ಆದಿವಾಸಿ ಮಕ್ಕಳ ಆನ್ಲೈನ್ ತರಗತಿಗಾಗಿ ಟಿವಿ ಕೊಟ್ಟ ರಾಹುಲ್
ತಿರುವನಂತಪುರಂ, ಜುಲೈ 02 : ಕೇರಳದ ವಯನಾಡು ಕ್ಷೇತ್ರದ ಸಂಸದ ರಾಹುಲ್ ಗಾಂಧಿ ಆದಿವಾಸಿ ವಿದ್ಯಾರ್ಥಿಗಳ ಆನ್ಲೈನ್ ತರಗತಿಗಾಗಿ 175 ಸ್ಮಾರ್ಟ್ ಟಿವಿಗಳನ್ನು ನೀಡಿದ್ದಾರೆ. ಇದಕ್ಕೂ ಮೊದಲು 50 ಟಿವಿಗಳನ್ನು ನೀಡಿದ್ದರು.
Recommended Video
ಕೊರೊನಾ ವೈರಸ್ ಲಾಕ್ ಡೌನ್ ಹಿನ್ನಲೆಯಲ್ಲಿ ಕೇರಳದಲ್ಲಿ ಆನ್ಲೈನ್ ಮೂಲಕ ತರಗತಿಗಳನ್ನು ನಡೆಸಲಾಗುತ್ತಿದೆ. ವಯನಾಡು ಕ್ಷೇತ್ರದ ಕಲ್ಪೆಟ್ಟೆ ಪಟ್ಟಣದ ಆದಿವಾಸಿ ವಿದ್ಯಾರ್ಥಿಗಳ ತರಗತಿಗಾಗಿ ಟಿವಿಗಳನ್ನು ನೀಡಲಾಗಿದೆ.
ಕೇರಳ ಸರ್ಕಾರ 'ಫಸ್ಟ್ ಬೆಲ್' ಎಂಬ ಕಾರ್ಯಕ್ರಮದಡಿ ಆನ್ಲೈನ್ ತರಗತಿಗಳನ್ನು ನಡೆಸುತ್ತದೆ. ಕೆಐಟಿಇ ವಿಕ್ಟರ್ಸ್ ಸೇರಿದಂತೆ ವಿವಿಧ ಟಿವಿ ಚಾನೆಲ್ಗಳಲ್ಲಿ ಈ ತರಗತಿಗಳು ನೇರ ಪ್ರಸಾರವಾಗುತ್ತದೆ. ಆದರೆ, ಆದಿವಾಸಿ ವಿದ್ಯಾರ್ಥಿಗಳಿಗೆ ಟಿವಿಗಳ ವ್ಯವಸ್ಥೆ ಇರಲಿಲ್ಲ.
ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರಿಗೆ ರಾಹುಲ್ ಗಾಂಧಿ ಈ ಕುರಿತು ಪತ್ರವನ್ನು ಬರೆದಿದ್ದರು. ಆದಿವಾಸಿ ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ನೆರವು ನೀಡುವುದಾಗಿ ಹೇಳಿದ್ದರು. ಬುಧವಾರ 175 ಟಿವಿಗಳನ್ನು ವಿದ್ಯಾರ್ಥಿಗಳಿಗಾಗಿ ಕಳುಹಿಸಿಕೊಡಲಾಗಿದೆ. ರಾಹುಲ್ ಗಾಂಧಿ ಜನ್ಮದಿನಾಚರಣೆ ದಿನವಾದ ಜೂನ್ 19ರಂದು 50 ಟಿವಿಗಳನ್ನು ನೀಡಲಾಗಿತ್ತು.
A month ago, a student in Kerala died by suicide as she was unable to attend online classes during lockdown. Shri @RahulGandhi then promised to assist needy students in Wayanad, his constituency.
— Gaurav Pandhi (@GauravPandhi) July 2, 2020
Here are 175 Smart TVs, to be distributed to underprivileged students in Wayanad. pic.twitter.com/mwHi5Va1Ek
ವಿವಿಧ ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದಿದ್ದ ರಾಹುಲ್ ಗಾಂಧಿ ಆನ್ಲೈನ್ ಶಿಕ್ಷಣಕ್ಕಾಗಿ ಎಷ್ಟು ಮನೆಗಳಿಗೆ ಟಿವಿ, ಸ್ಮಾರ್ಟ್ ಪೋನ್ ಅಗತ್ಯವಿದೆ ಎಂದು ವರದಿ ಕೇಳಿದ್ದರು. ಜಿಲ್ಲಾಡಳಿತ ಆದಿವಾಸಿಗಳು ಇರುವ ಮನೆಗಳ ಪಟ್ಟಿಯನ್ನು ಕಳುಹಿಸಿಕೊಟ್ಟಿತ್ತು.
Click it and Unblock the Notifications
Sign in with Google