ಅಂತಿಮ ಓವರ್ಗಳಲ್ಲಿ ಅಪಾಯಕಾರಿ ಬ್ಯಾಟರ್ ಯಾರು? ಧೋನಿ ಅಲ್ಲ! ಕೊಹ್ಲಿ ಯಾರ ಹೆಸರೇಳಿದ್ರು ಗೊತ್ತಾ?
ಕ್ರಿಕೆಟ್ ಇತಿಹಾಸದಲ್ಲಿ ಭಾರತದ ಹಲವು ಆಟಗಾರರು ಅತ್ಯುತ್ತಮ ಫಿನಿಶರ್ ಗಳು ಎಂದು ಹೆಸರು ಮಾಡಿದ್ದಾರೆ. ಎಂಎಸ್ ಧೋನಿ ಮತ್ತು ಯುವರಾಜ್ ಸಿಂಗ್ ಅವರನ್ನು ಅತ್ಯುತ್ತಮ ಫಿನಿಶರ್ ಗಳು ಎಂದು ಸಾಮಾನ್ಯವಾಗಿ ಅಭಿಮಾನಿಗಳು ನಂಬುತ್ತಾರೆ. ಅಂತಿಮ ಓವರ್ ಗಳಲ್ಲಿ ಇವರಿಬ್ಬರೂ ಪಂದ್ಯದ ಫಲಿತಾಂಶವನ್ನೇ ಬದಲಿಸುವ ಸಾಮರ್ಥ್ಯ ಹೊಂದಿದ್ದರು.
ಭಾರತದ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರು ವಿರಾಟ್ ಕೊಹ್ಲಿಯಲ್ಲಿ ಕೊನೆಯ ಓವರ್ ಗಳಲ್ಲಿ ಕಾಡಿದ ಆಟಗಾರ ಎನ್ನುವುದನ್ನು ಬಹಿರಂಗಪಡಿಸಿದ್ದಾರೆ. ಕೊಹ್ಲಿ ಪ್ರಕಾರ ಅಂತಿಮ ಓವರ್ ಗಳಲ್ಲಿ ಯಾವುದೇ ತಂಡದ ನಾಯಕನಿಗೆ ಭಯ ಹುಟ್ಟಿಸುವ ಆಟಗಾರ ಧೋನಿ ಅಲ್ಲ! ಬದಲಾಗಿ ಭಾರತ ತಂಡದ ಹಾಲಿ ನಾಯಕ ರೋಹಿತ್ ಶರ್ಮಾ.
ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿನ ಚಾಟ್ನಲ್ಲಿ, ರವಿಚಂದ್ರನ್ ಅಶ್ವಿನ್ ಅವರು ಕೊಹ್ಲಿ ಜೊತೆಗಿನ ಸಂಭಾಷಣೆ ಬಗ್ಗೆ ಕುತೂಹಲಕಾರಿ ಕಥೆಯನ್ನು ಬಹಿರಂಗಪಡಿಸಿದರು. ರೋಹಿತ್ ಎಷ್ಟು ಅಪಾಯಕಾರಿ ಬ್ಯಾಟರ್ ಎಂಬುದನ್ನು ವಿವರಿಸಿದ ಅಶ್ವಿನ್ ವಿಷಯ ಪ್ರಸ್ತಾಪಿಸಿದರು.
ರೋಹಿತ್ ಶರ್ಮಾಗೆ ಬೌಲಿಂಗ್ ಮಾಡುವುದು ಕಷ್ಟ
5-6 ವರ್ಷಗಳ ಹಿಂದೆ, ರೋಹಿತ್ ಬ್ಯಾಟಿಂಗ್ ಮಾಡುವಾಗ ವಿರಾಟ್ ಕೊಹ್ಲಿ ಮತ್ತು ನಾನು ಚರ್ಚೆ ನಡೆಸಿದ್ದೇವೆ. ಅದು ಯಾವ ಪಂದ್ಯ ಎಂದು ನನಗೆ ನೆನಪಿಲ್ಲ. ರೋಹಿತ್ ಬ್ಯಾಟಿಂಗ್ ನೋಡಿ, ನಾನು ಯೋಚಿಸುತ್ತಿದ್ದೆ, ಅವನಿಗೆ ಎಲ್ಲಿ ಬೌಲಿಂಗ್ ಮಾಡುತ್ತೀರಿ? 15-20 ಓವರ್ಗಳ ನಂತರ ರೋಹಿತ್ ಸೆಟ್ಗೆ ಬಂದರೆ, ಅವರಿಗೆ ಎಲ್ಲಿ ಬೌಲ್ ಮಾಡಬೇಕೆಂದು ನಿಮಗೆ ತಿಳಿದಿರುವುದಿಲ್ಲ ಎಂದು ಯೂಟ್ಯೂಬ್ ಚಾನಲ್ನಲ್ಲಿ ಹೇಳಿದ್ದಾರೆ.
"ವಿರಾಟ್ ನನ್ನನ್ನು ಕೇಳಿದರು, ಅಂತಿಮ ಓವರ್ ಗಳಲ್ಲಿ ನಾಯಕನ ದುಃಸ್ವಪ್ನ ಯಾರೆಂದು ನಿಮಗೆ ತಿಳಿದಿದೆಯೇ? ನಾನು "ಧೋನಿಯೇ?" ಎಂದು ಕೇಳಿದೆ ಅದಕ್ಕೆ ರೋಹಿತ್' ಎಂದಿದ್ದ ಕೊಹ್ಲಿ. ಏಕೆ ಎಂದು ನಾನು ಅವರನ್ನು ಕೇಳಿದಾಗ, ಅಂತಿಮ ಓವರ್ ಗಳಲ್ಲಿ ರೋಹಿತ್ಗೆ ಎಲ್ಲಿ ಬೌಲಿಂಗ್ ಮಾಡಬೇಕೆಂದು ನಿಮಗೆ ತಿಳಿದಿಲ್ಲ ಎಂದು ಅವರು ಹೇಳಿದರು" ಎಂದು ಅಶ್ವಿನ್ ಬಹಿರಂಗಪಡಿಸಿದರು.
ಆರಂಭಿಕರಾಗಿ ಅವಕಾಶ ಕೊಟ್ಟಿದ್ದು ಧೋನಿ
ರೋಹಿತ್ ತಮ್ಮ ಭಾರತ ವೃತ್ತಿಜೀವನವನ್ನು ಮಧ್ಯಮ ಕ್ರಮಾಂಕದ ಬ್ಯಾಟರ್ ಆಗಿ ಪ್ರಾರಂಭಿಸಿದರು ಆದರೆ ಆಗಿನ ನಾಯಕ ಎಂಎಸ್ ಧೋನಿ ರೋಹಿತ್ ಶರ್ಮಾ ಅವರಿಗೆ ಆರಂಭಿಕ ಬ್ಯಾಟರ್ ಆಗಿ ಬಡ್ತಿ ನೀಡಿದರು ಎನ್ನುವುದನ್ನು ಗಮನಿಸಬೇಕು. ಆರಂಭಿಕರಾಗಿ ಕಣಕ್ಕಿಳಿದ ಬಳಿಕ ರೋಹಿತ್ ಶರ್ಮಾ ಅತ್ಯುತ್ತಮ ಪ್ರದರ್ಶನ ನೀಡಿದರು, ಪ್ರಪಂಚದ ಅಪಾಯಕಾರಿ ಬ್ಯಾಟರ್ ಗಳಲ್ಲಿ ರೋಹಿತ್ ಶರ್ಮಾ ಕೂಡ ಒಬ್ಬರು ಎಂದು ಗುರುತಿಸಿಕೊಂಡಿದ್ದಾರೆ.
ಮಾತು ಮುಂದುವರಿಸಿದ ಅಶ್ವಿನ್, ಡೆತ್ ಓವರ್ಗಳಲ್ಲಿ ರೋಹಿತ್ಗೆ ಬೌಲಿಂಗ್ ಮಾಡುವುದು ಎಷ್ಟು ಕಷ್ಟ ಎಂದು ವಿವರಿಸಿದರು ಏಕೆಂದರೆ ಅವರ ಬತ್ತಳಿಕೆಯಲ್ಲಿ ಎಲ್ಲಾ ರೀತಿಯ ಹೊಡೆತಗಳಿವೆ. "ರೋಹಿತ್ ಶರ್ಮಾ ಟಿ20ಯಲ್ಲಿ 16 ನೇ ಓವರ್ನ ಕೊನೆಯಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದರೆ, ನೀವು ಎಲ್ಲಿ ಬೌಲ್ ಮಾಡುತ್ತೀರಿ? ಅವರು ಪುಸ್ತಕದಲ್ಲಿರುವ ಎಲ್ಲಾ ಶಾಟ್ಗಳನ್ನು ಹೊಡೆಯುವ ಸಾಮರ್ಥ್ಯ ಹೊಂದಿದ್ದಾರೆ. ಒಮ್ಮೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕೊಹ್ಲಿ ಮರೆಯಲಾಗದ ಅಸಾಧಾರಣ ನಾಕ್ ಅನ್ನು ರೋಹಿತ್ ಶರ್ಮಾ ಆಡಿದ್ದಾರೆ ಎಂದು ತೋರುತ್ತದೆ." ಎಂದು ರವಿಚಂದ್ರನ್ ಅಶ್ವಿನ್ ಹೇಳಿದರು.
ಭಾರತದ ನಂ. 4 ಬಿಕ್ಕಟ್ಟನ್ನು ಪರಿಹರಿಸುವ ಪ್ರಯತ್ನದಲ್ಲಿ ರೋಹಿತ್ ತನ್ನನ್ನು ಬ್ಯಾಟಿಂಗ್ ಕ್ರಮಾಂಕದಲ್ಲಿ ಕೆಳಗಿಳಿಸುವ ಬಗ್ಗೆ ಮಾತುಕತೆಗಳು ನಡೆದಿವೆ. ಕೆಎಲ್ ರಾಹುಲ್ ಆ ಪಾತ್ರವನ್ನು ಸಲೀಸಾಗಿ ನಿಭಾಯಿಸಿದ್ದಾರೆ, ಮುಂದಿನ ತಿಂಗಳು ಪ್ರಾರಂಭವಾಗುವ ಏಕದಿನ ವಿಶ್ವಕಪ್ನಲ್ಲಿ ತಂತ್ರದಲ್ಲಿ ಬದಲಾವಣೆ ಇದೆಯೇ ಎಂದು ನೋಡಲು ಆಸಕ್ತಿದಾಯಕವಾಗಿದೆ.
Click it and Unblock the Notifications
Sign in with Google