ಸಮಕಾಲೀನ ಗಾದೆಗಳು
ಕುಂಭಾಸಿ
ಶ್ರೀನಿವಾಸ
ಭಟ್,
ಟ್ರಾಯ್,
ಮಿಶಿಗನ್ [email protected] |
1. ಕಸ್ಟಮ್ಸ್ ಅಫೀಸಿನವರ ಮುಂದೆ ಕಷ್ಟ ಸುಖ ಹೇಳಿಕೊಂಡರಂತೆ
2. ಸತ್ಯನಾರಾಯಣ ಪೂಜೆಗೆ ಕರೆದರೆ ಸ್ಕಾಚ್ ಸರ್ವ್ ಮಾಡುತ್ತೀರ ಎಂದು ಕೇಳಿದರಂತೆ
3. ಊರಿಗೆ ಬಂದವರು ಕನ್ನಡ ಕೂಟಕ್ಕೆ ಬರದೆ ಇರುತ್ತಾರೆಯೇ
4. ಹೇಳೋದು ವೇದ, ತಿನ್ನೋದು ಹ್ಯಾಂಬರ್ಗರ್
5. ಮದುವೆ ಮಾಡಿ ನೋಡು, ಮನೆ ಕಟ್ಟಿ ನೋಡು, ಕನ್ನಡ ಕೂಟದ ಕಮಿಟಿಯಲ್ಲಿ ಕೆಲಸ ಮಾಡಿ ನೋಡು
6. ರೂಮು ಕ್ಲೀನ್ ಮಾಡಿಕೊಳ್ಳೊ ಮಗು ಎಂದರೆ ಡಾಲರ್ ಎಷ್ಟು ಕೊಡುತ್ತೀಯಾ ಎಂದನಂತೆ
7. ಜಾಗ್ ಮಾಡೋಕೆ ಮನಸ್ಸಿಲ್ಲದ್ದಕ್ಕೆ ರಸ್ತೆ ಅನ್ಸೇಫ್ ಎಂದನಂತೆ
8. ಗಂಡ ಹೆಂಡಿರ ಜಗಳದಲ್ಲಿ ಲಾಯರ್ ಮಿಲಿನಿಯರ್ ಆದ
9 ರೆಫ್ರಿಜಿರೇಟರು ಇಟ್ಟುಕೊಂಡು ತಂಗಳು ತಿನ್ನೋದಿಲ್ಲ ಎನ್ನೋಕೆ ಆಗುತ್ಯೇ
10. ಕೆಲಸ ಜಾಸ್ತಿ ಮಾಡು ಎಂದರೆ ಸೂ ಮಾಡುತ್ತೀನಿ ಎಂದನಂತೆ
11. ಅತ್ತೂ ಕರೆದು ಔತಣಕ್ಕೆ ಹೇಳಿಸಿಕೊಂಡು ಡಯಟ್ನಲ್ಲಿ ಇದ್ದೀನಿ ಎಂದನಂತೆ
12. ಮೂಗು ಚುಚ್ಚಿಸಿಕೊಳ್ಳೋಕೆ ಮನಸ್ಸಿಲ್ಲದವಳು ನಾಲಿಗೆ, ತುಟಿ ಎಲ್ಲ ಚುಚ್ಚಿಸಿಕೊಂಡಳಂತೆ
13. ಕಿವಿಗಿಂತ ಕಿವಿ ರಿಂಗುಗಳೆ ಭಾರ
14. ಮ್ಯಾಕ್ಡಾನಲ್ಡಿಗೆ ಹೋಗಿ ಮಸಾಲೆ ದೋಸೆ ಕೇಳಿದರಂತೆ
15. ಕಂಪ್ಯುಟರ್ನಲ್ಲಿ ಕೆಲಸ ಮಾಡುವವರು ‘ಬಗ್ಸಿಗೆ’ ಹೆದರಿದರೆ ಆಗುತ್ತದೆಯೇ?
16. ಶರ್ಲೀ ಮೆಕ್ಲೇನ್ಗೂ ಶಿವರಾತ್ರಿಗೂ ಏನು ಸಂಬಂಧ ?
17. ಗ್ರೀನ್ ಕಾರ್ಡಿದೆ ಅಂತ ಹೆಣ್ಣು ಕೊಟ್ಟರೆ ಹೆಚ್-1 ವೀಸಾ ಎಂತ ಮೋಸ ಮಾಡೊದೆ?
18. ‘ಬಗ್ಸ್’ಗೆ ಚೆಲ್ಲಾಟ, ‘ಮೌಸ್’ಗೆ ಪ್ರಾಣ ಸಂಕಟ
19. ಇಂಟರ್ನೆಟ್ ಮೇಲೆ ಆಸೆ, ಮಕ್ಕಳ ಮೇಲೆ ಪ್ರೀತಿ
20. ಬೇಸಿಗೆಯಲ್ಲಿ ಲಾನ್ ಮೋವೆರ್ ಕಾಟ, ಚಳಿಗಾಲದಲ್ಲಿ ಸ್ನೋ ಬ್ಲೋಯರ್ ಕಾಟ
21. ಪೂಜೆಗೆ ಬಾರೊ ಎಂದರೆ ಅಡಿಗೆ ಏನು ಎಂದು ಕೇಳಿದನಂತೆ
22. ಕ್ರಿಯೆ ಮಾಡೋಕೆ ಬಂದವರಿಗೂ ಕ್ಯಾಪ್ಯುಚಿನೋ ಕಾಫಿ ಆಗಬೇಕಂತೆ
23. ದೊಡ್ಡ ಮನೆ ತೆಗೆದುಕೊಂಡು ಪ್ರಾಪರ್ಟಿ ಟ್ಯಾಕ್ಸಿಗೆ ಹೆದರಿದರೆ ಆಗುತ್ತದೆಯೇ?
24. ಬೆಳಿಗ್ಗೆ ಭರತ ನಾಟ್ಯ; ಸಂಜೆ ಬೆಲ್ಲಿ ಡ್ಯಾನ್ಸು
25. ಓಪನ್ ಹೌಸಿಗೆ ಬಂದವರೊಡನೆ ಕೋಪ ಮಾಡಿ ಕೊಂಡರಂತೆ!
26. ಸಂಸಾರ ರಥ ಎಳಿಯೇ ಎಂದರೆ ಸಂಗೀತ ಕಲಿಯೋಕೆ ಹೋಗಬೇಕು ಎಂದಳಂತೆ
27. ಗರಾಜ್ ಸೇಲ್ ಎಂತ ಗುಜರಿ ಸಾಮಾನು ಇಟ್ರೆ ಮಾರಾಟವಾಗುತ್ಯೆ ?
28. ಲೇಟೆಸ್ಟ್ ಮಾಡೆಲ್ ಡಿಶ್ವಾಶರ್ ಇಟ್ಕೊಂಡು ದಿನವೆಲ್ಲಾ ಪಾತ್ರ ತೊಳೆದರಂತೆ!
29. ಟೋಲ್ ರೋಡಿನಲ್ಲಿ ಡ್ರೈವ್ ಮಾಡಿದರೂ ಟಿಕೆಟ್ ಕೊಡೋದು ತಪ್ಪಲಿಲ್ಲ
30. ಸ್ಪೀಡ್ ಹೋಗೋದೂ ಸಾಕು, ಟಿಕೆಟ್ ಕಟ್ಟೋದೂ ಸಾಕು
31. ಫ್ರೀ ಸೆಲ್ ಫೋನ್ ಟೈಂ ಇದೆ ಅಂತ ಸಿಕ್ಕಾಪಟ್ಟೆ ಮಾತಾಡೋದೆ?