ಕೇಂದ್ರ ಸಚಿವ ನಿತಿನ್ ಗಡ್ಕರಿ ಕಚೇರಿಯ ಗೋಡೆ ಮೇಲೆ ಹೀಗೆ ಬರೆದಿದೆ..
Recommended Video
ನವದೆಹಲಿ, ಜನವರಿ 03: ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರ ಕಚೇರಿಗೆ ಹೋದವರಿಗೆಲ್ಲಾ ಅಲ್ಲಿನ ಗೋಡೆಗೆ ಹಾಕಿರುವ ಫಲಕವೊಂದರ ಮೇಲೆ ದೃಷ್ಠಿ ಹರಿದೇ ಹರಿಯುತ್ತದೆ. ಫಲಕದ ಮೇಲೆ ಬರೆದಿರುವುದನ್ನು ಓದಿದ ಮೇಲೆ ಗಡ್ಕರಿ ಅವರ ಕನಸು ಏನು ಎಂಬುದು ಅರ್ಥವಾಗುತ್ತದೆ. ಇಷ್ಟಕ್ಕೂ ಆ ಫಲಕದ ಮೇಲೆ ಬರೆದಿರುವುದು ಏನು?
'ಅಮೆರಿಕ ಶ್ರೀಮಂತ ರಾಷ್ಟ್ರ ಎಂಬ ಕಾರಣಕ್ಕೆ ಅದರ ರಸ್ತೆಗಳು ಚೆನ್ನಾಗಿವೆ ಎಂಬುದು ಸುಳ್ಳು, ಅಮೆರಿಕದ ರಸ್ತೆಗಳು ಚೆನ್ನಾಗಿವೆ ಹಾಗಾಗಿ ಅಮೆರಿಕ ಶ್ರೀಮಂತ ರಾಷ್ಟ್ರವಾಗಿದೆ' ಎಂಬ ಅಮೆರಿಕದ ಮಾಜಿ ಅಧ್ಯಕ್ಷ ಜಾನ್ ಎಫ್.ಕೆನಡಿ ಅವರ ಪ್ರಖ್ಯಾತ ಮಾತೊಂದನ್ನು ದೊಡ್ಡ ಅಕ್ಷರದಲ್ಲಿ ಬರೆಸಿ ತಮ್ಮ ಕಚೇರಿಯ ಗೋಡೆಯ ಮೇಲೆ ಹಾಕಿಸಿಕೊಂಡಿದ್ದಾರೆ ಸಚಿವ ನಿತಿನ್ ಗಡ್ಕರಿ.
ದೆಹಲಿಯ ಅಕ್ಬರ್ ರಸ್ತೆಯಲ್ಲಿರುವ ನಿತಿನ್ ಗಡ್ಕರಿ ಅವರು ಮುಖ್ಯ ಕಚೇರಿಯಲ್ಲಿ ಈ ಬೋರ್ಡ್ ಹಾಕಲಾಗಿದೆ. ಜಾನ್ ಎಫ್ ಕೆನಡಿ ಅವರ ಈ ಮೌಲಿಖ ಮಾತನ್ನು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವರಾಗಿರುವ ನಿತಿನ್ ಗಡ್ಕರಿ ಅವರು ಜಾರಿಗೆ ತರಬೇಕೆಂಬ ಉದ್ದೇಶದಿಂದಲೇ ಅದನ್ನು ತಮ್ಮ ಕಚೇರಿಯಲ್ಲಿ ದೊಡ್ಡ ಅಕ್ಷರದಲ್ಲಿ ಅಚ್ಚು ಹಾಕಿಸಿ ಹಾಕಿಸಿಕೊಂಡಿದ್ದಾರೆ.
ಇತ್ತೀಚೆಗೆ ತಾನೇ ಬೆಂಗಳೂರು-ಮೈಸೂರು ನಡುವೆ ಆರು ಪಥದ ರಸ್ತೆ ನಿರ್ಮಾಣಕ್ಕೆ ನಿತಿನ್ ಗಡ್ಕರಿ ಹಸಿರು ನಿಶಾನೆ ತೋರಿಸಿದ್ದಾರೆ. ಅಷ್ಟೆ ಅಲ್ಲದೆ ಹೆದ್ದಾರಿ ನಿರ್ವಹಣೆ ವೆಚ್ಚವನ್ನು ಹೆಚ್ಚು ಮಾಡಿದ್ದಾರೆ.
ಗಡ್ಕರಿ ಅವರ ಕಚೇರಿಯಲ್ಲಿ ಹಾಕಲಾಗಿರುವ ಫಲಕ ಅವರ ಕೆಲಸದಲ್ಲಿಯೂ ಪ್ರತಿಫಲವಾಗಲಿ ಎಂಬುದೇ ಎಲ್ಲರ ಆಶಯ.
Click it and Unblock the Notifications
Sign in with Google