ಪುಲ್ವಾಮಾ ದಾಳಿಯಲ್ಲಿ RDX ಬಳಸಲಾಗಿಲ್ಲ: ಪ್ರಾಥಮಿಕ ತನಿಖೆ
ಜಮ್ಮು, ಫೆಬ್ರವರಿ 16: ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾದಲ್ಲಿ ಸಿಆರ್ ಪಿಎಫ್ ಯೋಧರ ಮೇಲೆ ನಡೆದ ಉಗ್ರದಾಳಿಯಲ್ಲಿ ಅಪಾಯಕಾರಿ ಸ್ಫೋಟಕವಾದ RDK ಅನ್ನು ಬಳಸಲಾಗಿಲ್ಲ ಎಂದು ತನಿಖೆ ತಿಳಿಸಿದೆ.
ಘಟನೆ ಕುರಿತು ನಡೆದ ಪ್ರಾಥಮಿಕ ತನಿಖೆಯಲ್ಲಿ ಈ ವಿಷಯ ಬಹಿರಂಗವಾಗಿದೆ.
ಗುಪ್ತಚರ ಇಲಾಖೆ ದಾರಿ ತಪ್ಪಿಸಲು ಉಗ್ರ ಸಂಘಟನೆಯ ಹೊಸ ತಂತ್ರ
ಗುರುವಾರ ಸಂಜೆ ನಡೆದ ದಾಳಿಯ ನಂತರ ಸ್ಥಳದಲ್ಲಿ ಸ್ಫೋಟಕಗಳ ಮಾದರಿಯನ್ನು ಸಂಗ್ರಹಿಸಿದ್ದ ರಾಷ್ಟ್ರೀಯ ತನಿಖಾ ದಳದ ತಂಡ ಫಾರೆನ್ಸಿಕ್ ತಜ್ಞರ ಮೂಲಕ ಅವುಗಳ ತನಿಖೆ ನಡೆಸಿದೆ. ಇದರಿಂದಾಗಿ ಈ ದಾಳಿಯಲ್ಲಿ ಆರ್ ಡಿಎಕ್ಸ್ ಅನ್ನು ಬಳಸಲಾಗಿಲ್ಲ ಎಂಬುದು ದೃಢವಾಗಿದೆ.
12ನೇ ತರಗತಿ ಪರೀಕ್ಷೆಗೆ ಹೋಗಿದ್ದ ಆದಿಲ್ ಮನೆಗೆ ಮರಳಲಿಲ್ಲ
ಸ್ಥಳೀಯವಾಗಿಯೇ ಖರೀದಿಸಲಾದ ಕೆಲವು ಸ್ಫೋಟಕಗಳನ್ನು ಈ ಘಟನೆಯಲ್ಲಿ ಬಳಸಲಾಗಿದ್ದು, ಇವು ತಪಾಸಣಾಧಿಕಾರಿಗಳಿಗೂ ಅನುಮಾನ ಬಾರದಂಥವಾಗಿದ್ದಿರಬಹುದು ಎನ್ನಲಾಗಿದೆ.
ಅದೂ ಅಲ್ಲದೆ, ಆತ್ಮಾಹುತಿ ದಾಳಿಕೋರ ಪಾಕ್ ಮೂಲದ ಜೈಷ್ ಇ ಮೊಹಮ್ಮದ್ ಸಂಘಟನೆಯ ಆದಿಲ್ ಅಹ್ಮದ್ ದಾರ್ ನ ಶವದ ಮರಣೋತ್ತರ ಪರೀಕ್ಷಿಯನ್ನೂ ಮಾಡಲಾಗಿದ್ದು, ಸ್ಫೋಟಕದ ಮಾದರಿ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.