• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹೆಂಡತಿ ಕುಲುಕುಲು ನಕ್ಕರೆ ಬಾಳು ಹಾಲು ಸಕ್ಕರೆ!

By Prasad
|
Smile heals every wound
ಸುಖ ದಾಂಪತ್ಯದ ರಹಸ್ಯ ಅಡಗಿರೋದೇ ಇಲ್ಲಿ. ಅಡುಗೆಗೆ ಉಪ್ಪು ಕಡಿಮೆ ಬಿದ್ದಿರಲಿ, ಹುಳಿ ಹೆಚ್ಚಾಗಿರಲಿ, ಕುಲುಕುಲು ನಗುತ್ತ ಪ್ರೀತಿಯಿಂದ ಬಡಿಸಿದರೆ 'ಎಲ್ಲಾ ಸರಿಯಾಗಿದೆ' ಅಂತಾನೇ ಹೇಳಿರಿ. ನಿಮ್ಮ ಜೀವನ ಬಂಗಾರವಾಗಿರುತ್ತದೆ. ಇದು ಸಾರ್ಥಕ ಬದುಕು ಕಂಡಿರುವ ಅನುಭವಿಯ ಮಾತು, ನೆನಪಿರಲಿ.

* ಧವಳ

ಮಿಥುನ ರಾಶಿ ಸ್ತ್ರೀ - ಮಿಥುನ ರಾಶಿ ಪುರುಷ

ಮಿಥುನ ರಾಶಿಯವರು ಸದಾ ಅನ್ವೇಷಣೆಯನ್ನು ಮಾಡ್ತಾ ಇರ್ತಾರೆ. ಒಂದರ್ಥದಲ್ಲಿ ಕುತೂಹಲಿಗಳು. ಆದರೆ ಅದು ಕೆಟ್ಟ ರೀತಿಯ ಕುತೂಹಲವಲ್ಲ. ಸದಾ ಹೊಸ ಬಗೆಯ ವಿಷಯಗಳನ್ನು ಕಲಿಯಬೇಕು ಎನ್ನುವ ತುಡಿತ ಅವರಲ್ಲಿ ಸದಾ ಜಾಗೃತ ಆಗಿರುತ್ತದೆ. ಈ ರಾಶಿಯವರು ಮಾತಿಗೇನು ಬರ ಇಲ್ಲದಂತೆ ಆಡ್ತಾರೆ, ಬಿಟ್ರೆ ದಿನಗಟ್ಟಲೆ ಆಡ್ತಾನೆ ಇರ್ತಾರೆ. ಆದರೆ ಅವರು ತಮ್ಮ ಮನದಲ್ಲಿ ಏನಿದೆ ಎನ್ನುವುದನ್ನು ಹೇಳುವುದಕ್ಕೆ ಹೋಗೋದೇ ಇಲ್ಲ. ಕೋಪ ಬಂದಿದ್ರೆ ಮೌನವಾಗಿ ಇದ್ದು, ಅದನ್ನು ತೋರ್ಪಡಿಸದೆ ಇದ್ರೆ ಏನೂ ತೊಂದ್ರೆ ಇಲ್ಲ. ಆದರೆ ಅದೇ ಪ್ರೀತಿಯ ವಿಷಯ ಆದ್ರೆ ಏನ್ರೀ ಗತಿ? ಅದು ಹೊರಗೆ ಬರದೆ ಹಾಗೆ ಉಳಿದು ಬಿಟ್ಟರೆ, ಆಗ ಯಾರಿಗೆ ನಷ್ಟ?

ಇನ್ನೊಂದು ತಮಾಷೆ ಅಂದ್ರೆ ಈ ರಾಶಿಯವರಲ್ಲಿ ಶೇ.75ರಷ್ಟು ಜನರಿಗೆ ಕೇವಲ ಒಂದು ಹೆಸರು ಇರೋದಿಲ್ಲ ಬೇಕಾದಷ್ಟು ಹೆಸರಿಂದ ಅವರು ಪರಿಚಿತರು. ಹೆಸರುಗಳು ಕೇಳೋಕೆ ಅಂದ ಚಂದವಾಗಿದ್ರೆ ಒಳ್ಳೇದು ಅಲ್ವ? ಈ ರಾಶಿಯ ಸ್ತ್ರೀಯರು ಸದಾ ನಗುತ್ತಲೇ ಇರ್ತಾರೆ. ಆ ಮುದ್ದಾದ ನಗೆ ನೋಡಿದ ಗಂಡು ಸಿಂಹ ಎಂದಿಗೂ ಕೋಪ ಮಾಡಿಕೊಳ್ಳುವ ಛಾನ್ಸೇ ಇಲ್ಲ. ಸಾರಿಗೆ ಉಪ್ಪು ಹಾಕಿದ್ರೆನೂ, ನಗುತ್ತ ನಗುತ್ತಾ ಬಡಿಸಿದರೆ ಆ ಬಡಪಾಯಿ ಆ ನಗು ನೋಡ್ತಾ ಉಣ್ತಾರೆ! ದುಃಖಿಸುವ ಪ್ರಮಾಣವೂ ತುಂಬಾ ಕಡಿಮೆ. ಇವರು ತನ್ನ ಸಂಗಾತಿಯಿಂದ ದೂರಾಗುವ ಪರಿಸ್ಥಿತಿ ಏರ್ಪಟ್ಟರೂ ಪುನಃ ಪ್ರೀತಿಯಿಂದಲೇ ಒಂದಾಗ್ತಾರೆ. ಅದರ ಬದಲು ಬೇರೆ ಆಗದೆ ಇರುವತ್ತ ಗಮನ ನೀಡಿದರೆ ಒಳ್ಳೆಯದಲ್ವಾ, ಯೋಚಿಸಿ ಬದುಕು ನಿಮ್ಮ ಕೈಲೆ ಇದೆ!

ಮಿಥುನ ರಾಶಿ ಸ್ತ್ರೀ - ಕರ್ಕಾಟಕ ರಾಶಿ ಪುರುಷ

ಇಬ್ಬರೂ ಸಂತೋಷವಾಗಿ ಇರ್ತಾರೆ. ಇವರಲ್ಲಿ ಅಹಂ ಹೆಚ್ಚಿನ ಪಾತ್ರ ವಹಿಸಿರುತ್ತೆ. ಎಲ್ಲಿ ಅಹಂ ಅಧಿಪತ್ಯ ಇರುತ್ತದೆಯೋ ಅಲ್ಲಿ ಅಶಾಂತಿ-ಅಸಹನೆಯೂ ಪ್ರಾಮುಖ್ಯತೆಯನ್ನು ಪಡೆದಿರುತ್ತದೆ. ಹೆಣ್ಣುಮಕ್ಕಳೇ ಹೀಗೆ ಕಣ್ರೀ! ಇರುವ ದುಂಡುಮಲ್ಲಿಗೆ ಬಿಟ್ಟು ಸಿಗದೇ ಇರುವ ಆಕಾಶ ಮಲ್ಲಿಗೆಯತ್ತ ಕೈ ಚಾಚುತ್ತಾರೆ. ಆ ಮೂಲಕ ಬೇಸರ ಅಸಮಾಧಾನವನ್ನು ತಮ್ಮ ಮೈಮೇಲೆ ಎಳೆದುಕೊಳ್ತಾರೆ. ಕರ್ಕಾಟಕ ರಾಶಿ ಪುರುಷ ಹೆಂಡತಿಯನ್ನು ಕಣ್ಣಲ್ಲಿ ಕಣ್ಣಿಟ್ಟು, ರೆಪ್ಪೆಯಲ್ಲಿ ಮುಚ್ಚಿಟ್ಟು ಪ್ರೀತಿಸುತ್ತಾರೆ. ಆಕೆಯ ಸಂತೋಷವೇ ತನ್ನ ಸಂತೋಷವೆಂದು ತಿಳಿಯುತ್ತಾನೆ. ಆದರೆ ಈಕೆಗೆ ಈತನ ಈ ಪ್ರೀತಿ ಮಹಾಪೂರ ಬೇಕಾಗೋಲ್ಲ. ತನ್ನನ್ನು ಮಗುವಿನಂತೆ ನೋಡಿಕೊಳ್ಳುವುದನ್ನು ಬಿಟ್ಟು ಹೆಣ್ಣಿನಂತೆ ಟ್ರೀಟ್ ಮಾಡಲಿ ಎಂದು ಬಯಸುತ್ತಾಳೆ. ಮಿಥುನ ರಾಶಿಯವರು ಹೃದಯವನ್ನು ಸುಲಭವಾಗಿ ಬಿಟ್ಟು ಕೊಡುವುದಿಲ್ಲ, ಬಿಟ್ಟುಕೊಟ್ರೆ ಆ ಪ್ರೀತಿಯನ್ನು ಎಚ್ಚರದಿಂದ ಕಾಯ್ತಾರೆ. ಸೋ, ಅವರ ಈ ಅಮೃತವನ್ನು ಖುಷಿಯಾಗಿ ಹೀರುವುದೇ ಸುರಕ್ಷಿತ ಮಾರ್ಗ. ನೋಡಿ ಯಾರಿಗುಂಟು ಇಂತಹ ಸಂಗಾತಿ! ಇಲ್ಲದ ವಿಷಯಕ್ಕೆ ಚಿಂತಿಸುತ್ತಾ ಕೂರದೆ ಬದುಕಿನ ಸುಂದರ ಕ್ಷಣಗಳನ್ನು ನಿಮ್ಮದಾಗಿಸಿಕೊಳ್ಳಿ. (ಇತರ ರಾಶಿ ಭವಿಷ್ಯಗಳಿಗೆ ಇಲ್ಲಿ ಕ್ಲಿಕ್ಕಿಸಿ.)

ಸೆಲ್ ಫೋನಿನಲ್ಲಿ ಕನ್ನಡ ಓದುವ ಸಂಭ್ರಮ | ದಟ್ಸ್ ಕನ್ನಡ ಹೂವಿನಂಗಡಿ 24/7 | ಕನ್ನಡ ಸಿನಿಮಾ SMS | ಕನ್ನಡ ಸುದ್ದಿಗಳ SMS

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more