ಇವರಿಗೆ ಗುರುತು ಚೀಟಿ ಬೇಡವೇ ಆಯುಕ್ತರೇ ?

By * ಎಂ ರವಿರಾಜ, ಮಂಗಳೂರು

Published: Tuesday, June 7, 2011, 16:17 [IST]

ಮತದಾರರ ಪಟ್ಟಿಯಲ್ಲಿ ಹೆಸರು ನೋಂದಾಯಿಸುವ, ಅಳಿಸುವ, ಅರ್ಜಿ ನಮೂನೆಗಳ ಬಗ್ಗೆ ಪತ್ರಿಕೆಗಳಲ್ಲಿ ಮಾಹಿತಿ ಪ್ರಕಟವಾಗಿದೆ. ಆದರೆ ಹದಿನೆಂಟು ವರ್ಷ ಮೇಲ್ಪಟ್ಟ ಯುವಕ-ಯುವತಿಯರು ಉದ್ಯೋಗಾರ್ಥ ಪರ ಊರಿನಲ್ಲಿ ಇರುತ್ತಾ ವರ್ಷಕ್ಕೆ ಎರಡೋ ಮೂರು ಬಾರಿ ರಜೆಯಲ್ಲಿ ಊರಿಗೆ ಬಂದು ಹೋಗುವವರಿರುತ್ತಾರೆ. ಇವರ ಹೆಸರು ಮತದಾರರ ಪಟ್ಟಿ ಸೇರುವುದು ಹೇಗೆ ? ಇವರಿಗೆ ಗುರುತಿನ ಚೀಟಿ ದೊರೆಯುವುದು ಹೇಗೆ ?

ಚುನಾವಣಾ ಸಂಬಂಧಿಸಿದ ಅಧಿಕಾರಿಗಳು ಮನೆಗೆ ಭೇಟಿ ಕೊಟ್ಟಾಗ ಈ ವಿಷಯ ಪ್ರಸ್ತಾಪಿಸಿದರೆ ಸರಿಯಾದ ಉತ್ತರ ದೊರೆಯುವುದಿಲ್ಲ. ಅವರು ಕೆಲಸ ಮಾಡುವ ಊರಲ್ಲಿ ಮಾಡಿಸಲಿ... ಎಂದು ಹೇಳುತ್ತಾರೆ. ಆದರೆ ಪರವೂರು ರಾಜ್ಯಗಳಲ್ಲಿ ಇದಕ್ಕೆ ಪ್ರಯತ್ನಿಸಲು ಹಲವಾರು ಸಮಸ್ಯೆಗಳಿರುತ್ತವೆ.

ಹಾಗಾದರೆ ಅಂತಹ ಸಾವಿರಾರು ಮಂದಿಗೆ ಚುನಾವಣಾ ಗುರುತಿನ ಚೀಟಿ ಅಗತ್ಯ ಇಲ್ಲವೇ ? ಅವರಿಗೆ ಮತದಾನದ ಹಕ್ಕಿಲ್ಲ ? ಅವರು ಭಾರತದ ಪ್ರಜೆಗಳಲ್ಲವೇ ? ಇಂದು ಎಲ್ಲಾ ವ್ಯವಹಾರಗಳಿಗೂ ಗುರುತಿನ ಚೀಟಿ ಬೇಕಾಗಿರುವಾಗ ಈ ಸಮಸ್ಯೆ ಪರಿಹಾರ ಹೇಗೆ ಎಂದು ಸಂಬಂಧಪಟ್ಟ ಅಧಿಕಾರಿಗಳು ಪ್ರಕಟಿಸಲಿ. ಗುರುತು ಚೀಟಿ ದೊರೆತರೆ ಚುನಾವಣೆ ಸಮಯ ರಜೆ ಪಡೆದುಕೊಂದು ಬಂದು ಮತ ಚಲಾಯಿಸುವ ಕರ್ತವ್ಯಬದ್ಧತೆ ಅವರಿಗೂ ಇದೆ. ಇದಕ್ಕೆ ನಿಲೇಕಣಿ ನೇತೃತ್ವದ ಯುಐಡಿ ಪರಿಹಾರವಾಗಬಲ್ಲದೇ?

Published On June 7, 2011