ಕೊರೊನಾ ಎಫೆಕ್ಟ್: ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಪ್ರತ್ಯೇಕ ವಾರ್ಡ್!
ಶಿವಮೊಗ್ಗ, ಮಾರ್ಚ್ 03: ಬೆಂಗಳೂರಿನಲ್ಲಿ ನಿನ್ನೆ ಟೆಕ್ಕಿಗೆ ಕೊರೊನಾ ವೈರಸ್ ಕಾಣಿಸಿಕೊಂಡಿದ್ದು, ಹೀಗಾಗಿ ರಾಜ್ಯದ ಎಲ್ಲ ಜಿಲ್ಲಾ ಆಸ್ಪತ್ರೆಗಳಲ್ಲಿ ಕೊರೊನಾ ವೈರಸ್ ವಾರ್ಡ್ ತೆರೆಯಲು ಆರೋಗ್ಯ ಇಲಾಖೆ ಆದೇಶಿಸಿದೆ.
ಅದರಂತೆ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಕೊರೊನಾ ವೈರಸ್ ಗೆ ಪ್ರತ್ಯೇಕ ವಾರ್ಡ್ ತೆರೆಯಲಾಗಿದೆ. 6 ಬೆಡ್, ಪ್ರತ್ಯೇಕ ವೈದ್ಯರು ಹಾಗೂ ಔಷಧಿಗಳನ್ನು ಅಲ್ಲೇ ಇರಿಸಲಾಗಿದೆ.
ಕೊರೊನಾ ವೈರಸ್: ಯಾವ ದೇಶದಲ್ಲಿ ಎಷ್ಟು ಪ್ರಕರಣ, ಎಷ್ಟು ಸಾವು?
ಈ ಕುರಿತು ಮಾತನಾಡಿದ ಪ್ರಭಾರ ಜಿಲ್ಲಾ ಆರೋಗ್ಯ ಅಧೀಕ್ಷಕ ಸಜ್ಜನ್ ಮಂಜುನಾಥ್ ಜ್ವರ, ತಲೆನೋವು, ಮೊದಲಾದ ಲಕ್ಷಣಗಳು ಕೊರೊನಾ ವೈರಸ್ ನ ಲಕ್ಷಣಗಳಾಗಿವೆ ಎಂದರು.
ಕಾಯಿಲೆ ಕಾಣಿಸಿಕೊಂಡ ವ್ಯಕ್ತಿಗಳ ರಕ್ತ ಪರೀಕ್ಷೆ ನಡೆಸಿ ನಂತರ ಇಲ್ಲಿನ ವಾರ್ಡ್ ನಲ್ಲಿ ಇರಿಸಲಾಗುವುದು. ಈ ರೋಗಕ್ಕೆ ಪ್ರತ್ಯೇಕ ವಾರ್ಡ್ ನ್ನು ಮೆಗ್ಗಾನ್ ಆಸ್ಪತ್ರೆಯಲ್ಲಿ ತೆರೆಯಲಾಗಿದೆ. ಈ ರೋಗದ ಬಗ್ಗೆ ಭಯಪಡುವುದು ಬೇಡ ಎಂದು ತಿಳಿಸಿದರು.
ಇನ್ನು ರಾಜ್ಯದಲ್ಲಿ ಕೊರೊನಾ ವೈರಸ್ ತಳಮಟ್ಟದಲ್ಲಿದೆ, ಅಷ್ಟರ ಮಟ್ಟಿಗೆ ಭಾರತ ದೇಶದಲ್ಲಿ ಜನ ಸೇಫ್ ಆಗಿದ್ದೇವೆ ಎಂದು ಹೇಳಿದರು.