಧಾರ್ಮಿಕ ಮಾರ್ಗದ ಕಡೆಗೆ ಒಲವು ತೋರುತ್ತೀರಿ. ನಿಮ್ಮ ಉತ್ತಮ ಕಾರ್ಯಗಳನ್ನು ಹೆಚ್ಚಿಸಲು ಪ್ರಯತ್ನಿಸುತ್ತೀರಿ.

ನಿಮ್ಮ ಶಕ್ತಿ ಮತ್ತು ಸಮಯವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಿ. ಕೆಲವು ಕೆಲಸಗಳು ದಿಢೀರನೆ ಪೂರ್ಣಗೊಳ್ಳುವ ಸಾಧ್ಯತೆ ಇದೆ. ಯೋಚಿಸಲು ಹೆಚ್ಚು ಸಮಯ ಕಳೆಯಬೇಡಿ ಮತ್ತು ಈಗಿನಿಂದಲೇ ಯೋಜನೆಯನ್ನು ಪ್ರಾರಂಭಿಸಿ. ನಿಮ್ಮ ಖರ್ಚುಗಳು ಹೆಚ್ಚಾಗಬಹುದು. ಆದಾಗ್ಯೂ, ನೀವು ಲಾಭದ ಅವಕಾಶಗಳನ್ನು ಸಹ ಪಡೆಯುತ್ತೀರಿ.

ಕುಂಭ: ನಿಗೂಢ ಅಧ್ಯಯನಗಳ ಕಡೆಗೆ ಒಲವು

ಕುಂಭ: ನಿಗೂಢ ಅಧ್ಯಯನಗಳ ಕಡೆಗೆ ಒಲವು

ಕುಂಭ ರಾಶಿಯವರಿಗೆ ಇದು ಸವಾಲಿನ ಸಮಯ. ಅನೇಕ ಹಠಾತ್ ಘಟನೆಗಳು ಮಾನಸಿಕ ಚಂಚಲತೆಯನ್ನು ನೀಡುತ್ತದೆ. ಈ ಅವಧಿಯಲ್ಲಿ ನೀವು ಆರೋಗ್ಯ ಸಮಸ್ಯೆಗಳಿಂದ ಬಳಲಬಹುದು. ಆದರೆ ಇದು ದೀರ್ಘಕಾಲದವರೆಗೆ ಇರುವುದಿಲ್ಲ. ಸಂಶೋಧನೆ ಅಥವಾ ಜ್ಯೋತಿಷ್ಯದಂತಹ ನಿಗೂಢ ಅಧ್ಯಯನಗಳ ಕಡೆಗೆ ಒಲವು ತೋರುವ ಜನರು ಈ ಸಮಯವನ್ನು ಕಲಿಕೆಗೆ ಬಳಸಿಕೊಳ್ಳಬಹುದು.

ನಿಮ್ಮ ಆರೋಗ್ಯವನ್ನು ಚೆನ್ನಾಗಿ ನೋಡಿಕೊಳ್ಳಿ ಮತ್ತು ಆರೋಗ್ಯಕರ ಆಹಾರದತ್ತ ಗಮನಹರಿಸಿ. ಹಠಾತ್ ಘಟನೆಯನ್ನು ತಪ್ಪಿಸಲು ಪ್ರಯಾಣ ಮಾಡುವಾಗ ಹೆಚ್ಚು ಜಾಗರೂಕರಾಗಿರಲು ಪ್ರಯತ್ನಿಸಿ. ಅನಗತ್ಯ ಹಣಕಾಸಿನ ವೆಚ್ಚಗಳನ್ನು ತಪ್ಪಿಸಿ ಇಲ್ಲದಿದ್ದರೆ ನೀವು ಹಣಕಾಸಿನ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು.

ಮೀನ: ಉತ್ತಮ ಜೀವನಶೈಲಿ ಅವಶ್ಯಕ

ಮೀನ: ಉತ್ತಮ ಜೀವನಶೈಲಿ ಅವಶ್ಯಕ

ಈ ಚಲನೆಯಿಂದ ನೀವು ನಿಮಗಿಂತ ಅತ್ಯಂತ ಕಿರಿಯ ಸಂಗಾತಿಯನ್ನು ಪಡೆಯಬಹುದು. ವಿವಾಹಿತರ ಸಂಗಾತಿ ಜೀವನದಲ್ಲಿ ಹೊಸ ಕೆಲಸದ ಅವಕಾಶಗಳನ್ನು ಪಡೆಯುತ್ತಾರೆ. ವ್ಯಾಪಾರ ಪಾಲುದಾರಿಕೆಗೆ ಇದು ತುಂಬಾ ಒಳ್ಳೆಯ ಸಮಯವಾಗಿದೆ. ನೀವು ಅದನ್ನು ಹುಡುಕುತ್ತಿದ್ದರೆ ಇದು ಉತ್ತಮ ಸಮಯ. ನಿಮ್ಮ ಆರೋಗ್ಯ ಮತ್ತು ಫಿಟ್‌ನೆಸ್ ಗಾಗಿ ನೀವು ಕಾಳಜಿ ವಹಿಸಬೇಕಾದ ಸಮಯ ಇದು. ಆರೋಗ್ಯಕರ ಆಹಾರವನ್ನು ಸೇವಿಸಲು ಮತ್ತು ಉತ್ತಮ ಜೀವನಶೈಲಿಯನ್ನು ಅಳವಡಿಸಿಕೊಳ್ಳಲು ಸಲಹೆ ನೀಡಲಾಗುತ್ತದೆ.

ನಿಮ್ಮ ಶ್ರಮಕ್ಕೆ ತಕ್ಕಂತೆ ಸರಿಯಾದ ಫಲಿತಾಂಶವನ್ನೂ ಪಡೆಯುತ್ತೀರಿ. ಕಾಲಾನಂತರದಲ್ಲಿ ನಿಮ್ಮ ಆಲೋಚನೆಗಳಲ್ಲಿ ನಮ್ಯತೆಯನ್ನು ಕಾಪಾಡಿಕೊಳ್ಳಿ. ಭಾವನೆಗಳ ಆಧಾರದ ಮೇಲೆ ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ. ವ್ಯಾಪಾರ ಸ್ಥಳದಲ್ಲಿ ಉದ್ಯೋಗಿಗಳೊಂದಿಗೆ ವಾಗ್ವಾದದಂತಹ ಯಾವುದೇ ಸಂದರ್ಭವನ್ನು ಅನುಮತಿಸಬೇಡಿ.

English summary
Budh Rashi Parivartan 2022 In Kanya Rashi; Mercury Transit in Virgo Effects on Zodiac Signs : The Mercury Transit in Virgo will take place on 21 August 2022. Learn about remedies to perform in Kannada
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X