ರಾಂಚಿ, ನವೆಂಬರ್ 30: ಐದು ವರ್ಷಗಳ ಹಿಂದೆ ಮೊದಲ ಬಾರಿಗೆ ಜಾರ್ಖಂಡ್ ನಲ್ಲಿ ಆಡಳಿತ ಹಿಡಿದಿದ್ದ ಬಿಜೆಪಿಗೆ ಮತ್ತೆ ಅಗ್ನಿಪರೀಕ್ಷೆ ಎದುರಾಗಿದೆ.

ಹಾಗೆಯೇ ಲೋಕಸಭೆ ಗೆಲುವಿನ ಹುಮ್ಮಸ್ಸಿನಲ್ಲಿ ಮೈಮರೆತರು ಮಹಾರಾಷ್ಟ್ರ ಕಳೆದುಕೊಂಡು, ಹರ್ಯಾಣವನ್ನು ಸ್ವಲ್ಪದರಲ್ಲಿಯೇ ಉಳಿಸಿಕೊಂಡಿದ್ದ ಬಿಜೆಪಿ ಹಣಿಯಲು ಪ್ರತಿಪಕ್ಷಗಳಿಗೆ ಇದೊಂದು ಮತ್ತೊಂದು ಅವಕಾಶವಾಗಿದೆ.

ನಕ್ಸಲ್ ಪೀಡಿತ ರಾಜ್ಯವಾಗಿರುವ ಜಾರ್ಖಂಡ್ ನಲ್ಲಿ ಕೇವಲ 81 ವಿಧಾನಸಭೆ ಸೀಟುಗಳಿಗೆ ಹಂತದ ಚುನಾವಣೆ ನಡೆಯಲಿದೆ. ಶನಿವಾರ ಮೊದಲ ಹಂತದ ಮತದಾನ ಆರಂಭವಾಗಿದೆ.

ಮೊದಲ ಹಂತದಲ್ಲಿ 13 ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದ್ದು, ನಕ್ಸಲ್ ಪೀಡಿತವಾಗಿರುವುದರಿಂದ ಅತೀವ ಎಚ್ಚರಿಕೆ ವಹಿಸಲಾಗಿದೆ.

ಮೊದಲ ಹಂತದ 13 ಕ್ಷೇತ್ರಗಳಿಗೆ ಸಂಬಂಧಿಸಿ 4,892 ಮತದಾನ ಕೇಂದ್ರಗಳಲ್ಲಿ ಚುನಾವಣೆ ನಡೆಯಲಿದ್ದು, 1202 ಸೂಕ್ಷ್ಮ ಹಾಗೂ 1790ಅತೀ ಸೂಕ್ಷ್ಮ ಮತಗಟ್ಟೆ ಎಂದು ಗುರುತಿಸಲಾಗಿದೆ. ನ.30ರಂದು ಜಾರ್ಖಂಡ್ ಮೊದಲ ಹಂತದ ಮತದಾನದ ಮುನ್ನೋಟ

ಇದೇ ಕಾರಣದಿಂದ ಚುನಾವಣೆ ಮೇಲೆ ಅಲ್ಪ ಮಟ್ಟಿನ ಭಯ ಆರಂಭವಾಗಿದೆ. ಒಟ್ಟಾರೆ ಜಾರ್ಖಂಡ್ ನ 19 ಜಿಲ್ಲೆಯ 69 ವಿಧಾನಸಭೆ ಕ್ಷೇತ್ರಗಳು ನಕ್ಸಲ್ ಸಮಸ್ಯೆಯಿಂದ ಬಳಲುತ್ತಿದೆ.

ಇದೇ ಕಾರಣದಿಂದ ರಾಜ್ಯದಲ್ಲಿ 5 ಹಂತಗಳಲ್ಲಿ ಚುನಾವಣೆ ನಡೆಸಲಾಗುತ್ತಿದೆ. ಚುನಾವಣಾ ಆಯೋಗವು ವಿಶೇಷ ಭದ್ರತಾ ವ್ಯವಸ್ಥೆ ಮಾಡಿದೆ. ಡಿಸೆಂಬರ್ 23ರಂದು ಕೊನೆ ಹಂತದ ಮತದಾನ ನಿಗದಿಯಾಗಿದೆ.

ಬುಡಕಟ್ಟು ಹೋರಾಟ: ಜಾರ್ಖಂಡನ ಬಹುತೇಕ ವಿಧಾನಸಭೆ ಕ್ಷೇತ್ರಗಳಲ್ಲಿ ಬುಡಕಟ್ಟು ಜನಾಂಗದ ಪ್ರಭಾವ ಹೆಚ್ಚಿದೆ. ಅದರಲ್ಲೂ ಬುಡಕಟ್ಟು ಜನಾಂಗದ ವಿರುದ್ಧ ಆಡಳಿತ ಪಕ್ಷ ತೆಗೆದುಕೊಂಡಿರುವ ಕೆಲ ಕ್ರಮಗಳು ಚುನಾವಣಾ ವಿಷಯಗಳಾಗಿ ಪರಿಣಮಿಸಿವೆ.

ಇನ್ನೊಂದೆಡೆ ಇದೇ ಜನಾಂಗದ ಪರವಾಗಿ ಸರ್ಕಾರ ಕೆಲ ಕಲ್ಯಾಣ ಯೋಜನೆ ಕೂಡ ಜಾರಿ ತಂದಿದೆ. ಹೀಗಾಗಿ ಈ ಬಾರಿಯ ಫಲಿತಾಂಶ, ಚುನಾವಣೆ ಮೇಲೆ ತೀವ್ರ ಕುತೂಹಲ ಆರಂಭವಾಗಿದೆ. ಮೇಲ್ನೋಟಕ್ಕೆ ಬಿಜೆಪಿ ಹಾಗೂ ಜೆಎಂಎಂ ನಡುವೆ ನೇರ ಹೋರಾಟವಿದೆ.

English summary

1st Phase Of Jharkhand Assembly Elections of 13 constituencies in Jharkhand go to polls Today, Campaigning for the first phase of Jharkhand assembly elections ended on Thursday.