ಅಮೆರಿಕದಲ್ಲಿ ಅಗ್ನಿ ಆಕಸ್ಮಿಕ: ತೆಲಂಗಾಣ ಮೂಲದ ಮೂವರು ಮಕ್ಕಳು ಸಾವು
ಕಾಲಿರ್ ವಿಲ್ಲೆ, ಡಿಸೆಂಬರ್ 27: ಅಮೆರಿಕದ ಕಾಲರ್ ವಿಲ್ಲೆ ಎಂಬಲ್ಲಿ ಕ್ರಿಸ್ಮಸ್ ಆಚರಣೆಯ ಸಮಯದಲ್ಲಿ ನಡೆದ ಅಗ್ನಿ ಆಕಸ್ಮಿಕದಲ್ಲಿ ತೆಲಂಗಾಣ ಮೂಲದ ಮೂವರು ಮಕ್ಕಳು ಬಲಿಯಾದ ದುರ್ಘಟನೆ ಮಂಗಳವಾರ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಸಾತ್ವಿಕ್, ಜಾಯ್ ಮತ್ತು ಸುಹಾಸ್ ಎಂಬ ಮೂವರು ಮಕ್ಕಳೂ ಅಮೆರಿಕದ ಕಾಲರ್ ವಿಲ್ಲೆಯಲ್ಲಿ ಓದುತ್ತಿದ್ದರು. ಅವರ ತಂದೆ ಶ್ರೀನಿವಾಸ್ ನಾಯಕ್ ಮತ್ತು ಸುಜಾತಾ ನಾಯಕ್, ನಲ್ಗೊಂಡ ಜಿಲ್ಲೆಯಲ್ಲಿ ಶಾಲೆಯೊಂದನ್ನು ನಡೆಸುತ್ತಿದ್ದರು.
ಅಮೆರಿಕದಲ್ಲಿ ವಾಸವಿದ್ದ ಇವರ ಮಕ್ಕಳು ಕ್ರಿಸ್ಮಸ್ ಆಚರಿಸುತ್ತಿದ್ದ ಸಮಯದಲ್ಲಿ ಮನೆಯಲ್ಲಿ ಅಗ್ನಿ ಆಕಸ್ಮಿಕ ಸಂಭವಿಸಿದ್ದು, ಘಟನೆಯಲ್ಲಿ ಮೂವರು ಮೃತರಾಗಿದ್ದು, ಜೊತೆಗಿದ್ದ ಮೂವರು ಸ್ನೇಹಿತರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಅಗ್ನಿ ಆಕಸ್ಮಿಕ ಸಂಭವಿಸುವ ಕೆಲವೇ ಕ್ಷಣ ಮೊದಲು ಮಕ್ಕಳು ಮನೆಗೆ ಫೋನಾಯಿಸಿ ತಂದೆ-ತಾಯಿಗೊಂದಿಗೆ ಮಾತನಾಡಿ ಕ್ರಿಸ್ಮೆಸ್ ಶುಭಾಶಯ ಕೋರಿದ್ದರು ಎಂದು ತಂದೆ ಶ್ರೀನಿವಾಸ್ ನಾಯಕ್ ಕಣ್ಣೀರಿಟ್ತಿದ್ದಾರೆ.
Click it and Unblock the Notifications
Sign in with Google