ಅನಂತ್ ನಾಗ್ ಸ್ಫೋಟದಲ್ಲಿ ಬಳಸಿದ್ದು ಮೇಡ್ ಇನ್ ಚೀನಾ ಸ್ಟೀಲ್ ಬುಲೆಟ್!
ಶ್ರೀನಗರ, ಜೂನ್ 20: ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮದಲ್ಲಿ ಜೂನ್ 17 ರಂದು ಸಿಆರ್ ಪಿಎಫ್ ಯೋಧರ ವಾಹನದ ಮೇಲೆ ನಡೆದ ಗುಂಡಿನ ದಾಳಿಗೆ ಬಳಸಿದ್ದು ಸ್ಟೀಲ್ ಬುಲೆಟ್ ಗಳನ್ನು ಎಂಬ ಆಘಾತಕಾರಿ ಅಂಶ ಹೊರಬಿದ್ದಿದೆ.
ಮಾಮೂಲಿ ಬುಲೆಟ್ ಗಿಂತ ಹೆಚ್ಚು ಅಪಾಯಕಾರಿಯಾದ ಈ ಸ್ಟೀಲ್ ಬುಲೆಟ್ ಗಳು ಚೀನಾದಲ್ಲಿ ನಿರ್ಮಾಣವಾಗಿರುವಂಥವು ಎಂಬ ಅಂಶಗಳೂ ಪತ್ತೆಯಾಗಿವೆ.
ದಕ್ಷಿಣ ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯ ಅರಿಹಾಲ್ ಗ್ರಾಮದಲ್ಲಿ ಸೇನೆಯ ವಿಶೇಷ ಪಡೆಗಳ ಬೆಂಗಾವಲು ವಾಹನದ ಮೇಲೆ ಈ ಸುಧಾರಿತ ಸ್ಫೋಟಕ(ಐಇಡಿ)ದ ಮೂಲಕ ಉಗ್ರರು ದಾಳಿ ನಡೆಸಿದ್ದರು. ಈ ಸಂದರ್ಭದಲ್ಲಿ ಪ್ರತಿ ದಾಳಿ ನಡೆಸಿದ್ದ ಒಂಬತ್ತು ಯೋಧರು ಗಾಯಗೊಂಡಿದ್ದರು.
ಮರುದಿನವೇ ಅವರಲ್ಲಿ ಇಬ್ಬರು ಯೋಧರು ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದರು. ದಾಳಿಯ ಸಮಯದಲ್ಲಿ ಓರ್ವ ಉಗ್ರನನ್ನೂ ಕೊಲ್ಲಲಾಗಿತ್ತು, ಮತ್ತು ಆತನಿಂದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿತ್ತು. ಈ ಸಂದರ್ಭದಲ್ಲಿ ಆತನ ಬಳಿ ಇದ್ದ ಸ್ಟೀಲ್ ಬುಲೆಟ್ ಸಹ ತನಿಖಾಧಿಕಾರಿಗಳ ಕಣ್ಣಿಗೆ ಬಿದ್ದಿದೆ.
ಬುಲೆಟ್ ಪ್ರೂಫ್ ಜಾಕೆಟ್ ಹಾಕಿದ್ದರೂ ಸಹ ಅದನ್ನು ತೂರಿಹೋಗುವ ಸಾಮರ್ಥ್ಯವಿರುವ ಈ ಸ್ಟೀಲ್ ಬುಲೆಟ್ ಗಳು ಭಾರೀ ಅಪಾಯಕಾರಿಯಾಗಿವೆ. ಆದ್ದರಿಂದಲೇ ಈ ಘಟನೆಯಲ್ಲಿ ಯೋಧರು ತೀವ್ರವಾಗಿ ಗಾಯಗೊಂಡಿದ್ದರು.
ಜೈಶ್ ಇ ಮೊಹಮ್ಮದ್ ಉಗ್ರ ಸಂಘಟನೆ ತನ್ನ ದಾಳಿಯ ಸಂದರ್ಭದಲ್ಲೆಲ್ಲ ಇವೇ ಸ್ಟೀಲ್ ಬುಲೆಟ್ ಗಳನ್ನು ಬಳಸುತ್ತದೆ ಎನ್ನಲಾಗಿದೆ. ಡಿಸೆಂಬರ 27, 2017 ರಲ್ಲಿ ಜಮ್ಮು ಕಾಶ್ಮೀರದಲ್ಲಿ ನಡೆದ ದಾಳಿಯ ಸಂದರ್ಭದಲ್ಲಿ ಮೊದಲ ಬಾರಿಗೆ ಈ ಸ್ಟೀಲ್ ಬುಲೆಟ್ ಬಳಸಲಾಗಿತ್ತು.
Click it and Unblock the Notifications
Sign in with Google