ಬೆಂಗಳೂರು: ಮಳೆ ಕೊರತೆ - ತರಕಾರಿ ಬೆಲೆ ಏರಿಕೆ
ಬೆಂಗಳೂರು,ಜು.8:ಪೆಟ್ರೋಲ್, ಡಿಸೇಲ್ ಬೆಲೆ ಏರಿಕೆಯಾಗುತ್ತಿದ್ದಂತೆ ಇತ್ತ ತರಕಾರಿಗಳ ಬೆಲೆ ಏರಿಕೆಯಾಗತೊಡಗಿದೆ. ಪ್ರತಿ ತಿಂಗಳು ತರಕಾರಿ ಬೆಳೆ ಹೆಚ್ಚಳವಾಗುತ್ತಿದ್ದು, ಜನಸಾಮಾನ್ಯರು ತರಕಾರಿಯನ್ನು ಕೇವಲ ನೋಡಿಕೊಂಡು ಹಿಂದಿರುಗುವ ಪರಿಸ್ಥಿತಿ ನಿರ್ಮಾಣವಾಗಿದೆ.
ಮೇ ಕೊನೆಯ ವಾರದಲ್ಲಿ ಗಗನಕ್ಕೆ ಏರಿದ ತರಕಾರಿ ಬೆಲೆ ಮುಂಗಾರು ಮಳೆ ಭರ್ಜರಿಯಾದರೆ ಇಳಿಯಬಹುದು ಎಂದು ಹೇಳಲಾಗುತಿತ್ತು. ಆದರೆ ಮುಂಗಾರು ಕೈಕೊಟ್ಟದ್ದರಿಂದ ತರಕಾರಿ ಬೆಲೆ ಮತ್ತಷ್ಟು ಏರಿಕೆಯಾಗಿದೆ.[ಪೆಟ್ರೋಲ್ 1.69 ರೂ. ಡೀಸೆಲ್ 50 ಪೈಸೆ ಹೆಚ್ಚಳ]
ಮಾರುಕಟ್ಟೆ, ಸಣ್ಣ ತರಕಾರಿ ಅಂಗಡಿಗಳು ಹಾಗೂ ಮಾಲ್ಗಳಲ್ಲಿ ತರಕಾರಿ ಬೆಲೆ ಹಾಪ್ಕಾಮ್ಸ್ಗಿಂತ ಶೇ.30 ರಷ್ಟು ಹೆಚ್ಚಳವಾಗಿದೆ. ಇದು ಕೂಡ ಗ್ರಾಹಕರ ಜೇಬಿಗೆ ಸರಿಯಾಗಿಯೇ ಕತ್ತರಿ ಹಾಕಿದೆ. ಹಾಪ್ಕಾಮ್ಸ್ ಮಳಿಗೆಗಳಲ್ಲಿ ರೈತರಿಂದ ನೇರವಾಗಿ ತರಕಾರಿ ಖರೀದಿಸಿ, ಗ್ರಾಹಕರಿಗೆ ನೀಡಲಾಗುತ್ತಿದೆ. ಆದ್ದರಿಂದ ದರ ಸ್ಪಲ್ಪ ಕಡಿಮೆ ದರದಲ್ಲಿ ತರಕಾರಿ ಮಾರಾಟವಾಗುತ್ತಿದ್ದರೂ ಈಗ ಹಾಪ್ಕಾಮ್ಸ್ ಮಳಿಗೆಗಳಲ್ಲೂ ತರಕಾರಿ ಬೆಲೆ ಹೆಚ್ಚಾಗಿದೆ.[ಅಕ್ಟೋಬರ್ನಲ್ಲಿ ಈರುಳ್ಳಿ ಬೆಲೆ 100 ರೂಪಾಯಿ!]
ಹೀಗಾಗಿ ಇಲ್ಲಿ ಹಾಪ್ಕಾಮ್ಸ್ನ ಒಂದು ತಿಂಗಳ ಹಿಂದಿನ ದರ(ಜೂ.7) ಮತ್ತು ಪ್ರಸ್ತುತ ದರ(ಜು.7) ನೀಡಲಾಗಿದೆ.
ಬದನೆ ---- 38(28)
ಬಿಟ್ರೋಟ್-- 46(31)
ಬೆಂಡೆಕಾಯಿ -- 38(28)
ಬಟಾಟೆ ---- 37(32)
ಟೊಮೇಟೊ --- 36(11)
ಸೌತೆಕಾಯಿ ----- 48(31)
ಊಟಿ ಕ್ಯಾರೇಟ್--- 58(49)
ಕ್ಯಾಬೇಜ್ ---- 24(22)
ಮೆಂತೆಸೊಪ್ಪು-- 107(92)
ಈರುಳ್ಳಿ ದೊಡ್ಡದು ---42(36)
(ಆವರಣದ ಒಳಗಡೆ ಇರುವುದು ಜೂನ್ ತಿಂಗಳ ದರ)
ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್ಮಾಡಬಹುದು:www.hopcoms.kar.nic.in
Click it and Unblock the Notifications
Sign in with Google