ನಟಿ ವಿಜಯ ಶಾಂತಿ ಕೊನೆಗೂ ಕಾಂಗ್ರೆಸ್ಸಿಗೆ ಸೇರ್ಪಡೆ
ನವದೆಹಲಿ, ಫೆ. 28-ಲೋಕಸಭಾ ಚುನಾವಣೆ ಹೊಸ್ತಿಲಲ್ಲಿ, ತೆಲಂಗಾಣ ಪ್ರತ್ಯೇಕ ರಾಜ್ಯ ಉದಯವಾದ ಸಂದರ್ಭದಲ್ಲಿ ತೆಲುಗು ಖ್ಯಾತ ನಟಿ, ಟಿಆರೆಸ್ ಸಂಸದೆ ಎಂ ವಿಜಯ ಶಾಂತಿ ಕೊನೆಗೂ ಕಾಂಗ್ರೆಸ್ಸಿಗೆ ಸೇರ್ಪಡೆಯಾಗಿದ್ದಾರೆ. ವಿಜಯ ಶಾಂತಿ ಅವರು ಮೇಡಕ್ ಲೋಕಸಭಾ ಕ್ಷೇತ್ರದ ತೆಲಂಗಾಣ ರಾಜ್ಯ ಸಮಿತಿ ಪಕ್ಷದ ಸಂಸದೆಯಾಗಿದ್ದರು.
ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಆಂಧ್ರದ ಉಸ್ತುವಾರಿ ಹೊತ್ತಿರುವ ಎಐಸಿಸಿ ಪ್ರಧಾನ ಕಾರ್ಯದರ್ಶಿ ದಿಗ್ವಿಜಯ್ ಸಿಂಗ್ ಅವರ ಸಮ್ಮುಖದಲ್ಲಿ ಗುರುವಾರ ಕಾಂಗ್ರೆಸ್ಸಿಗೆ ಅಂಕಿತರಾಗಿದ್ದಾರೆ. 50 ವರ್ಷದ ವಿಜಯ ಶಾಂತಿ ಕಾಂಗ್ರೆಸ್ ಸೇರುವುದು ಖಚಿತವಾಗುತ್ತಿದ್ದಂತೆ ಇತ್ತೀಚೆಗೆ ಅವರನ್ನು TRSನಿಂದ ಉಚ್ಚಾಟನೆ ಮಾಡಲಾಗಿತ್ತು. ವಿಜಯ ಶಾಂತಿ ಜತೆಗೆ ಆ ಪಕ್ಷದ ಮತ್ತೊಬ್ಬ ಮುಖಂಡ ಅರವಿಂದ್ ರೆಡ್ಡಿ ಸಹ ಕಾಂಗ್ರೆಸ್ ಸೇರಿದ್ದಾರೆ.
ವಿಜಯ ಶಾಂತಿ ಮತ್ತು ಅರವಿಂದ್ ರೆಡ್ಡಿ ಅವರಿಬ್ಬರನ್ನೂ ಕಾಂಗ್ರೆಸ್ ಪಕ್ಷಕ್ಕೆ ಸೇರಿಸಿಕೊಂಡಿರುವುದರ ವಿರುದ್ಧ TRS ನಾಯಕರು ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದ್ದಾರೆ.
ಗಮನಾರ್ಹವೆಂದರೆ ತೆಲಂಗಾಣ ರಚನೆ ಕೈಗೂಡುತ್ತಿದ್ದಂತೆ, ಲೋಕಸಭಾ ಚುನಾವಣೆ ಹೊಸ್ತಿಲಲ್ಲಿ ತಾವು ಕಾಂಗ್ರೆಸ್ ಕೈಹಿಡಿಯುವುದಾಗಿ ಸ್ವತಃ ಚಂದ್ರಶೇಖರ್ ರಾವ್ ಅವರೇ ಹೇಳುತ್ತಿದ್ದರು. ಆದರೆ ಕೊಟ್ಟು-ತೆಗೆದುಕೊಳ್ಳುವ ಮಾತುಕತೆ ಸದ್ಯಕ್ಕೆ ಮುರಿದುಬಿದ್ದ ಹಿನ್ನೆಲೆಯಲ್ಲಿ ಚಂದ್ರಶೇಖರ್ ಇನ್ನೂ ಕಾಂಗ್ರೆಸ್ ಕೈಗೆ ಎಟುಕಿಲ್ಲ.
Click it and Unblock the Notifications
Sign in with Google