ಚೀನಾದ ಕ್ಸಿನ್ಜಿಯಾಂಗ್ ಪ್ರದೇಶದಿಂದ ಆಮದು ನಿಷೇಧ ಹೇರಿದ ಯುಎಸ್
ವಾಷಿಂಗ್ಟನ್, ಡಿಸೆಂಬರ್ 9: ಚೀನಾದ ಕ್ಸಿನ್ಜಿಯಾಂಗ್ ಪ್ರದೇಶದಿಂದ ಆಮದು ಮಾಡಿಕೊಳ್ಳುವುದನ್ನು ನಿಷೇಧಿಸಲು ಯುಎಸ್ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ನಿರ್ಧರಿಸಿದೆ. ಈ ಕುರಿತಂತೆ ಬುಧವಾರದಂದು 428-1 ಮತ ಚಲಾವಣೆಯಾಗಿದೆ. ಚೀನಾದ ಕ್ಸಿನ್ಜಿಯಾಂಗ್ ಪ್ರದೇಶದಲ್ಲಿನ ಅಧಿಕಾರಿಗಳು ಬಲವಂತದ ಕಾರ್ಮಿಕ ಮತ್ತು ಜೀತಪದ್ಧತಿಯಂಥ ಕ್ಯಾಂಪ್ಗಳನ್ನು ನಡೆಸುತ್ತಿದ್ದಾರೆ ಮತ್ತು ಉಯ್ಘರ್ ಮುಸ್ಲಿಂ ಅಲ್ಪಸಂಖ್ಯಾತರ ವಿರುದ್ಧ ನರಮೇಧದ ಕೃತ್ಯಗಳನ್ನು ಮಾಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.
"ಉಯ್ಘರ್ ಫೋರ್ಸ್ಡ್ ಲೇಬರ್ ಪ್ರಿವೆನ್ಶನ್ ಆಕ್ಟ್" ಕಾನೂನಿನ ಮೂಲಕ ಕ್ಸಿನ್ಜಿಯಾಂಗ್ನಿಂದ ಆಮದುಗಳನ್ನು ನಿಷೇಧಿಸುತ್ತದೆಯಾದರೂ, ಆಮದಾದ ಉತ್ಪನ್ನ ಬಲವಂತದ ಕಾರ್ಮಿಕರಿಂದ ತಯಾರಿಸಲ್ಪಟ್ಟ ಉತ್ಪನ್ನಗಳನ್ನು ಅಲ್ಲ ಎಂಬುದನ್ನು ಯುಎಸ್ ಸರ್ಕಾರ ನಿರ್ಧರಿಸಲಿದೆ.
ಈ ವರ್ಷದ ಆರಂಭದಲ್ಲಿ, ಕ್ಸಿನ್ಜಿಯಾಂಗ್ನಲ್ಲಿ ತೊಡಗಿಸಿಕೊಂಡಿರುವ ವ್ಯವಹಾರಗಳು "ಹೆಚ್ಚಿನ ಅಪಾಯ" ದಲ್ಲಿ ತೊಡಗಿವೆ ಎಂದು ಯುಎಸ್ ಅಧ್ಯಕ್ಷ ಬೈಡೆನ್ ಅವರು ಬಲವಂತದ ಕಾರ್ಮಿಕರ ಮೇಲೆ ಯುಎಸ್ ಕಾನೂನುಗಳನ್ನು ಉಲ್ಲಂಘಿಸಬಹುದು ಎಂದು ಎಚ್ಚರಿಸಿದ್ದರು.
ಕ್ಸಿನ್ಜಿಯಾಂಗ್ನಲ್ಲಿನ ಮಾನವ ಹಕ್ಕುಗಳ ಕಾಳಜಿಯ ಮೇಲೆ ಈ ಚಳಿಗಾಲದಲ್ಲಿ ಬೀಜಿಂಗ್ ಒಲಿಂಪಿಕ್ಸ್ನ ರಾಜತಾಂತ್ರಿಕ ಬಹಿಷ್ಕಾರವನ್ನು ಯುಎಸ್ ಘೋಷಿಸಿದ ದಿನಗಳ ನಂತರ ಮಸೂದೆ ಮತ್ತು ಅದರ ಸರ್ವಾನುಮತದ ಉಭಯಪಕ್ಷೀಯ ಅನುಮೋದನೆಯು ಪಡೆದುಕೊಂಡಿದೆ.
ಚಳಿಗಾಲದ ಒಲಿಂಪಿಕ್ಸ್ಗೆ ರಾಜತಾಂತ್ರಿಕ ಬಹಿಷ್ಕಾರ
ಚೀನಾದಲ್ಲಿ 2022ರ ಫೆಬ್ರವರಿಯಲ್ಲಿ ನಿಗದಿಯಾಗಿರುವ ಚಳಿಗಾಲದ ಒಲಿಂಪಿಕ್ಸ್ ಈಗ ವಿಶ್ವಮಟ್ಟದ ರಾಜಕಾರಣದ ಕೇಂದ್ರಬಿಂದುವಾಗಿದೆ. ಈ ಕ್ರೀಡಾಕೂಟಕ್ಕೆ ಅಮೆರಿಕ ರಾಜತಾಂತ್ರಿಕ ಬಹಿಷ್ಕಾರ ಹಾಕಿದ ಬೆನ್ನಲ್ಲೇ ಕ್ಸಿನ್ಜಿಯಾಂಗ್ನ ಉತ್ಪನ್ನಗಳ ಆಮದು ಮೇಲೆ ನಿಷೇಧ ಹೇರಲಾಗಿದೆ.
ಅಮೆರಿಕ ಅಲ್ಲದೇ ಆಸ್ಟ್ರೇಲಿಯಾ ಕೂಡ ಅದೇ ಹಾದಿ ಹಿಡಿದಿದೆ. ಈ ಬಗ್ಗೆ ಆಸ್ಟ್ರೇಲಿಯಾದ ಪ್ರಧಾನ ಸ್ಕಾಟ್ ಮಾರಿಸನ್ ಮಾಹಿತಿ ನೀಡಿದ್ದು ಬೀಜಿಂಗ್ನಲ್ಲಿ ನಡೆಯಲಿರುವ ಚಳಿಗಾಲದ ಒಲಿಂಪಿಕ್ಸ್ಗೆ ಆಸ್ಟ್ರೇಲಿಯಾ ಅಧಿಕಾರಿಗಳನ್ನು ಕಳುಹಿಸುವುದಿಲ್ಲ ಎಂದಿದ್ದಾರೆ. ಈ ಮೂಲಕ ಯುಎಸ್ಎ ನಿರ್ಧಾರಕ್ಕೆ ಆಸ್ಟ್ರೇಲಿಯಾ ಕೂಡ ಸಾಥ್ ನೀಡಿದೆ.
ಆದರೆ ಆಸ್ಟ್ರೇಲಿಯಾದ ಕ್ರೀಡಾಪಟುಗಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದ್ದಾರೆ ಎಂಬುದಾಗಿಯೂ ಆಸ್ಟ್ರೇಲಿಯಾ ಪ್ರಧಾನಿ ತಿಳಿಸಿದ್ದಾರೆ. "ನಾವು ರಾಜತಾಂತ್ರಿಕ ಬಹಿಷ್ಕಾರವನ್ನು ಮಾತ್ರವೇ ಹೇರುತ್ತಿದ್ದೇವೆ, ಆಸ್ಟ್ರೇಲಿಯಾ ಒಂದು ಕ್ರೀಡಾದೇಶವಾಗಿರುವ ಕಾರಣ ಇಲ್ಲಿನ ಕ್ರೀಡಾಪಟುಗಳು ಈ ಕ್ರೀಡಾಕೂಟದಲ್ಲಿ ಖಂಡಿತವಾಗಿಯೂ ಭಾಗವಹಿಸಲಿದ್ದಾರೆ. ನಾನು ಕ್ರೀಡೆ ಹಾಗೂ ರಾಜಕೀಯ ಸಮಸ್ಯೆಯನ್ನು ಪ್ರತ್ಯೇಕವಾಗಿ ನೋಡಲು ಬಯಸುತ್ತೇನೆ. ಇದು ಎರಡು ಸರ್ಕಾರಗಳ ನಡುವಿನ ಸಮಸ್ಯೆಯಾಗಿದ್ದು ಅವುಗಳ ಪರಿಹಾರಕ್ಕೆ ನಾನು ಬಯಸುತ್ತೇನೆ" ಎಂದು ಸ್ಕಾಟ್ ಮಾರಿಸನ್ ಹೇಳಿದ್ದಾರೆ.
Recommended Video
ಚೀನಾದ ಕ್ಸಿಜಿಯಾಂಗ್ ಪ್ರಾಂತ್ಯದಲ್ಲಿ ಉಯ್ಘರ್ ಮುಸ್ಲಿಮರ ಮೇಲೆ ಚೀನಾ ನಡೆಸುತ್ತಿರುವ ಹಾಗೂ ದಬ್ಬಾಳಿಕೆ ಹಾಗೂ ದೌರ್ಜನ್ಯಗಳು ಮಾನವ ಹಕ್ಕುಗಳ ಉಲ್ಲಂಘನೆಯಾಗಿದೆ. ಈ ಕಾರಣಗಳಿಂದಾಗಿ ನಾವು ಚೀನಾದ ಬೀಜಿಂಗ್ನಲ್ಲಿ ನಡೆಯಲಿರುವ ಚಳಿಗಾಲದ ಒಲಿಂಪಿಕ್ಸ್ಗೆ ನಾವು ಬಹಿಷ್ಕಾರ ಹಾಕುವುದಾಗಿ ಅಮೆರಿಕ ತಿಳಿಸಿತ್ತು. ರಾಜತಾಂತ್ರಿಕ ಬಹಿಷ್ಕಾರದ ನಿರ್ಧಾರವನ್ನು ತಿಳಿಸುವ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ಪ್ರಧಾನಿ ಮಾರಿಸನ್ ಕೂಡ ಈ ವಿಚಾರವನ್ನು ಪ್ರಸ್ತಾಪಿಸಿದ್ದಾರೆ. ಉಯ್ಘರ್ ಮುಸ್ಲಿಮರ ಮೇಲೆ ನಡೆಯುತ್ತಿರುವ ದೌರ್ಜನ್ಯವನ್ನು ತಡೆಯುವಂತೆ ಆಸ್ಟ್ರೇಲಿಯಾ ಸರ್ಕಾರ ಒತ್ತಾಯಿಸಿದರೂ ಈ ಬಗ್ಗೆ ಚೀನಾ ಕ್ರಮವನ್ನು ಕೈಗೊಳ್ಳಲಿಲ್ಲ. ಆಸ್ಟ್ರೇಲಿಯಾ ಸರ್ಕಾರದ ಈ ರಾಜತಾಂತ್ರಿಕ ಬಹಿಷ್ಕಾರಕ್ಕೆ ಇದು ಕೂಡ ಒಂದು ಕಾರಣವಾಗಿದೆ ಎಂದು ಸ್ಕಾಟ್ ಮಾರಿಸನ್ ತಿಳಿಸಿದ್ದಾರೆ. (Reuters)
Click it and Unblock the Notifications
Sign in with Google