ಸಮಸ್ತ ಮುಸ್ಲಿಂ ಬಾಂಧವರಿಗೆ ಈದ್ ಶುಭಾಶಯ ಕೋರಿದ ಮೋದಿ
ನವದೆಹಲಿ, ಡಿಸೆಂಬರ್ 02: ಸಮಸ್ತ ಮುಸ್ಲಿಂ ಬಾಂಧವರಿಗೆ ಈದ್ ಮಿಲಾದ್ ಹಬ್ಬದ ಶುಭಹಾರೈಕೆಗಳು ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ. ಇಂದು(ಡಿ.02) ದೇಶದಾದ್ಯಂತ ಮುಸ್ಲಿಂ ಸಮುದಾಯದ ಬಾಂಧವರು ಈದ್ ಮಿಲಾದ ಹಬ್ಬವನ್ನು ಸಂಭ್ರಮ- ಸಡಗರದಿಂದ ಆಚರಿಸುತ್ತಿದ್ದು, ಹಲವು ಗಣ್ಯರು ಶುಭಕೋರಿದ್ದಾರೆ.
ಪ್ರವಾದಿ ಮಹಮ್ಮದ್ ರ ಜನ್ಮದಿನವನ್ನು ಮಿಲದ್ ಉನ್ ನಬಿ ಎಂದು ಮುಸ್ಲಿಮರು ಆಚರಿಸುತ್ತಾರೆ. ಈ ಕುರಿತು ಟ್ವೀಟ್ ಮಾಡಿದ ಮೋದಿ, "ಎಲ್ಲರಿಗೂ ಈದ್ ಮಿಲಾದ್ ನ ಶುಭಾಶಯಗಳು. ಪ್ರವಾದಿ ಮಹಮ್ಮದ್ ರ ಎಲ್ಲಾ ಬೋಧನೆಗಳೂ ಸಮಾಜದಲ್ಲಿ ಸೌಹಾರ್ದತೆಯನ್ನು ಹೆಚ್ಚಿಸಲು ಸ್ಫೂರ್ತಿಯಾಗಲಿ" ಎಂದು ಹಾರೈಸಿದ್ದಾರೆ.
ಚಾಂದ್ರಮಾನ ಕ್ಯಾಲೆಂಡರ್ ಗೆ ತಕ್ಕಂತೆ ಇಡೀ ಜಗತ್ತಿನಲ್ಲೂ ಈದ್ ಮಿಲಾದ್ ಆಚರಣೆ ಬದಲಾಗುತ್ತದೆ. ಕರ್ನಾಟಕ, ತೆಲಂಗಾಣ ಮುಂತಾದ ದಕ್ಷಿಣ ಭಾರತದ ರಾಜ್ಯಗಳಲ್ಲಿ ಶನಿವಾರದವರೆಗೂ ಚಂದ್ರ ಕಾಣದ ಕಾರಣ, ಚಂದ್ರ ಕಾಣಿಸಿದ ನಂತರ ಹಬ್ಬ ಆಚರಿಸಲಾಗುತ್ತದೆ.
Greetings on Id-E-Milad. May the teachings of Prophet Mohammad further the spirit of harmony in our society. https://t.co/DpGJI8BZUN
— Narendra Modi (@narendramodi) December 2, 2017