ಕಾರವಾರದ ರಿವರ್ ಎಡ್ಜ್ ರೆಸಾರ್ಟಿಗೆ ಪಿಕ್ನಿಕ್

ಕರ್ನಾಟಕದಲ್ಲಿ ಸಾಕು ಬೇಕಾದಷ್ಟು ರೆಸಾರ್ಟ್ಗಳು ತಲೆಎತ್ತಿವೆ. ನಗರ ಪ್ರದೇಶಗಳಲ್ಲಿ ನೆಲೆಯಾಗಿರುವ ರೆಸಾರ್ಟುಗಳಲ್ಲಿ ಸುಳಿದಾಡುವ ಗಾಳಿಯೇ ಬೇರೆ. ಶಾಸಕರು, ಭಾರೀ ಉದ್ಯಮಿಗಳು, ಗಣಿಕುಳಗಳು, ಭೂಕಳ್ಳರು ಮುಂತಾದ ಶ್ರೀಮಂತ ವರ್ಗವನ್ನು ಸಂತಸಗೊಳಿಸುವ ಐಷಾರಾಮಿ ರೆಸಾರ್ಟುಗಳು ಒಂದು ಬಗೆಯಾದರೆ, ಬೆಂಗಳೂರು, ಮೈಸೂರು, ಹುಬ್ಬಳ್ಳಿ, ಬಳ್ಳಾರಿ ಮುಂತಾದ ಜನಸಂದಣಿಯಿಂದ ಗಿಜಗುಟ್ಟುವ ನಗರಗಳಿಂದ ದೂರವಿರುವ, ಮಧ್ಯಮ ವರ್ಗದವರಿಗೆ ಸರಿಯಾಗುವ ಪ್ರಶಾಂತ ತಾಣಗಳ ಸಂಖ್ಯೆ ಬೆರಳೆಣಿಕೆಯಷ್ಟು ಮಾತ್ರ.

ಇಂತಹ ಒಂದು ರೆಸಾರ್ಟು ನಾ ನೋಡಿ ನಲಿಯುವ ಕಾರವಾರದಲ್ಲಿದೆ. ಅದೂ ಕಾಳಿನದಿಯ ತಟಾಕದಲ್ಲಿದೆ. ಕಡಿಮೆ ವೆಚ್ಚದಲ್ಲಿ, ಮಧ್ಯಮ ವರ್ಗದ ಕುಟುಂಬಗಳ ಜೇಬಿಗೆ ಹೊಂದುವಂತಹ ಎರಡು ದಿನದ ಪ್ರವಾಸ ಕಾರ್ಯಕ್ರಮಕ್ಕೆ ಕಾರವಾರ ಯೋಗ್ಯ ಸ್ಥಳ.

ನದಿ ತೀರಕ್ಕೆ ಹೊಂದಿಕೊಂಡಿರುವ ರೆಸಾರ್ಟಿನ ಹೆಸರು ರಿವರ್ ಎಡ್ಜ್. ಮಾವಿನ ಮರಗಳ ನೆರಳಲ್ಲಿ, ಐದು ಎಕರೆ ವಿಸ್ತೀರ್ಣ ಪ್ರದೇಶದಲ್ಲಿ ಕಟ್ಟಿರುವ 8 ಕೊಠಡಿಗಳ ವ್ಯವಸ್ಥೆಯಿರುವ ಈ ಜಾಗ ಶಾಂತವಾಗಿರುತ್ತದೆ. ನದಿಜಳಕದ ಪುಳಕ, ಓದುವುದಕ್ಕೆ, ಬರೆಯುವುದಕ್ಕೆ ನಿಶ್ಯಬ್ದ ವಾತಾವರಣ. ಪಾಶ್ಚಿಮಾತ್ಯ ಶೈಲಿಯ ಶೌಚಾಲಯ ವ್ಯವಸ್ಥೆ, ರುಚಿಯಾದ ಊಟ, ತಿಂಡಿ ತೀರ್ಥಕ್ಕೆ ಕೊರತೆಯಿಲ್ಲ. ಜತೆಗೆ, ರೆಸಾರ್ಟ್ ನವರೇ ವ್ಯವಸ್ಥೆ ಮಾಡುವ ಆಹ್ಲಾದ, ಮನರಂಜನೆಯ ಮಾರ್ಗಗಳಿವೆ. ಅವುಗಳಲ್ಲಿ ಮುಖ್ಯವಾದುದು:

Barbecue grill and motion sensor lighting at night. Canoeing, Kayaking, Tubing, Rafting, Wind gliding, Camping, Trekking, Rock climbing, Rappelling and River crossing.

ರೆಸಾರ್ಟಿನ ನಿಯಮಗಳು, ಇತರೆ ಸೌಲಭ್ಯಗಳು, ರೇಟುಗಳು , ತೆರಿಗೆಗಳು ಹಾಗೂ ಬುಕಿಂಗ್ ವಿವರಗಳಿಗೆ ನಮ್ಮ ಹಾಲಿಡೇ ಮೇಕರ್ಸ್ ತಾಣಕ್ಕೆ ಭೇಟಿಕೊಡಿ. ನಿಮ್ಮ ಪ್ರಯಾಣ ಉಲ್ಲಾಸದಾಯಕವಾಗಿರಲಿ. ಪ್ರವಾಸದ ನೆಪದಲ್ಲಿ ಕಾಳಿ ನದಿಯ ವಯ್ಯಾರಗಳನ್ನು ಕಣ್ಣಾರೆ ಕಂಡು ಸಂತಸಪಡುವ ಭಾಗ್ಯ ನಿಮಗೆ ನಿಮ್ಮ ಕುಟುಂಬಕ್ಕೆ ಒದಗಿಬರಲಿ ಎಂದು ಹಾರೈಸುವ, ಇಂತಿ ನಿಮ್ಮ ಪ್ರೀತಿಯ ದಟ್ಸ್ ಕನ್ನಡ.

ಕಾರವಾರದ ಬಗೆಗೆ