ಉತ್ತರ ಭಾರತ ಇದೀಗ ಥಂಢಾ ಥಂಢಾ ಕೂಲ್ ಕೂಲ್

Updated: Monday, December 14, 2015, 15:21 [IST]

ನವದೆಹಲಿ, ಡಿಸೆಂಬರ್, 14: ಬೆಚ್ಚನೆಯ ವಸ್ತ್ರ, ಬೆಂಕಿಯ ಆಶೀರ್ವಾದ ಉತ್ತರ ಭಾರತದ ಜನರಿಗೆ ಪ್ರತಿದಿನ ಬೇಕಾಗಿದೆ. ಉಷ್ಣತೆ ಮೈನಸ್ ಡಿಗ್ರಿಗೆ ತಲುಪಿದ್ದರಿಂದ ಸಹಜವಾಗಿಯೇ ಜನ ಜೀವನದ ಮೇಲೆ ಪರಿಣಾಮ ಬೀರಿದೆ.

ಉತ್ತರ ಭಾರತ ಇದೀಗ ಥಂಢಾ ಥಂಢಾ.. ಚಳಿಗಾಲದ ವಾತಾವರಣ ಎಲ್ಲೆಡೆ ಮನೆ ಮಾಡಿದ್ದು ಹಿಮಾಚಲ ಪ್ರದೇಶ ಮತ್ತು ಕಾಶ್ಮೀರದ ಹಲವಾರು ಕಡೆ ಹಿಮಪಾತವಾಗಿದೆ.

ದೇಶದಲ್ಲೇ ಅತಿ ಕನಿಷ್ಠ ತಾಪಮಾನ ಕಾಶ್ಮೀರದ ಲೇಹ್‌ನಲ್ಲಿ -12.1 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ಜಮ್ಮು- ಕಾಶ್ಮೀರದ ಕೆಲವೆಡೆಗಳಲ್ಲಿ ಉಷ್ಣತೆ ಶೂನ್ಯ ದಿಂದ ಕೆಳಕ್ಕಿಳಿದಿದೆ. ಶ್ರೀನಗರದಲ್ಲಿ 0.6 ಡಿಗ್ರಿ ಸೆ. ತಾಪಮಾನವಿತ್ತು. ಹಿಮಾಚಲದಲ್ಲಿ ಹಿಮಪಾತವಾಗಿದ್ದು, ಸ್ಪಿತಿ ಜಿಲ್ಲೆಯಲ್ಲಿ -4.6, ಮನಾಲಿಯಲ್ಲಿ -3 ಮತ್ತು ಕಲ್ಪಾದಲ್ಲಿ -2.2 ಡಿಗ್ರಿ ಸೆಲ್ಸಿಯಸ್‌ ಉಷ್ಣಾಂಶ ದಾಖಲಾಗಿದೆ.[ಚಳಿಗಾಲಕ್ಕೆ ಬೆಚ್ಚನೆಯ ಆನ್ ಲೈನ್ ಆಫರ್ ಗಳು]

ಇನ್ನೂ ಎರಡು-ಮೂರು ದಿನ ಇದೇ ರೀತಿ ಚಳಿ ವಾತಾವರಣ ಇರಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಮಳೆ, ಭೂಕಂಪದ ಭಯದಲ್ಲಿದ್ದ ದೆಹಲಿ, ಪಂಜಾಬ್ , ಜಮ್ಮು ಮತ್ತು ಕಾಶ್ಮೀರದಲ್ಲಿ ಜನರು ಚಳಿಗಾಲಕ್ಕೆ ಹೊಂದಿಕೆಯಾಗುವ ದಿನಚರಿಯಲ್ಲಿ ತೊಡಗಿದ್ದಾರೆ. ಉತ್ತರ ಭಾರತದ ಚಳಿಗಾಲದ ಮೇಲೆ ಒಂದು ಸುತ್ತು ಹಾಕಿಕೊಂಡು ಬರೋಣ....(ಪಿಟಿಐ ಚಿತ್ರಗಳು)