ಕೊರೊನಾ ವಿರುದ್ಧ ಓಲಾ, ಉಬರ್, ಸ್ವಿಗ್ಗಿ, ಜೊಮ್ಯಾಟೊ ಹೋರಾಟ: ಹೇಗೆ ಎಂದು ತಿಳಿಯಿರಿ?
ನವದೆಹಲಿ, ಆಗಸ್ಟ್ 12: ಕೊರೊನಾವೈರಸ್ ಸಾಂಕ್ರಾಮಿಕ ರೋಗ ಹರಡುವುದನ್ನು ತಪ್ಪಿಸಲು ರಾಷ್ಟ್ರವ್ಯಾಪಿ ಲಾಕ್ಡೌನ್ದಿಂದಾಗಿ ಬಹುತೇಕ ಎಲ್ಲಾ ಉದ್ಯಮಗಳು ನಲುಗಿ ಹೋಗಿವೆ. ಅದರಲ್ಲೂ ಆ್ಯಪ್ ಆಧಾರಿತ ಬಾಡಿಗೆ ಕಾರು ಬುಕ್ಕಿಂಗ್ ಓಲಾ, ಉಬರ್, ಫುಡ್ ಆರ್ಡರ್ ಅಪ್ಲಿಕೇಶನ್ ಸ್ವಿಗ್ಗಿ, ಜೊಮ್ಯಾಟೊ ಕೂಡ ತಮ್ಮ ಮಾರುಕಟ್ಟೆಯನ್ನು ಉಳಿಸಿಕೊಳ್ಳಲು ಹೆಣಗಾಡುತ್ತಿವೆ.
ಲಾಕ್ಡೌನ್ ಪರಿಣಾಮದ ಬಿಸಿ ಆತಿಥ್ಯ ಕಂಪೆನಿಗಳು ಮತ್ತು ಮಧ್ಯಮ ಹಂತದ ಸ್ಟಾರ್ಟ್ಅಪ್ಗಳು ರೋಗದ ವಿರುದ್ಧ ಜಾಗೃತಿ ಮೂಡಿಸಲು ಮತ್ತು ಅವರ ಉದ್ಯೋಗಿಗಳನ್ನು ರಕ್ಷಿಸಲು ತೀವ್ರ ವ್ಯಾಪಾರ ನಷ್ಟವನ್ನು ಎದುರಿಸುತ್ತಿವೆ.
ಓಯೋ, ಪೇಟಿಎಂ, ಓಲಾ, ಸ್ವಿಗ್ಗಿ, ಜೊಮ್ಯಾಟೊ, ಉಬರ್, ಇತರರು ಸುರಕ್ಷಿತ ಸಂಪರ್ಕವನ್ನು ಖಚಿತಪಡಿಸಿಕೊಳ್ಳಲು ಹಲವಾರು ಕ್ರಮಗಳನ್ನು ಘೋಷಿಸಿದ್ದಾರೆ. ಇದರಲ್ಲಿ 'ಕಾಂಟ್ಯಾಕ್ಟ್ಲೆಸ್ ಡ್ರಾಪ್-ಆಫ್ಗಳು' ಮತ್ತು ಪ್ರಯಾಣಿಕರಿಗೆ ಸುರಕ್ಷಿತವಾಗಿ ತಲುಪಿಸುವುದು ಸಹ ಒಳಗೊಂಡಿದೆ.
ಆಹಾರ ವಿತರಣಾ ಅಪ್ಲಿಕೇಶನ್ಗಳು ಸ್ವಿಗ್ಗಿ ಮತ್ತು ಜೊಮ್ಯಾಟೊ ತಮ್ಮ ಉದ್ಯೋಗಿಗಳನ್ನು ವಿತರಣಾ ವ್ಯಕ್ತಿಗಳು ಸೇರಿದಂತೆ ಸೋಂಕಿಗೆ ಒಳಗಾಗದಂತೆ ರಕ್ಷಿಸಲು ಹಲವಾರು ಕ್ರಮಗಳನ್ನು ಪರಿಚಯಿಸಿವೆ.
ಸ್ವಿಗ್ಗಿ ಮತ್ತು ಜೊಮ್ಯಾಟೊ ಸುರಕ್ಷಿತ ಕ್ರಮ
ಕಂಪನಿಯು ತನ್ನ ವಿತರಣಾ ಪಾಲುದಾರರಿಗೆ ಸರಿಯಾದ ಮಾಸ್ಕ್ ಧರಿಸುವುದು, ಕೈ ತೊಳೆಯುವ ವಿಧಾನ ಹಾಗೂ ಸಾಂಕ್ರಾಮಿಕ ರೋಗಕ್ಕೆ ಸಂಬಂಧಿಸಿದ ರೋಗಲಕ್ಷಣಗಳ ಬಗ್ಗೆ ಜಾಗೃತಿ ಮೂಡಿಸುವಾಗ ಉತ್ತಮ ಅಭ್ಯಾಸಗಳಿಗೆ ಸಂಬಂಧಿಸಿದಂತೆ ನಿರಂತರ ತರಬೇತಿಯನ್ನು ನೀಡುತ್ತಿದೆ.
ಜೊಮ್ಯಾಟೊ ಮತ್ತು ಸ್ವಿಗ್ಗಿ ಎರಡೂ ರೆಸ್ಟೋರೆಂಟ್ಗಳೊಂದಿಗೆ ಸಂಪರ್ಕದಲ್ಲಿದ್ದಾರೆ ಮತ್ತು ಎಲ್ಲಾ ಆರೋಗ್ಯ ಮಾರ್ಗಸೂಚಿಗಳನ್ನು ಅನುಸರಿಸುತ್ತಿದ್ದಾರೆ . ಆಹಾರವನ್ನು ನಿರ್ವಹಿಸುವಾಗ, ಪ್ಯಾಕೇಜಿಂಗ್ ಮಾಡುವಾಗ ಉತ್ತಮ ನೈರ್ಮಲ್ಯ ಪದ್ಧತಿಗಳ ಬಗ್ಗೆ ತರಬೇತಿ ನೀಡಲಾಗಿದೆ.
ಡಿಜಿಟಲ್ ಪಾವತಿಗೆ ಒತ್ತು
ಇತರ ಆನ್ಲೈನ್ ಪ್ಲಾಟ್ಫಾರ್ಮ್ಗಳಾದ ಬಿಗ್ಬಾಸ್ಕೆಟ್, ಫ್ಲಿಪ್ಕಾರ್ಟ್ ಮತ್ತು ಗ್ರೋಫರ್ಸ್ ಕೂಡ ತಮ್ಮ ಗ್ರಾಹಕರಿಗೆ ಡಿಜಿಟಲ್ ಪಾವತಿಗಳನ್ನು ಮಾಡುವಂತೆ ಒತ್ತಾಯಿಸಿದೆ. ಈ ಮೂಲಕ ಸಂಪರ್ಕ ಕಡಿತಗೊಳ್ಳುವುದು ಸಾಧ್ಯ.
ಲಾಕ್ಡೌನ್ ಸಮಯದಲ್ಲಿ 100 ಕ್ಯಾಬ್ಗಳು
ಲಾಕ್ಡೌನ್ ಸಮಯದಲ್ಲಿ ರೈಡ್-ಹೇಲಿಂಗ್ ಕ್ಯಾಬ್ ಅಗ್ರಿಗೇಟರ್ಗಳಾದ ಉಬರ್ ಮತ್ತು ಓಲಾ ತುರ್ತು ಆರೈಕೆ ವಾಹನಗಳಾಗಿ ಕಾರ್ಯನಿರ್ವಹಿಸಲು ತಲಾ ನೂರು ಕ್ಯಾಬ್ಗಳನ್ನು ಒದಗಿಸಿದ್ದವು.
ಕ್ಯಾಬ್ಗಳನ್ನು ಈ ಹಿಂದೆ ರೋಗಿಗಳನ್ನು ಮನೆಯಿಂದ ಆಸ್ಪತ್ರೆಗೆ ಮತ್ತು ಆಸ್ಪತ್ರೆಯಿಂದ ಮನೆಗೆ ಸ್ಥಳಾಂತರಿಸಲು ಬಳಸಲಾಗುತ್ತಿತ್ತು. ಆದರೆ ಶಂಕಿತ ಅಥವಾ ಕೋವಿಡ್-19 ಪಾಸಿಟಿವ್ ಪ್ರಕರಣಗಳ ಸಾಗಣೆ ಸೇರಿದಂತೆ ಇತರ ವೈದ್ಯಕೀಯ ತುರ್ತು ಪರಿಸ್ಥಿತಿಗಳಿಗೆ ಬಳಸಲಾಗಿಲ್ಲ.
ಪ್ರಯಾಣಿಕರ ಸುರಕ್ಷತೆಗೆ ಆದ್ಯತೆ
ಸಾಂಕ್ರಾಮಿಕ ಮತ್ತು ನಂತರದ ರಾಷ್ಟ್ರವ್ಯಾಪಿ ಲಾಕ್ಡೌನ್ ಮಧ್ಯೆ ಚಾಲಕರು ಮತ್ತು ಪ್ರಯಾಣಿಕರನ್ನು ರಕ್ಷಿಸಲು ಓಲಾ, ಉಬರ್ ಕೋವಿಡ್-19 ಮಾರ್ಗಸೂಚಿಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿತು. ಎರಡೂ ಕ್ಯಾಬ್ ಅಗ್ರಿಗೇಟರ್ಗಳು ತಮ್ಮ ಕಾರುಗಳಲ್ಲಿನ ಪ್ರಯಾಣಿಕರ ಸಂಖ್ಯೆಯನ್ನು ಎರಡಕ್ಕೆ ಇಳಿಸಿದ್ದಲ್ಲದೆ, ಹಿಂದಿನ ಸೀಟಿನಲ್ಲಿ ಇಬ್ಬರು ಪ್ರಯಾಣಿಕರಿಗೆ ಮಾತ್ರ ಪ್ರಯಾಣಕ್ಕೆ ಅವಕಾಶ ಕಲ್ಲಿಸಲಾಯಿತು.
Click it and Unblock the Notifications
Sign in with Google