• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಸೀಳ್ಗವನಗಳು’-ಒಂದು ಅಪೂರ್ವ ಕವನ ಸಂಕಲನ :ಭಾಗ-2

By Staff
|

ಬಹಳ ಕಷ್ಟಪಟ್ಟು ದಡಬಡನೆ ಹತ್ತಿರಬೇಕು ಬೆಟ್ಟವನ್ನ, ಏಕೆಂದರೆ ಅವರುಗಳು ಅಲ್ಲಿಂದಲೇ-

‘ಸಾರಿಯೇ ಸಾರಿದರು, ಮೇಲುಸಿರು ಸೂಸಿದರು
ಸಾರಿದಾ ಸಂದೇಶ ಸಂದೇಹವಾಗೆ ! ’

(ಪದ್ಯ : ‘ಸಂದೇಶ ಸಂದೇಹವಾಗೆ’)

‘ಕುರಿತು ಏನನ್ನೂ ಓದದೆಯುಂ ಆಗಿರುವ ಪರಿಣತ-ಮತಿಗಳೇ’

ಕುಕವಿ ನಿಂದೆಗೆ ಆಹಾರವಾಗುವ ಕವನಗಳು ತುಂಬಿರುವ ಈ ಸಂಕಲನದಲ್ಲಿ ಹೆಜ್ಜೆಹೆಜ್ಜೆಗೂ ‘ನಿಮಗೆ ಎಟುಕದ ಹಣ್ಣಿನತ್ತ ಕೈಯೆತ್ತಿ ಹಾರುತ್ತ ಅಪಹಾಸ್ಯಕ್ಕೀಡಾಗುವ ಕುಬ್ಜರಾಗಬೇಡಿ’ ಎಂಬ ಹಿತವಚನ ಹಿನ್ನೆಲೆಯಲ್ಲಿದೆ. ಶ್ರೀವಿಜಯನ ಪ್ರಕಾರ ‘ಕುರಿತೋದದೆಯುಂ ಪರಿಣತ ಮತಿಗಳೇ’ ತುಂಬಿರುವ ನಮ್ಮ ನಾಡಿನ ಕಬ್ಬಿಗ ಗಬ್ಬಿಲರ ಪಾಡಿಗೆ ಇನ್ನೊಂದು ಉದಾಹರಣೆ ನೋಡಿ:

‘ಕನ್ನಾಡ ಧೂಳಿನಲಿ ಹೊರಳಿದವರೆಲ್ಲರೂ
ಕವಿಗಳೇ ಇರಬೇಕು ಎಂದ ನೃಪತುಂಗ.
ಅವನ ನುಡಿಗೆ ಎಂದೆಂದೂ ಬರಲಾರದೈ ಭಂಗ !

ಅಂದಿನಿಂ ನೆಲದ ಗುಣ ಮೆರಸಲಿಕೆಂದು
ತೊದಲಿದರು ನೋಡದೆಯೆ ಹಿಂದುಮುಂದು.

ತಿಕ್ಕಿ ತೀಡುತ ಭಾವ, ನುಡಿಗಳನು ಉಗುಳಿದರು;
ಸರಸತಿಯ ಕಗ್ಗಾಡ ಕಸಕಡ್ಡಿಗಳ ಹೆಕ್ಕಿ
ಬಿಕ್ಕಿದರು ನಾಲ್ದೆಸೆಗೆ, ಕಾವ್ಯದಾ ರೆಕ್ಕೆ.

ಬಿಡಲಿಲ್ಲ ಅಷ್ಟಕ್ಕೆ - ಲೆಕ್ಕಣಿಕೆಯ ಪಿಡಿದು
ಗುಡುಗುಡಿಸಿ ನುಡಿಗಳನು ಗೀಚಿಯೇ ಗೀಚಿದರು;

ಬಾಚಿದೆಲ್ಲವೂ ಶಬುದ,
ಗೀಚಿದೆಲ್ಲವೂ ಕವನ!
ತುಂಬಿಸಿಡಲವನ್ನೆಲ್ಲ ಕಟ್ಟಿದರು ಭವನ!

ಅದು ಹಡೆಯಿತೊಂದು ದಿನ
ಕಿರಿಕಿರಿಯ ಕೂಸು ಮರಿ; ಮರಿಕೂಸು !

ಕಾವ್ಯ ಮಂದಿರ ಕಂಡು ಬೆರಗಾಯ್ತು, ಬಲು ಬೆರಗು
‘ಮಾತಿನಿಂದಲೇ ಆಯ್ತು -
ಈ ಭವ್ಯಾನುಭವ್ಯ ವಾಸ್ತು !
ನಿಬ್ಬೆರಗಿನಿಂ ನಾನು ಬಿದ್ದಿಹೆನು ಬೇಸ್ತು!
ಇರುವ+ಒಂದು ಜಿಹ್ವೆಯನು ಅರ್ಪಿಸುವೆ ಅಸ್ತು !’



(ಕನ್ನಾಡ ಕೂಸು ಮರಿ ...)

ಹಾಗಾದರೆ, ಕೇಳುತ್ತೀರಾ ? ‘‘ ಯಾಕೆ ನೀ ಆಗಿಲ್ಲ ಕವಿ ? ’’ ಉತ್ತರಿಸುತ್ತಾರೆ, ಅದೇ ಶೀರ್ಷಿಕೆಯ ಕವನದಲ್ಲಿ. ‘ನಾನೃಷಿ : ಕುರುತೇ ಕಾವ್ಯಮ್‌’ ಎಂಬುದರ ಅರ್ಥವನ್ನ ತಮಗೆ ತೋಚಿದಂತೆ ಹಿಗ್ಗಿಸಿಕೊಂಡು ‘‘ ತಾನು ಕವಿ, ತಾನು ಕವಿ ’’ ಎನ್ನುತ್ತ ಕಿವಿಗಡಚಿಕ್ಕುವಾ ತೆರದಿ ಸಾರಿ ಕೊಬ್ಬಿದ ಜನರೂ ’ ಇದ್ದಾರೆ, ಕೆಲವರು. ಅವರಿಗೆ ವಿಭಿನ್ನವಾಗಿ, ನೂರಾ ಹದಿನೆಂಟು ಡಿಗ್ರಿ ವಿಮುಖರಾಗಿ ಇನ್ನು ಕೆಲವರು ‘ಬಾಳಿನಲಿ ಬೆಳಕು ಮಿಂಚುತ ಸರಿದ ಹಿರಿಯರು ಇದ್ದೆ ಇಹರು’. ಅವರನ್ನು ನೆನೆಯುತ್ತ, ಹೇಳುತ್ತಾರೆ :

‘ ಎಳೆತನದಿ ಆ ಗುಂಗು ನನಗಂಟಿಕೊಳಲಿಲ್ಲ ;
ಲೋಕ ಕಾಣದ ಸತ್ಯ
ನನಗೆ ಸಿಕ್ಕೀತೆಂದು ಎಣಿಸಲಿಲ್ಲ.
ಮಾತನಾಡಲು ಕಲಿತೆ- ನನ್ನ ಮನವನು ತಿಳಿಸೆ,
ಮಾತನಾಡಲು ಕಲಿತೆ- ಪರರ ಇಂಗಿತ ಅರಿಯೆ,
ಅವರ ಎಡೆ ಬಾಳ ಸವೆ ಅದು ಬೇಕೇ ಬೇಕು;
ಅದಕಿಂತ ಹೆಚ್ಚೇನು ಬಯಸಲಿಲ್ಲ.
ಮಾತೆ ಆಯಿತು ನನ್ನ ತಾಯಿ ತಂದೆ !’






(ಯಾಕೆ ನೀ ಆಗಿಲ್ಲ ಕವಿ )

- ಎಂದು ವಿನಯದಿಂದ ಹೇಳಿಕೊಳ್ಳುತ್ತಾರೆ. ಮುಂದುವರಿದು ‘ತಮಗೆ ಅರಿವು ಹೊಳೆಯದೆಯು । ಸಾರಿ ಸರಿದರು ತಮ್ಮ ತತ್ವಗಳ ಮಿಂಚಿ....’ ‘ ತಮ್ಮ ಪಾಲಿನ ತಿಳಿವ ಬೀರಿ ಹೋದರು ಕೆಲರು ’ ‘ ಅಂಥ ಹಿರಿಮೆಯು ನನಗೆ ಬಂದಿತಾದರೆ ಕೇಳು । ಆ ಅರಿವು ಆ ಮಾತು ಮೊದಲು ನಡೆಸಲಿ ಬಾಳು !’ ಎನ್ನುತ್ತಾರೆ. ಎತ್ತರಕ್ಕೆ ಬೆಳೆದ ಉದ್ದನೆಯ ಈ ಮರ ಎಷ್ಟೊಂದು ಬಗ್ಗಿದೆ (‘ವಿನಮ್ರ’ವಾಗಿದೆ)!

ಆದರೆ, ಅರ್ಥ ಶೂನ್ಯತೆ, ಅರ್ಥರಾಹಿತ್ಯ ಮತ್ತು ಅರ್ಥ ವೈಪರೀತ್ಯಗಳನ್ನು ಕೆಣಕಿ ಕುಟುಕುವುದರಲ್ಲಿ ಎತ್ತಿದ ಕೈ. ಇಲ್ಲಿ ನೋಡಿ :

‘.....ಮುಂಗಾಲದಲಿ ಜನತೆ ಹೇಗೆ ಬಾಳಲು ಬೇಕು
ಎಂಬ ಹೊಣೆ ಹೊತ್ತಿರುವ ಕವಿ ಪುಂಗವರು, ನಾವು.
ಈಗಿನವರು, ತಿತ್ತೀರ ಈಚಿನವರು, ಈಚೀಚಿನವರು
ಹಳಸಿರುವ ಶಬ್ದಗಳ ಬಳಸಿರುವ ಅರ್ಥಗಳ
ಈ ಅರ್ಥಗಳಿಗೇ ಬಂದಿಹ ವಾಗಂಶಗಳ
ಬಿಗಿದ ನಿರ್ಬಂಧಗಳ ಹರಿದು ಒಗೆದು...’




ತನ್ಮೂಲಕ ಹೊಸ ಹೊಸ ಅರ್ಥ ವೈಶಾಲ್ಯವನ್ನ ಬಾಹುಳ್ಯವನ್ನ ವಿಸ್ತಾರವನ್ನ ಸೃಜಿಸುವ

‘ನಮ್ಮ ಕವನಗಳೋದಿ ಅರ್ಥವಾಗದೆ ಹೋಗೆ,
ನಾವು ಹೊಣೆಗಾರರಲ್ಲ !....’

(ಎಚ್ಚರಿಕೆ ನೋಡು)

ಎನ್ನುವ ‘ ತೊದಲು ಭಾಷೆಗೆ ಹಿಗ್ಗಿ ಕಿಗ್ಗವಿಗಳಾದವರನ್ನ ’ಕಂಡು ಭರ್ತ್ಸನೆ ಮಾಡುತ್ತಾರೆ.

ಸಾಹಿತ್ಯ ಸೊಗಡು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more