ದೆಹಲಿ: DTU ವಿದ್ಯಾರ್ಥಿಗೆ Google ಬಂಪರ್ ಪ್ಯಾಕೇಜ್

ನವದೆಹಲಿ, ಸೆ.19: ಅಮೆರಿಕದ ಗೂಗಲ್ ಸಂಸ್ಥೆಯು ದೆಹಲಿ ಟೆಕ್ನಾಲಜಿಕಲ್ ಯೂನಿವರ್ಸಿಟಿಯ ವಿದ್ಯಾರ್ಥಿಯೊಬ್ಬನಿಗೆ ಕನಸು ಮನಸ್ಸಿನಲ್ಲೂ ಊಹಿಸದ ಭರ್ಜರಿ ಪ್ಯಾಕೇಜ್ ನೀಡಿದೆ. ಅಂದಹಾಗೆ 1941ರಲ್ಲಿ ಪಾಲಿಟೆಕ್ನಿಕ್ ಕಾಲೇಜು ರೂಪದಲ್ಲಿ ಅಸ್ತಿತ್ವಕ್ಕೆ ಬಂದ

ಇತ್ತೀಚೆಗೆ ವಿಶ್ವ ಶ್ರೇಷ್ಠ ಇಂಜಿನಿಯರಿಂಗ್ ಕಾಲೇಜಾಗಿ ಮಾರ್ಪಟ್ಟಿದೆ.

ಹಿಮಾಂಷು ಜಿಂದಾಲ್ ಈ ಅದೃಷ್ಟವಂತ ವಿದ್ಯಾರ್ಥಿ. ಈತ ಕಂಪ್ಯೂಟರ್ ಇಂಜಿನಿಯರಿಂಗ್ ವಿದ್ಯಾರ್ಥಿ. ಈತನಿಗೆ ವಾರ್ಷಿಕ 1,15,000 ಅಮೆರಿಕ ಡಾಲರ್ (93 ಲಕ್ಷ ರೂ) ಪಗಾರ ನೀಡುವುದಾಗಿ Google ಒಪ್ಪಂದ ಮಾಡಿಕೊಂಡಿದೆ. ಅಷ್ಟೇ ಅಲ್ಲ. 125 ಗೂಗಲ್ ಷೇರುಗಳನ್ನೂ ನೀಡುವುದಾಗಿ ತಿಳಿಸಿದೆ. ಇನ್ನು ಆ ವಿದ್ಯಾರ್ಥಿಯ ಬುದ್ಧಿಮತ್ತೆ ಎಷ್ಟಿರಬಹುದು!

ಇದೇ ಕಾಲೇಜಿನ ಮತ್ತೊಬ್ಬ ಸಾಫ್ಟ್ ವೇರ್ ಇಂಜಿನಿಯರಿಂಗ್ ವಿದ್ಯಾರ್ಥಿ ನಿಲೇಶ್ ಅಗರವಾಲ್ ಗೆ ವಾರ್ಷಿಕ 70 ಲಕ್ಷ ರೂ ಪ್ಯಾಕೇಜ್ ನೀಡಲು ಅಮೆರಿಕದ ಮತ್ತೊಂದು ಟೆಕ್ ಕಂಪನಿ EPIC ಮುಂದಾಗಿದೆ.

Delhi Technological Universityಯ ಅಂತಿಮ ವರ್ಷದ ಕಾಲಾವಧಿ ಆಗಸ್ಟ್ 1ರಂದು ಪ್ರಾರಂಭವಾಗಿದೆ. ನಾನಾ ಕಂಪನಿಗಳು ಇದುವರೆಗೂ ಒಟ್ಟು 265 ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶ ಒದಗಿಸಿವೆ. Goldman Sachs ಕಂಪನಿಯು ವಿದ್ಯಾರ್ಥಿಯೊಬ್ಬನಿಗೆ 28 ಲಕ್ಷ ರೂ ಮತ್ತು Amazon ಕಂಪನಿಯು ಮತ್ತೊಬ್ಬ ವಿದ್ಯಾರ್ಥಿಯೊಬ್ಬನಿಗೆ 19 ಲಕ್ಷ ರೂ ವಾರ್ಷಿಕ ಪಗಾರ ನೀಡಲು ಮುಂದಾಗಿದೆ.

ಕಠಿಣ ಪರಿಶ್ರಮ, ಅಪ್ಪ-ಅಮ್ಮನ ಆಶೀರ್ವಾದ ಮತ್ತು ಗೆಳೆಯರು ಸಾಥ್ ನೀಡಿದ್ದರಿಂದ ವಿಶ್ವ ಮಾನ್ಯ ಕಂಪನಿಯಲ್ಲಿ ತಮಗೆ ಉದ್ಯೋಗಾವಕಾಶ ಒದಗಲು ಸಾಧ್ಯವಾಯಿತು ಎಂದು ಹಿಮಾಂಷು ಹರ್ಷ ವ್ಯಕ್ತಪಡಿಸಿದ್ದಾನೆ.

English summary

Google USA offers DTU student Himanshu Jindal Rs 93 lakh per annum package. It was the best campus placement in the history of Delhi Technological Universityand comes at a time when the economy is in gloom. A computer engineering student, Himanshu Jindal, received an offer of an annual package of Rs 93 lakh (US$ 1,15,000) plus 125 stock units from Google, USA.