ಚಿಟ್ಟೆ

ಚಿಟ್ಟೆ

ಹಂ. ಕ. ರಾಮಪ್ರಿಯನ್‌ ಕ್ಲಾರ್ಕ್ಸ್‌ವಿಲ್‌, ಮೇರಿಲೆಂಡ್‌ [email protected] ಎಮ್ಮ ಮನೆ ಹಿತ್ತಲಲಿ ಬೆಳೆದಿದ್ದೆ ನೀ ಚಿಟ್ಟೆ ಮೊರದಂಥ ಹಿರಿರೆಕ್ಕೆ, ಕಡ್ಡಿಯಂತಹ ಹೊಟ್ಟೆ ಹೂವಿಂದ ಹೂಗಳಿಗೆ ಹಾರುತ್ತ ಮುತ್ತಿಟ್ಟೆ ಎಮ್ಮ ತೋಟಕೆ ಬಹಳ ಚೆಂದವನು ನೀ ಕೊಟ್ಟೆ. ಒಮ್ಮೆ ಮುಂಬಾಗಿಲಿಗೆ ನೀನಂಟಿ ಕುಳಿತಿದ್ದೆ ಹೆಮ್ಮೆಯಿಂದಲಿ ನಿನ್ನ ಬಣ್ಣಗಳ ತೋರಿದ್ದೆ ಎಲೆ ಚಿಟ್ಟೆ ! ಅಲುಗಾಟವೆಲ್ಲವನು ಬಿಟ್ಟಿದ್ದೆ ಕಲೆಗಾರ ಕೊರೆದಿದ್ದ ಚಿತ್ರದೊಲು ನೀನಿದ್ದೆ. ಬದುಕಿಹೆಯಾ ಸತ್ತಿಹೆಯಾ ಎಂಬ ಸಂಶಯ ಬರಲು ಮೆಲ್ಲ ನಾ ನಿನ್ನ ಬಳಿ ಕಿರುಬೆರಳ ತರುತಿರಲು ‘ಇದುವೆಂಥ ಕೊರಡೆನ್ನ ಕೊಲ್ಲ ಬರುವುದೊ’ ಎಂದು ಅಲ್ಲಿಂದ ಹಾರುತಲಿ ಹೊರಹೊರಟೆ ನೀನಂದು. ಬಾಂಗಣದ ಬಿಲ್ಲಿನೊಲು ಬಲು ಬಣ್ಣವಿಹ ಚಿಟ್ಟೆ! Lawn mower ಅಡಿಗೆರಗಲೇಕೆ ನೀ ಮನವಿಟ್ಟೆ ? ಜನುಮ ಬದಲಿಸೆ ಬೇಗ ಜೀವವನು ನೀ ಬಿಟ್ಟೆ ; ನಿನಗೆ ಬೇಸರವಾಯ್ತೆ ಹಿರಿರೆಕ್ಕೆ ಕಿರಿಹೊಟ್ಟೆ ? Post your views

ಮುಖಪುಟ / ಎನ್‌ಆರ್‌ಐ